2012 మార్చి 4 న ఆచరించాల్సిన కలశపూజ వివరాలు

గార్గేయ సిద్దాంతి అనబడే నేను చెబుతున్న కలశ పూజ విశేషాలన్నింటిని భక్తిటీవీ ద్వారా విశ్వవ్యాప్తంగా ప్రేక్షకులు అభిమానంతో, భక్తితో ఆచరించి విశేషమైన ఫలితాలను పొందుతున్నారని వచ్చిన వార్తలను ఎంతో సంతోషిస్తున్నాను. టీవీ కార్యక్రమంలో వున్నా సమయం చాలా తక్కువైన కారణంగాను, కొంతమంది ఆ సమయానికి వినలేని కారణంగాను, అనేక సందేహాలు వస్తే తీర్చే వారు లేనందుకు బాధపడుతున్నాను. అందుకొరకై ఈ గ్రహభూమి బ్లాగులో, ఈ కలశ పూజ విశేషాలను సమయం ఎక్కువ లేని కారణంగా క్లుప్తంగా ఇస్తున్నాను. చక్కగా అర్థం చేసుకుంటారని ఆశిస్తాను.

ప్రతి స్త్రీ, పురుషుల మాడు (శిరస్సు) క్రింద, మెదడులోని సహస్రారచక్రంలో శ్రీ చక్రం వుంటుంది. ఈ సమస్త సృష్టి శ్రీ చక్రంలోని తొమ్మిది త్రికోణాల ద్వారా ఆవిర్భవిస్తుంది. ఈ తొమ్మిదింటిని మూల ప్రకృతులు లేక నవయోనులు అంటారు. సమస్త మానవుల శరీరాలలో తొమ్మిది ధాతువులు ఉంటాయి.  ఈ తొమ్మిది ధాతువులలో ఐదు ధాతువులు శక్తి త్రికోణాల ద్వారా ఆవిర్భవిస్తాయి. అవి చర్మం, రక్తం, మాంసం, మెదడు, ఎముకలు. మిగిలిన నలుగు ధాతువులైన ఎముకలలోని మజ్జ, వీర్యము, ప్రాణం, జీవం (జీవుడు)... ఈ నాలుగు శివ త్రికోణాల ద్వారా ఆవిర్భవిస్తాయి. భగవంతుడు ఎవరు ? భగవంతుడు, జగన్మాత భిన్నమైన వారా ? అనే సందేహం చాలా మందికి వస్తూ వుంటుంది. దీనికి సమాధానం ఏమంటే భగవంతుడు, జగన్మాత ఇద్దరు ఒక్కటే. రెండు భాద్యతలు నిర్వహిస్తున్న ఒక్కరినే, ఇద్దరుగా చాలా మంది భావిస్తువుంటారు.

భగవంతునికి రూపం లేదు. భగవంతుని శక్తి దృశ్యమాన జగత్తుగా ప్రతి స్త్రీ, పురుషులకు కనపడుతుంది. దీని రేఖ చిత్రమే శ్రీ చక్రం. ఈ శ్రీ చక్ర వర్ణన యే ఆది శంకరాచార్యుల వారు అందించిన సౌందర్య లహరి లోని 11 వ శ్లోకం. దేవి ఉపాసనతో సాధన పరిపూర్ణంగా చేసేవారే శ్రీచక్ర స్వరూపులు.
ప్రస్తుత ఆధునిక యుగంలో సమయం వెచ్చించి సాధన పరిపూర్ణంగా చేయలేకపోతున్నారు. అందుకే ఎన్నో సమస్యలకు లోనవుతున్నారు. కనుక సకల సమస్యల నుంచి మనకు మనం సంరక్షింపబడాలంటే ఏం చేయాలి ? అందుకే శ్రీచక్ర యంత్ర సమానమైన నవరక్షాకవచాలను పొందాలి. ఈ రక్షాకవచాలను సరియైన గ్రహ సంచార స్థితిగతులు వున్నప్పుడు మాత్రమే పొందవలసి వుంటుంది. అంతేతప్ప ప్రతి నిత్యం 9 రక్షాకవచాలను పొందుటకు అవకాశం వుండదు. ఒక్కోసారి సంవత్సరానికి ఒక పర్యాయమే నవరక్షాకవచాలను పొందే అవకాశం వుంటుంది. ఒక్కొక్కసారి ఆరేడుసార్లు పొందే అవకాశము వుంటుంది. ఒక్కొక్కసారి సంవత్సరానికి ఒక్క అవకాశం కూడా రాదు. అందుచేత అవకాశం వున్నప్పుడల్లా ఒక్కొక్క రక్షాకవచాలను పొందటము టీవీ ద్వారా తెలియచేస్తున్నాను. తొమ్మిది రక్షాకవచాలను ఒకేసారి పొందుటకు అతిత్వరలోనే ఒక శుభకరమైన రోజు సిద్ధంగా వుంది. కనుక ఇప్పటివరకు టీవీ ద్వారా 5 రక్షాకవచాలను గురించి చెప్పటం జరిగింది. ఇక 6 , 7 ఒకేరోజు పొందబోతున్నాము. అలాగే 7 , 8 కూడా ఒకేరోజు పొందబోతున్నాము. 9 రక్షాకవచాలను కూడా పొందుటకు ఒకేరోజు సమయము ఆసన్నమవుతున్నది.

అయితే టీవీ చూసిన ప్రేక్షకులలో కొన్ని కలశ పూజలు ఆచరించిన తక్షణమే అద్భుతాలను కూడా చవిచూడటం జరిగినది. కానీ ఇంతవరకు చెప్పిన 5 కలశ పూజలలో కొంతమంది కొన్నింటిని ఆచరించారు. మరికొన్నింటిని ఆచరించలేకపోయారు. ఈ పరంపరలో 2012 మార్చి 4  వ తేదీ ఆదివారం నాడు వరుసగా 3 కలశ పూజలు ఆచరించుటకు అవకాశం వుంది. అలాగే మార్చి 12 వ తేదీ సోమవారంనాడు నాల్గవ కలశ పూజ ఆచరించుటకు అవకాశం వుంది. అలాగే మార్చి 14 వ తేదీ బుధవారం నాడు 1 ,2 , 3 , 4 కలశ పూజలు ఆచరించుటకు అవకాశం వుంది. కనుక టీవీ చూసిన ప్రేక్షకులకు అనేక సందేహాలు వస్తూ వుంటాయి. ఈ సందేహాల నివృత్తికై చేసే చిన్ని ప్రయత్నమే కలశ పూజల శీర్షిక.
గతంలో స్వస్తిక్ మార్కు రుమాలును మొదటి రక్షాకవచంగా పొందివున్నారు. ఆ తరువాత 2011 అక్టోబర్ 25 మంగళవారంనాడు ధనత్రయోదశి, కృష్ణ అంగారక చతుర్దశి పర్వదినాన రెండవ కలశపూజ ఆచరించారు. ఇక్కడ ఒక విషయాన్ని గమనించాలి.
మొదట స్వస్తిక్ రుమాలను పొందినవారు 2011  అక్టోబర్ 25 న కలశపూజ (రుమాలు మరియు సూత్రము) ఆచరించి వుంటే, వారు రెండు రక్షాకవచాలకు చెందిన రెండు కలశపూజలను చేసారని భావించాలి.
అలాకాక 2011  అక్టోబర్ 25 నాడే పూజ ఆచరించి ఉన్ననూ, వారు కూడా రెండు రక్షాకవచాలకు చెందిన రెండు కలశపూజలను చేసారని భావించాలి.
మొదట రుమాలును పొందివుండి, 2011 అక్టోబర్ 25 ఎలాంటి పూజ ఆచరించకుండా, 2011 డిసెంబెర్ 21 బుధవారంనాడు పూజ ఆచరించి వుంటే (రుమాలు, సూత్రము మరియు నాణెంతో)... వీరు 3 రక్షాకవచాలకు చెందిన మూడు కలశపూజలను చేసారని భావించాలి.
ఇంతవరకూ మూడు ర అక్షాకవచాలను పొందారని భావము. 3 వ కలశపూజ తదుపరి ప్రతిపూజను ఖచ్చింతంగా పాటిస్తూ 9 రక్షాకవచాలను పొందవచ్చు. అంతేకాని 3 ఆచరించి, 4 చేయకుండా 5 చేయకూడదు. ఇప్పటివరకు ఎటువంటి కలశపూజలను ఆచరించని వారందరూ మార్చి 4 ఆదివారంనాడు 3 రక్షాకవచాలను ఒకేసారి పొందే అవకాశం వుంది. కనుక ఇంతవరకు జాగ్రత్తగా అర్ధం చేసుకొని మార్చి 4 వ తేదీ జరుపుకోనవలసిన కలశపూజ వివరాలను తెలుసుకొనుటకు ప్రయత్నం చేయండి.

ఇంతవరకు ఆచరించనివారు,
రెండవ, మూడవ కలశ పూజలను ఆచరించనివారు మార్చి 4 న ఆచరించాల్సిన పద్ధతి

1. భారతదేశంలో మార్చి 4 ఆదివారం సాయంత్రం 6 నుంచి 8 గంటల వరకు, విదేశాలలో ఉదయం 8 గంటల నుంచి 10 గంటల వరకు ఆచరించవచ్చును.
2. ఉదయం నుంచి ఎటువంటి ఆహార నియమములు లేవు.
3. స్వస్తిక్ మార్కు చిత్రాన్ని, నలుచదరంగా ఉండే తెలుపు లేక పసుపు రంగు వస్త్రంపై ఎరుపు రంగు కుంకుమ కలిపిన ఆవు నేతితో కానీ, పసుపు కలిపిన ఆవు నేతితో కానీ చిత్రీకరించుకోవాలి.
4. తెలుపు రంగు నలుచదరపు వస్త్రంపై ఎరుపు కుంకుమ లేక పసుపుతో నెయ్యి కలిపి చిత్రీకరించుకోండి.
5. పసుపు రంగు నలుచదరపు వస్త్రంపై ఎరుపు కుంకుమను నేతితో కలిపి చిత్రీకరించుకోండి.
6. నలుచదరపు వస్త్రము గరిష్టంగా 12 X 12 అంగుళాల వరకు తీసుకోండి, సైజు కొద్దిగా తగ్గిననూ సమస్య ఏమీ లేదు.
7. టేబుల్ పైన వస్త్రాన్ని వుంచి నాలుగు మూలాలు త్రిబుజాలుగా మడుచుకోండి.
8. నాలుగు త్రిబుజాల మధ్యన వున్న చదరంలో స్వస్తిక్ మార్కును వేయండి.
9. ఇందు జతపరచిన ఫోటోలో వున్న విధంగా చిత్రించుకోండి.
10. ఎరుపు రంగు దారము లేక పాలిష్టార్ దారము లేక ఎరుపు వూలేన్ దారంతో 11 పోగులతో 12 అంగుళాల సైజు లో తయారు చేసుకోండి.
11. ఇలా తయారైన 12 అంగుళాల ఎరుపు రంగు సూత్రానికి మధ్యలో ముడి వేయండి.
12. పాతకాలం నాటి నాణేలను లేక ప్రస్తుతం చలామణిలో వున్న నాణేలను లేక బంగారు వెండి నాణేలను ఎన్నింటినైననూ కలశంలోని నీటిలో వేయాలి.
13. ఈ కలశంలోని నీటిలోనే ఒక ఏలక్కాయను కూడా వేయాలి.
14. పూజకు ఎరుపు మందార పుష్పాలను లేక ఏవైనా ఎరుపు పుష్పాలను వినియోగించండి. పసుపు , నెయ్యి కలిపిన అక్షతలు సిద్దం చేసుకోండి.
15. ఎరుపు రంగు పుష్పాలు దొరకనిచో ఏ రంగు పుష్పాలైన తీసుకోండి. ఆ పుష్పాలపై ఎరుపు కుంకుమను చల్లండి. అంతే కాని కుంకుమ కలిపిన తైలాన్ని చల్లవద్దు.
16. దీపారాధనకు నువ్వులనూనెను వాడవద్దు. కొబ్బరినూనె లేక ఆవు నేతిని వినియోగించండి. వత్తుల సంఖ్య, ప్రమిదల సంఖ్య మీ నిర్ణయమే.
17. కలశం మీద పీచు తీసిన కొప్పులా ఉండే కొబ్బరికాయను ఉంచాలి. కొబ్బరికాయను కుంకుమతో చక్కగా అలంకరించుకోండి.
18. నివేదనకు ఓ కొబ్బరికాయ, తొమ్మిది ఎందు కర్జూరాలు మరియు బెల్లం లేక పంచదారతో చేసిన బియ్యపు పాయసం.
19. ఇక పూజకు ఓ పీట, పీట పైన పరిచే ఎరుపు రంగు నూతన వస్త్రం, దాని పైన అరకిలో మంచి బియ్యం, సాంబ్రాణి కడ్డీలు, కర్పూరము మొదలగునవి అవసరము.
20. కలశంలోని కొబ్బరికాయ క్రింద ఉంచుటకు 5 తమలపాకులు , 5 మామిడాకులు అవసరము. సహజంగా ప్రతి ఇంటిలో పూజలకు వినియోగించుకొనే గంట మొదలగు సామగ్రిని వినియోగించుకోండి.
    
                                                                పూజా పద్ధతి

మార్చి 4 వ తేదిన భారతదేశంలో సాయంత్రం, విదేశాలలో ఉదయం ఆచరించాలి. పుణ్య స్త్రీలు, వైదవ్య స్త్రీలు, బాలలు, అవివాహితులు, వృద్దులు, పురుషులు (భార్యా వియోగులు కూడా) ఎవరైనను ఆచరించవచ్చును. పురుడు లేక మరణ అసౌచము వున్నవారు ఆచరించవద్దు ఒకరి తరఫున మరొకరు కూడా ఆచరించవచ్చును. సంకల్పం ముఖ్యము. ఆరవ మాసం ప్రారంభమైన గర్భిణులు వద్దు. విదేశాలలో వున్న వారి కొరకు ఇక్కడ వారు ఆచరించవచ్చు.
గృహం లోని ఈశాన్య భాగంలో కాని లేక ఈ ఇతర భాగంలో కాని మీరు తూర్పు దిశగా చూసేలా పూజను చేసుకోండి. ఓ పీట వుంచి దానిపై ఎరుపు వస్త్రాన్ని పరవండి. దానిపై బియ్యాన్ని పోసి, గుండ్రంగా లేక చదరంగా లేక దీర్ఘ చతురశ్రంగా నెరపండి. దీపారాధన చేసుకోండి. తిథి, వార, నక్షత్రాలతో పాటుగా గోత్ర నామాలతో సంకల్పం చెప్పుకొని శ్రీ గణపతిని ప్రార్దించండి. బియ్యంపైన స్వస్తిక్ మార్క్ రుమాలును వుంచండి. రుమాలుపై కలశాన్ని పెట్టండి. ( రాగి, వెండి, స్టీలు ఏదైనాను పరవాలేదు ) కలశంలో 5 తమలపాకులు లేక  5 మామిడాకులు  ఉండేలా చేసుకోండి. కలశంలో నీటిని క్రొద్ది క్రొద్దిగా 8 సార్లుగా పోయాలి.  ఈ దిగువ తెల్పిన 8  నామాలను ఒక్కొక్క దానిని చదువుతూ, అక్షతలతో బొమ్మలో నోట్ చేసిన చోట అక్షతలను వేయండి. అలా 8 దిక్కులు, విదిక్కులు అయిన తదుపరి, కలశంలో యాలాక్కాయాను వేయండి. కలశంలో ఒకటి కంటే ఎన్ని నాణేలైనను వేయండి. పరిమితి లేదు. కలశంపై కొబ్బరి కాయను వుంచండి. కలశం మీదనున్న కొబ్బరి కాయ కొప్పుపై దండవలె  11 పోగులతో చేసిన ఎరుపు రంగు సూత్రాన్ని వేయండి. లలిత సహస్రనామం లో 742 నుంచి 749 వరకు వున్న నామాలు.
ఓం భవదావసుధావృష్ట్యై నమః
ఓం పాపారణ్యదవానలాయై నమః
ఓం దౌర్భాగ్యతూలవాతూలాయై నమః
ఓం జరాధ్వాంతరవిప్రభాయై నమః
ఓం భాగ్యాబ్ధిచంద్రికాయై నమః
ఓం భక్తచిత్తకేకిఘనాఘనాయై నమః
ఓం రోగపర్వతదంభోల్యై నమః
ఓం మృత్యుదారుకుఠారికాయై నమః
( పై ఎనిమిది నామాలకు అర్ధము: జ్యోతిష్య విజ్ఞానంలో జాతక చక్రం వుంటుంది. జననం నుంచి మరణం వరకు 8  కారకత్వాలుగా  ఉండునని బృహత్ జాతక గ్రంధం వివరిస్తుంది. ఈ 8 కారకత్వాల సమిష్టి అనుభవమే జీవితం. ఆ జీవితం సక్రమంగా నడవటానికి ఆయ భాద్యతలు లేదా కోరికలు కుంటుపడకూడదు. 1 . మానవుని చుట్టూ వున్న పరిసరము భవము, అదే సంసారము.జాతక చక్రంలోని 4 వ భావం ఈ భావ కారకత్వంతో వుంటుంది. భవమనే దావాగ్నికి జగన్మాత సుధావృష్టి అనగా అమృత జల్లు. ఆ తల్లి స్మరణయే గృహస్తులకు ఐశ్వర్యము. 2 . ఈ జీవాతార్జనలో పాపలు వుంటూనే వుంటాయి. జాతక చక్రంలో రెండవ భావమే ఈ కారకత్వం. దావానలమనగా కార్చిచ్చు. పాపమనే అరణ్యానికి కార్చిచ్చు లాంటిది జగన్మాత అనుగ్రహం. 3 . దౌర్భాగ్యమనగా దురదృష్టము, ఇది జాతక చక్రంలో మూడవ భావ కారకత్వము. తూలమనగా దూది. భక్తుల దౌర్భాగ్యమనే దూది పింజకు పరమేశ్వరి అనుగ్రహం విసిరి వేయగల వాతూలం. అనగా సుడి గాలి. అంతే ఆశ్రితుల దౌర్భాగ్యాన్ని అతి వేగంగా తొలగించగల అనుగ్రహ మూర్తి. 4 . జాతక చక్రంలో లగ్న స్థానము శరీర కారకత్వం కలది. ధ్వాంతమనగ పెనుచీకటి. రవి ప్రభాయామనగా సూర్య కాంతి. శరీరానికి కలిగే వృద్దప్యమును, గాఢ అంధకారాన్ని పరిహరించగల సూర్య కాంతి వంటిది, జగన్మాత ఉపాసన. 5 . భాగ్యము పంచమ స్థాన కారకత్వము. సముద్రానికి ఆహ్లాద కారకమైన చంద్రకాంతివలె మానవునికి సౌభాగ్యము అనుభవింప యోగ్యత కలుగ చేయునదే జగన్మాత సేవనము. 6 . జాతక చక్రంలో సప్తమ స్థానం దాంపత్యం. కేకి అనగా నెమలి. ఘనా ఘనా అనగా మేఘ సమూహము. నెమలి నాట్యానికి దోహదమైన వాతావరణాన్ని ఇచ్చేది మేఘమాల. ఈ రీతిగా ఆనందమయ దాంపత్య జీవితం ప్రసాదించ కలిగేది జగన్మాత సన్నిధి. 7 . జాతక చక్రంలో ఆరవ స్థానం రోగ కారకత్వం కలది. దంభోలి అనగా వజ్రాయుధము. శారీరక, మానసిక రోగాలనే పర్వతాలవంటి వానికి వజ్రాయుధమే పరమేశ్వరి భావన. 8 . జాతక చక్రంలో 8 వది మృత్యు స్థానము. కుఠారిక అనగా గొడ్డలి. మహా వృక్ష చేధనకు గండ్ర గొడ్డలివలె మృత్యువును కూడా ఖండించగల ఉపాసనే జగన్మాతోపాసన. )
పై ప్రకారంగా రుమాలుపై కలశం ముందు భాగం నుంచి మొదలు పెట్టి సవ్య దిశలోనే (గడియారం లోని ముల్లులా )ఎనిమిది వైపులా అక్షతలను వేసుకున్నారు కదా. ఇప్పుడు లలిత సహస్రనామంలో 475 నుంచి 527 నామం వరకు మొత్తం 53  నామాలు వుంటాయి. ఈ నామాలకు ముందు ఓం శ్రీ లలితాంబికాయై నమః అనే నామాన్ని జోడించండి. అప్పుడు మొత్తం 54  నామాలు అగును. వరుసగా ఈ 54  నామాలను భక్తి తో, విశ్వాసంతో కలశం పై అక్షతలు వేస్తూ పఠి౦చండి. 54 నామాలు కాగానే తిరిగి మరో మారు 475 నుంచి 527 నామం వరకు చదివి చివరలో ఓం శ్రీ లలితాంబికాయై నమః అనే నామాన్ని జోడించండి. అనగా ఆది అంత్యాలలో ఓం శ్రీ లలితాంబికాయై నమః అనే నామం ఉంటుందన్నమాట.
ఓం లలితాంబికాయై నమః
ఓం విశుద్ధచక్రనిలయాయై నమః
ఓం ఆరక్తవర్ణాయై నమః
ఓం త్రిలోచనాయై నమః
ఓం ఖట్వాంగాది ప్రహరణాయై నమః
ఓం వదనైకసమన్వితాయై నమః
ఓం పాయసాన్నప్రియాయై నమః
ఓం త్వక్ స్థాయై నమః
ఓం పశులోకభయంకర్యై నమః
ఓం అమృతాదిమహాశక్తిసంవృతాయై నమః
ఓం డాకినీశ్వర్యై నమః
ఓం అనాహతాబ్జనిలయాయై నమః
ఓం శ్యామాభాయై నమః
ఓం వదనద్వయాయై నమః
ఓం దంష్ట్రోజ్వలాయై నమః
ఓం అక్షమాలాదిధరాయై నమః
ఓం రుధిరసంస్థితాయై నమః
ఓం కాళరాత్ర్యాదిశక్త్యౌఘవృతాయై నమః
ఓం స్నిగ్ధౌదనప్రియాయై నమః
ఓం మహావీరేంద్ర వరదాయై నమః
ఓం రాకిన్యంబాస్వరూపిణ్యై నమః
ఓం మణిపూరాబ్జనిలయాయై నమః
ఓం వదనత్యయసంయుతాయై నమః
ఓం వజ్రాదికాయుధోపేతాయై నమః
ఓం డామర్యాదిభిరావృతాయై నమః
ఓం రక్తవర్ణాయై నమః
ఓం మాంసనిష్ఠాయై నమః
ఓం గుడాన్నప్రీతమానసాయై నమః
ఓం సమస్తభక్తసుఖదాయై నమః
ఓం లాకిన్యంబాస్వరూపిణ్యై నమః
ఓం స్వాధిష్ఠానాంబుజగతాయై నమః
ఓం చతుర్వక్త్రమనోహరాయై నమః
ఓం శూలాద్యాయుధసంపన్నాయై నమః
ఓం పీతవర్ణాయై నమః
ఓం అతిగర్వితాయై నమః
ఓం మేదోనిష్ఠాయై నమః
ఓం మధుప్రీతాయై నమః
ఓం బందిన్యాదిసమన్వితాయై నమః
ఓం దధ్యన్నాసక్తహృదయాయై నమః
ఓం కాకినీరూపధారిణ్యై నమః
ఓం మూలాధారాంబుజారూఢాయై నమః
ఓం పంచవక్త్రాయై నమః
ఓం అస్తిసంస్థితాయై నమః
ఓం అంకుశాదిప్రహరణాయై నమః
ఓం వరదాదినిషేవితాయై నమః
ఓం ముద్గౌదనాసక్తచిత్తాయై నమః
ఓం సాకిన్యంబాస్వరూపిణ్యై నమః
ఓం ఆజ్ఞాచక్రాబ్జనిలయాయై నమః
ఓం శుక్లవర్ణాయై నమః
ఓం షడాననాయై నమః
ఓం మజ్జాసంస్థాయై నమః
ఓం హంసవతీముఖ్యశక్తిసమన్వితాయై నమః
ఓం హరిద్రాన్నైకరసికాయై నమః
ఓం హాకినీరూపధారిణ్యై నమః

ఓం విశుద్ధచక్రనిలయాయై నమః
ఓం ఆరక్తవర్ణాయై నమః
ఓం త్రిలోచనాయై నమః
ఓం ఖట్వాంగాది ప్రహరణాయై నమః
ఓం వదనైకసమన్వితాయై నమః
ఓం పాయసాన్నప్రియాయై నమః
ఓం త్వక్ స్థాయై నమః
ఓం పశులోకభయంకర్యై నమః
ఓం అమృతాదిమహాశక్తిసంవృతాయై నమః
ఓం డాకినీశ్వర్యై నమః
ఓం అనాహతాబ్జనిలయాయై నమః
ఓం శ్యామాభాయై నమః
ఓం వదనద్వయాయై నమః
ఓం దంష్ట్రోజ్వలాయై నమః
ఓం అక్షమాలాదిధరాయై నమః
ఓం రుధిరసంస్థితాయై నమః
ఓం కాళరాత్ర్యాదిశక్త్యౌఘవృతాయై నమః
ఓం స్నిగ్ధౌదనప్రియాయై నమః
ఓం మహావీరేంద్ర వరదాయై నమః
ఓం రాకిన్యంబాస్వరూపిణ్యై నమః
ఓం మణిపూరాబ్జనిలయాయై నమః
ఓం వదనత్యయసంయుతాయై నమః
ఓం వజ్రాదికాయుధోపేతాయై నమః
ఓం డామర్యాదిభిరావృతాయై నమః
ఓం రక్తవర్ణాయై నమః
ఓం మాంసనిష్ఠాయై నమః
ఓం గుడాన్నప్రీతమానసాయై నమః
ఓం సమస్తభక్తసుఖదాయై నమః
ఓం లాకిన్యంబాస్వరూపిణ్యై నమః
ఓం స్వాధిష్ఠానాంబుజగతాయై నమః
ఓం చతుర్వక్త్రమనోహరాయై నమః
ఓం శూలాద్యాయుధసంపన్నాయై నమః
ఓం పీతవర్ణాయై నమః
ఓం అతిగర్వితాయై నమః
ఓం మేదోనిష్ఠాయై నమః
ఓం మధుప్రీతాయై నమః
ఓం బందిన్యాదిసమన్వితాయై నమః
ఓం దధ్యన్నాసక్తహృదయాయై నమః
ఓం కాకినీరూపధారిణ్యై నమః
ఓం మూలాధారాంబుజారూఢాయై నమః
ఓం పంచవక్త్రాయై నమః
ఓం అస్తిసంస్థితాయై నమః
ఓం అంకుశాదిప్రహరణాయై నమః
ఓం వరదాదినిషేవితాయై నమః
ఓం ముద్గౌదనాసక్తచిత్తాయై నమః
ఓం సాకిన్యంబాస్వరూపిణ్యై నమః
ఓం ఆజ్ఞాచక్రాబ్జనిలయాయై నమః
ఓం శుక్లవర్ణాయై నమః
ఓం షడాననాయై నమః
ఓం మజ్జాసంస్థాయై నమః
ఓం హంసవతీముఖ్యశక్తిసమన్వితాయై నమః
ఓం హరిద్రాన్నైకరసికాయై నమః
ఓం హాకినీరూపధారిణ్యై నమః
ఓం లలితాంబికాయై నమః
పై విధంగా 108 నామాలను పఠి౦చిన తదుపరి ధూప, దీప, నైవేద్య, కర్పూర, తాంబూలాదులను సమర్పించండి. (నైవేద్యమనగా , కొబ్బరి కాయను కొట్టి, తొమ్మిది ఎండుకర్జూరాలను, పాయసాన్ని జగన్మాతకు నివేదించండి. మీకిష్టమైన ఫలాలను కూడా సమర్పించుకోవచ్చును. ) చివరగా సకల సమస్యల నుంచి గట్టేక్కుతూ ఈ జీవన గమనం సాఫీగా సాగిపోవాలని మనసార భక్తితో, విశ్వాసంతో కోరుకుంటూ చిన్నపాటి తప్పులేమైన వుంటే క్షమించమని తల్లిని వేడుకోండి. పూజా కార్యక్రమం పూర్తైన తదుపరి తీర్థ, ప్రసాదాలు స్వీకరించండి. కలశాన్ని ఉద్వాసన చెప్పే విధంగా కుడి చేతితో స్వల్పంగా కదపండి. కలశం లోని నాణేలను ఉద్వాసన అనంతరం దీపారాధన వెలుగుతున్నప్పటికి ఈ క్రింది నామాలను చదువుతూ కుడి చేతితో తీసుకొనండి .
ఓం స్వాహాయై నమః
ఓం స్వధాయై నమః
ఓం మత్యై నమః
ఓం మేధాయై నమః
ఓం శ్రుత్యై నమః
ఓం స్మృత్యై నమః
ఓం అనుత్తమాయై నమః
ఇంతటితో స్వస్తిక్ మార్క్ రుమాలు, ఎరుపు రంగు సూత్రము, నాణెములు అనబడే మూడు కలశాపూజలు పూర్తి చేసిన వారగుదురు.

2011 అక్టోబర్ 25 ఆచరించి, 2011  డిసెంబర్ 21 న ఆచరించనివారు, మార్చి 4 న ఆచరించాల్సిన పద్ధతి

పై పద్ధతినే యధావిధిగా పాటించాలి. కాని ఒకే ఒక మార్పు ఉన్నది. అది ఏమంటే కలశంలో నీరు పోస్తూ, ఎనిమిది నామాలను చదివిన తదుపరి ఒక నాణేన్నికలశంలోనూ, మరొక నాణేన్నికలశం ముందు వుంచండి. లేదా  కొన్ని నాణేలను కలశంలోనూ, మరికొన్ని నాణేలను కలశం ముందు వుంచండి. మిగిలిన పద్దతి అంతయూ యధావిధి గానే జరిగిపోతుంది. చివరిలో  కలశాన్ని ఉద్వాసన చెప్పే విధంగా కుడి చేతితో స్వల్పంగా కదపండి. కలశం లోని నాణేలను ఉద్వాసన అనంతరం దీపారాధన వెలుగుతున్నప్పటికి 8 నామాలను చదువుతూ కుడి చేతితో తీసుకొని, కలశం ముందున్న నాణేలకు కలిపి బద్రపరచండి. ఇంతటితో స్వస్తిక్ మార్క్ రుమాలు, ఎరుపు రంగు సూత్రము, నాణెములు అనబడే మూడు కలశాపూజలు పూర్తి చేసిన వారగుదురు.