12 అక్టోబర్ 2017 గురువారం ఉదయం 7గంటల నుంచి 8 గంటల వరకు యోగి శాటిలైట్ టెలివిజన్ లో గార్గేయం కార్యక్రమంలో 'అష్టభుజి' అనే జ్యోతిష ఆధ్యాత్మిక ధారావాహికలు అందించనున్నాను.ఇందులో భాగంగా రేపే మొదటిభాగం ప్రసారం కాబోతున్నది....శ్రీ లలితా సహస్రనామ స్తోత్రంలోని అతిరహస్య నామాలతోనే ఈ 'అష్టభుజి' కార్యక్రమం ఉంటుంది. కనుక అందరూ వీక్షించవలసినది.- దైవజ్ఞ శ్రీనివాస గార్గేయ

Friday, October 28, 2016

కార్తీక పూర్ణిమన విజయాలను అందించే మహతీ యోగాన పెద్దజాబిలి

నారదుడి వీణ పేరు మహతి. దేవలోకంలో సంగీత విద్వాంసులుగా తుంబుర నారదులు సుప్రసిద్ధులు. ఒక గానామృత పరీక్షలో తుంబురుడి వీణాగానంతో దేవతలు మంత్రముగ్ధులై చేష్టలుడిగి సంగీతంలో లీనమయ్యారు.  తుంబుర గానం తదుపరి నారదుడు తన మహతి వీణని  మీటుతూ గానాన్ని సాగించాడు.
నారదుడి గమకాల గారడీలకు ప్రకృతిలో చలనం మొదలైంది.
తుంబురుడి గానంతో గడ్డకట్టిన సముద్రాలన్నీ తిరిగి కెరటాల హోరుతో సహజత్వాన్ని సంతరించుకున్నాయి.
నింగిలో నిలిచిపోయిన విహంగాలన్నీ స్వేచ్ఛగా ఎగరసాగాయి.
ప్రకృతి అంతా జీవకళతో ఉట్టిపడసాగింది.
దేవతలందరూ తన్మయత్వంతో తలలూపసాగారు. ఇది మహతి యొక్క ప్రత్యేకత. మహతి అంటే గొప్పది అని అర్థం. స్త్రీవాచక శబ్దంగా పిలుస్తారు. అంటే చేష్టలుడిగిన స్థితి నుంచి సహజ స్థితిలోకి తీసుకురావటానికి, గడ్డకట్టిన సముద్రాలని సైతం కరిగించగల స్థితి మహతికి ఉన్నదంటే... మహతి యొక్క ప్రాధాన్యత ఏమిటో గోచరమవుతుంది.

ఇక అసలు వివరాలలోకి వద్దాం. అతి గొప్పదైన, విశేషమైన విజయాలను అందించే దేవతలను అనుగ్రహించే విధంగా చేయగల అద్భుత యోగం ఒకటి నవంబర్ నెలలో రానున్నది. అదే మహతి యోగం.  ఇది  2016 నవంబర్ 14 కార్తీక పూర్ణిమ సోమవారం నాడు మహతి యోగ సమయంలో సాధారణ స్థాయి కంటే అత్యధిక స్థాయిలో పున్నమి చంద్రుడు దర్శనం ఇవ్వనున్నాడు. విశాఖ నక్షత్రంలో సూర్యుడు ఉండి, కృత్తికా నక్షత్రంలో చంద్రుడు ఉన్న సమయంలో కార్తీక పూర్ణిమని మహతి యోగం అంటారు. 

అయితే ఈ మహతి యోగంలో కనపడే అతి పెద్ద జాబిలి ప్రభావముచే... సరియైన పద్దతిలో స్త్రీ దేవతామూర్తుల మనస్సులను కరిగించి, విజయమనే అనుగ్రహం పొందుటకు తోడ్పడేదే మహతి యోగ  సమయము. కనుక ఇట్టి యోగాన్ని పొందాలంటే దీపావళి అమావాస్య నుంచి కార్తీక అమావాస్య వరకు నిత్యం రాత్రి సమయాలలో దీపారాధనతో పొందవచ్చుఁ . అవకాశం లేనివారు నవంబర్ 11 నుంచి 17వ తేదీ వరకు వారం రోజులు సాయంత్ర సమయాలలో దీపారాధనతో జగన్మాత అనుగ్రహానికి పాత్రులుకండి.

ఈ పరంపరలో దీపావళి రోజు (అక్టోబర్ 30) నుంచి ప్రారంభిస్తే 16వ రోజే మహతి యోగ పెద్ద జాబిలి (సూపర్ మూన్) దర్శనం. తిరిగి కార్తీక పున్నమి (నవంబర్ 14) నుంచి మొదలుపెడితే 16వ రోజు కార్తీక అమావాస్య (నవంబర్ 29) వస్తుంది. దీపావళి నుంచి మొదలుపెట్టి  కార్తీక అమావాస్య వరకు , రోజుకి 16 నామాల చొప్పున లలితా సహస్రనామాలతో  ప్రదోషకాలంలో దీపారాధన చేసి ప్రార్ధించి ప్రక్రియను ఆచరించేది. ఇక ఈ ప్రక్రియ ఎలా ఆచరించాలి, ఏ సమయంలో ఆచరించాలి మొదలైన విషయాలను అన్నింటిని వెంట వెంటనే ఇచ్చే పోస్టింగులలో తెలియచేస్తాను . దీనితో పాటు యూట్యూబ్ లింక్ లను కూడా ఇస్తాను. కనుక వాటిని చదివి మీ బంధు మిత్రాదులకు తెలియచేయండి.

ఇక ముఖ్యంగా దీపావళి పర్వదినాన లక్ష్మీ పూజను ఏ ఏ సమయాలలో ఆచరించాలో తెలుసుకుందాం. భారతదేశంతో పాటు అమెరికా, లండన్, సిడ్నీ, సింగపూర్ ప్రాంతాలలో లక్ష్మీ పూజ ఆచరించుటకు శాస్త్రీయమైన సమయాలను క్రింది వీడియో ద్వారా తెలుసుకోవచ్చును.

గమనిక - ఈ వీడియోలోని స్క్రోలింగ్ మ్యాటర్లో... దీపావళి, ధన త్రయోదశి పర్వదిన ఆచరణ తేదీలలో, న్యూయార్క్, లాస్ ఏంజిల్స్, ఫ్లోరిడా, టెక్సాస్, డల్లాస్, అట్లాంటా, చికాగో, వర్జీనియాలకు 29 శనివారం అని టైపింగ్ బదులుగా, 29 ఆదివారము అని పొరపాటున స్క్రోలింగ్లో ఉన్నది. కనుక 29 శనివారంగా సరిచూసుకొనవలసినదిగా కోరుతున్నాను. - దైవజ్ఞ పొన్నలూరి శ్రీనివాస గార్గేయ


No comments:

Post a Comment

Note: Only a member of this blog may post a comment.