Grahabhumi

2012 జనవరి ముఖ్య పండుగలు, దినాలు

2012-01-07T08:33:00.000-08:00

పాఠకులకు నమస్కారం. ఇప్పటినుంచి ప్రతి నెల భారతదేశము, న్యూయార్క్, లండన్. లాస్ ఏంజెల్స్ ప్రాంతములకు తెలుగు పండుగలు, వ్రతాలు, ముఖ్య దినముల తేదీలు ఇస్తున్నాను. 2012 జనవరి 15 నుంచి నూతన శీర్షికలతో, నూతన అంశాలను ఇవ్వబోతున్నందుకు సంతోషిస్తున్నాను.

ఇండియా	న్యూయార్క్	లండన్	లాస్ ఏంజెల్స్
1. ఆంగ్లసంవత్సరాది 5.ముక్కోటి ఏకాదశి 6.కూర్మద్వాదశి 7.శనిత్రయోదశి 8.విరూపాక్ష వ్రతం 12.సంకష్టహరచతుర్ధి 14.భోగి 15.మకరసంక్రాంతి, ఉత్తరాయణ పుణ్యకాల ప్రారంభం 16.కనుమ పండుగ 21.శనిత్రయోదశి, మాసశివరాత్రి 23.చొల్లంగి అమావాశ్య 24.మాఘ స్నానారంభం 28.శ్రీపంచమి 30.రధసప్తమి	1. ఆంగ్లసంవత్సరాది 4.ముక్కోటి ఏకాదశి 12.సంకష్టహరచతుర్ధి 13.భోగి 14.మకరసంక్రాంతి 15.కనుమ పండుగ 21. మాసశివరాత్రి 23.భానౌమావాశ్య 27.శ్రీపంచమి 30.రధసప్తమ	1. ఆంగ్లసంవత్సరాది 4.ముక్కోటి ఏకాదశి 12.సంకష్టహరచతుర్ధి 13.భోగి 14.మకరసంక్రాంతి 15.కనుమ పండుగ 21.శనిత్రయోదశి, మాసశివరాత్రి 22.భానౌమావాశ్య 28.శ్రీపంచమి 30.రధసప్తమి	1. ఆంగ్లసంవత్సరాది 4.ముక్కోటి ఏకాదశి 12.సంకష్టహరచతుర్ధి 13.భోగి 14.మకరసంక్రాంతి 15.కనుమ పండుగ 21.మాసశివరాత్రి 22.భానౌమావాశ్య 27.శ్రీపంచమి 29.రధసప్తమి

ముక్కోటి ధర్మశాస్త్ర నిర్ణయము

2012-01-03T00:52:00.000-08:00

ధనుర్మాసం ప్రారంభమైన తరువాత వచ్చే శుక్లపక్ష ఏకాదశి తిధిని ముక్కోటి ఏకాదశి అంటారు. సూర్యమానం ప్రకారం ధనుస్సంక్రమణం, చాంద్రమానం ప్రకారం ఏకాదశి తిధి నిర్ణయంతో సూర్య చంద్ర మానములను అనుసరించి ముక్కోటి ఏకాదశి నిర్ధారణ జరుగును. అందుచే ఒక్కోసారి పుష్యమాసం రావచ్చు లేదా మార్గశిర మాసం రావచ్చు. ఈ 2012 లో జనవరి నాల్గవ తేదీయా, అయిదవ తేదీయా అనే సందేహం కలుగును. కనుక సందేహ నివృత్తికై క్రింది వివరాలను తెలియచేస్తున్నాను.

మా కాలచక్రం, గ్రహభూమి మరియు శ్రీచక్ర పంచాంగములు ఆంధ్రప్రదేశ్ రాష్ట్రానికి మధ్య వున్న విజయవాడ పట్టణమునకు సంస్కారయుతమై గణితము చేయబడినది. విజయవాడకు జనవరి నాల్గవ తేదీన సూర్యోదయము 6 . 37 నిమిషాలు. భారత ప్రభుత్వ ఆమోదిత గణితమైన దృగ్గణిత ప్రకారం నాల్గవ తేదీ సూర్యోదయమునకు ముందు 6 గం. 12 ని. లనుంచి ఏకాదశి తిధి ప్రారంభమైనది. నాల్గవ తేదీ బుధవారం రోజున ఏకాదశి తిధి పూర్తిగా వుండి, 5 తేదీ ఉదయం 8 గం. 35 ని. ల వరకు వున్నది.

రాష్ట్రం లో వున్న భారత ప్రభుత్వ ఆమోదం లేని ఇతర పూర్వ గణిత పంచాంగాలలో 4 వ తేదీ ఉదయం 5 గం. 34 ని. లకు ఏకాదశి ప్రారంభమై 5 వ తేదీ ఉదయం 7 గం. 49 ని. వరకు ఏకాదశి తిధి ఉంది.

సహజంగా అందరూ ఊహించేది ఏమిటంటే ఏకాదశి తిధి 4 వ తేదీన పూర్తిగా వున్నదని, 5 వ తేదీన సూర్యోదయం తరువాత కొన్ని గంటలే వుందని, అందుచే 4 నే ముక్కోటి పర్వదినమని అనుకుంటారు కానీ అలా కానే కాదు.

ముక్కోటి పండుగ నిర్ణయంలో అరుణోదయంలో ఏకాదశి తిధి వుండాలి. మరి అరుణోదయమనగా, సూర్యోదయమునకు ముందున్న సమయాన్ని అరుణోదయం అంటారు. ఇట్టి అరుణోదయంలో 4 ఘడియలపాటు ఏకాదశి తిధి వుండి తీరాలి. ఘడియ అనగా 24 నిమిషాలు. 4 ఘడియలనగా 96 నిమిషాలు. అనగా ఒక గంటా 36 నిమిషాలు అన్నమాట.

పై నిర్ణయం ప్రకారం 4 వ తేదీ సూర్యోదయానికి ముందున్న అరుణోదయ సమయంలో 4 ఘడియలపాటు ఏకాదశి తిధి లేనే లేదు. కనుక 4 న పర్వదినం కాదు. 5 వ తేదీ సూర్యోదయానికి ముందున్న అరుణోదయ సమయంలో 4 ఘడియలల కంటే కూడా పూర్తిగా ఏకాదశి తిధి ఉంది. అందుచే 2012 జనవరి 5 వ తేదీ గురువారం నాడు ముక్కోటి ఏకాదశి పర్వదినం శాస్త్ర నిర్దేశం. 4 ఘడియల కాలంలో ఏకాదశి తిధి పూర్తిగా లేక కొంత వుంటే.. ధర్మశాస్త్ర నిర్ణయానుసారం ఏకాదశి తిధికి అరుణోదయంలో దశమి వేధ కలిగినదని భావము. ఇట్టి వేధ నిషిద్ధము.

గతంలో 1949 విరోధి నామ సంవత్సర పుష్యమాసంలో డిశంబరు 30 శుక్రవారం సూర్యోదయానికి కొన్ని నిమిషాలు ముందుగా ఏకాదశి తిధి ప్రారంభమై, 30 న పూర్తిగా ఏకాదశి తిధి ఉండి, 31 శనివారం ఉదయం 8 గం. 13 ని. లతో ఏకాదశి తిధి ముగిసినది. 1949 లో దృగ్గణిత ప్రకారం మాత్రం 30 శుక్రవారం సూర్యోదయం తదుపరి తిధి ప్రారంభమై 31 తో ముగిసినది. ఆనాటి పండితులందరూ ముక్కోటి పర్వదినాన్ని 31 శనివారం నాడే నిర్ణయించారు. పాత పంచాంగములు ఉన్నటువంటివారు, ఈ వివరములను చూసి తెలుసుకోవచ్చు.

స్వస్తిశ్రీ ఖర నామ సంవత్సర పుష్య శుక్ల ఏకాదశి గురువారం 2012 జనవరి 5 న ముక్కోటి ఏకాదశి పర్వదినంగా మా పంచాంగం నిర్ణయించటం జరిగింది. మా నిర్ణయములకు ప్రామాణిక ధర్మశాస్త్ర గ్రంధమైన నిర్ణయసింధు పేర్కొన్న విశేష అంశాలను దిగువ ఉదహరిస్తున్నాను.

తదాహ మాధవః -
అరుణోదయవేదోత్రవేధః సూర్యోదయే తధా
ఉక్తౌ ద్వౌదశమీ వేధౌ వైష్ణవస్మార్తయోః క్రమాత్ ||
తా|| ఏకాదశి వ్రత విషయంలో అరుణోదయ వేధ మరియు సూర్యోదయ వేధ రెండూనూ వైష్ణవులకు స్మార్తులకు చెప్పబడినదని మాధవుడు చెప్పినట్టు " నిర్ణయసింధు " గ్రంధం పేర్కొంది.

అరుణోదయ స్వరూపంచ మాధవీయేస్కాందే
ఉదయాత్ర్పాక్ చతస్రస్తుఘటికా అరుణోదయః
తా || మాధవీయంలోని స్కాంద వచనాన్ని అనుసరించి సూర్యోదయానికి ముందు 4 ఘడియలు అరుణోదయమని " నిర్ణయసింధు " పేర్కొంది.

ఉదయాత్ర్పాక్ యదా విపర ముహూర్తద్వయ సంయుతా
సంపూర్ణైకాదశి నామ తత్రైవోపవసేత్ గృహీ
తా|| సూర్యోదయ పూర్వము 2 ముహూర్తముల కాలం ( ముహుర్తమనగా 48 నిమిషములు లేక 2 ఘడియలు ) ఏకాదశి తిధి వుంటే, అప్పుడే సంపూర్ణ ఏకాదశిగా భావించాలని గరుడ పురాణమందలి సౌరధర్మ వచనంగా ధర్మశాస్త్ర గ్రంధమైనటువంటి " నిర్ణయసింధు " పేర్కొంది.

దశమీ శేష సంయుక్తో యదిస్యాదరుణోదయః నైవోపోష్యం వైష్ణవేన
తిద్ధినైకాదశి వ్రతం - ఇతి గారుడే || భవిష్యేచ యోగామాత్రేనిషేదాత్
తా|| గరుడ, భవిష్య పురాణాలలో కూడా అరుణోదయ సమయంలో దశమి తిధి శేషం వుంటే ఏకాదశి వ్రతం లేదని ఆ యోగం నిషేధం అని తెలిపినట్టుగా " నిర్ణయసింధు " గ్రంధం పేర్కొన్నది.

సర్వప్రకార వేదోయ ముపవాసస్య దూషకః ఇతి నిగమేపి
తా|| వేధ ఏ ప్రకారానికి చెందినది అయిననూ ఉపవాస వ్రతానికి దోషాన్ని కలిగించునని నిగమములలో కూడా చెప్పినట్లుగా " నిర్ణయసింధు " తెలిపినది.

యచ్ఛభవిష్యే -
ఆదిత్యోదయ వేలాయః ప్రాఙ్ ముహూర్తద్వాయాన్వితా,
ఏకాదశీతు సంపూర్ణ విద్దాన్య పరికీర్తితా ||
తా|| సూర్యోదయం కంటే రెండు ముహూర్తాల కాలంలోని ఏకాదశి సంపూర్ణ ఏకాదశి అని మిగిలినది విద్ధని భవిష్య పురాణ వచనంగా " నిర్ణయసింధు " పేర్కొంది.
వ్రతరూపస్తూ ఇతి బ్రహ్మవైవర్తే -
ప్రాప్తే హరిదినే సమ్యక్ విధాయ, నియమంనిశి
దశమ్యాముపవాసస్య ప్రకుర్యాత్ వైష్ణవం వ్రతం ||
తా|| దశమి రాత్రి ఉపవాస నియమాన్ని గ్రహించి ఏకాదశి వ్రతాన్ని యదావిధిగా ఆచరించాలని బ్రహ్మవైవర్త పురాణాంశంగా "నిర్ణయసింధు " పేర్కొంది.

ఇదంచ , శివభక్తాది భిరపికార్యం వైష్ణవో వాథ శైవోవాసారో ప్యేత
త్సమాచారేత్, ఇతి సౌరపురాణశ్చ.
తా|| ఈ వ్రతాన్ని శైవులు, గాణాపత్యులు కూడా చేయాలి. వైష్ణవుడైనా, శైవుడైనా, సౌరుడైనా దీనిని ఆచరించాలని సౌరాపురాణంలో చెప్పబడినట్లుగా ధర్మశాస్త్ర గ్రంధమైన "నిర్ణయసింధు " స్పష్టం చేసింది.

కనుక 2012 జనవరి 5 నే ముక్కోటి ఏకాదశి.

- శ్రీనివాస గార్గేయ

అత్యంత అరుదైన పవిత్రమైన శుభకర గురువారము.

2011-05-02T23:58:00.001-07:00

పుష్కరమంటే తీర్థమని, సరస్సుఅని అర్థము. పుష్కరుడు అంటే వారున దేవుడని, మహా పుణ్యపురుషుడని భారతీయ పురాణాలు వర్ణించాయి. పుష్కరుడిని బ్రహ్మ దేవుడు సృష్టించినట్లుగా, బ్రహ్మ శివుని కోసం తపస్సు చేసినట్లుగా పురాణ కధనం. పుష్కరుడినే తీర్థరాజు అని కూడా పిలుస్తారు. ఈ లోకంలో ఉన్న నదులన్నీ తమలో స్నానం చేసిన వారి వద్ద నుంచి వివిధములైన పాపములను స్వీకరించిన కారణంగా వాటి యొక్క పవిత్రత క్షీణించుచున్నదని పుష్కరుడు ఆవేదనతో చింతించేవాడు. అప్పుడు పుష్కరుడు పరమశివుడు కోసం తపస్సు చేసి నదులలో ఏర్పడిన పాపమంతటిని ప్రక్షాళన చేసే మార్గం కోసం అర్ధించాడు. అంతేకాక శివుని గల అష్ట మూర్తిత్వములలో, ఒకటైనటువంటి జలరూపమైన దేహాన్ని తనకు అనుగ్రహించమని పుష్కరుడు కోరాడు. పరమ శివుడు ఆ విధంగానే వరమిచ్చాడు. అట్టి వర ప్రభావంచే పుష్కరుడికి అనంతమైన శక్తి ప్రాప్తించి తద్వారా నదులలో ఏర్పడే పాపా ప్రక్షాళనను తొలగించే ప్రభావాన్ని పుష్కరుడు పొందగలిగాడు.

ఆపైన నదులన్నీ పుష్కరుడిని ఆహ్వానించి తమలో నివసించవలసిందిగా అభ్యర్థించ సాగాయి. ఆ పిమ్మట పన్నెండు పుణ్య నదులలో పుష్కరుడు ఉండేలా ఏర్పాటు జరిగింది. ఈ ఏర్పాటును దేవతల గురువైన బృహస్పతి అనగా ఖగోళంలోని గురుగ్రహ సంచారాన్ని అనుసరించి నిర్ణయమవుతుంది. ఈ ప్రకారంగా మేషరాశి మొదలు మీనరాశి వరకు గల పన్నెండు రాశులలో గురుగ్రహం ద్వాదశరాశి సంచారం ప్రకారం పుష్కరుడు కూడా ఆయా నదులలో నివసించేలా ఈర్పాటు అయినది.

ప్రతి నదికి పన్నెండు సంవత్సరములకొకసారి పుష్కరుని యొక్క ఆగమనం సంభవించిన కారణంగా ఆయా నదులకు పుష్కరాలు వస్తాయి. ఈ పరంపరలో గురుగ్రహము పన్నెండు రాశులలో సంచారం చేస్తున్నపుడు, ధను రాశి మరియు మీనా రాశి గురుగ్రహానికి జ్యోతిష శాస్త్ర ప్రకారం స్వక్షేత్రాలు అగును. ఈ స్వక్షేత్రాలలో మీనరాశి అనేది జల రాశి. కనుక గురుగ్రహము, తన స్వగృహంగా భావించే జలరాశిగా ఉన్న మీనరాశి లోనికి 2010 డిసెంబర్ 6 అనగా వికృతి నామ సంవత్సర శుద్ద పాడ్యమి సోమవారం మధ్యాహ్నం పదకొండు గంటల ముప్పై నిముషాలకి జలరాశి ఐన మీనరాశి లోనికి ప్రవేశించాడు. తిరిగి 2011 మే 8 శ్రీ ఖర నామ సంవత్సర వైశాఖ శుద్ద పంచమి ఆదివారం మధ్యాహ్నం రెండు గంటల పద్నాలుగు నిముషాలకి తన స్వగృహ జల రాశి ఐన మీనరాశిని విడిచి, మేష రాశి లోకి ప్రవేశించటంతో గంగానదికి పుష్కరాలు ప్రారంభమవుతున్నాయి.

పుష్కర రాజే గురుడు. గురుగ్రహ వారము గురువారము. గురుగ్రహము జలరాశి ఐన మీనరాశిలో విడిది చేసిన మొత్తం.. రోజులలో కేవలం 22 గురువారాలు మాత్రమే వచ్చాయి. అందులో మొదటి గురువారము 2010 డిసెంబర్ 9 ఉత్తరాషాడ నక్షత్రంలో వచ్చింది. అలాగే చివరి గురువారం 2011 మే 5 రోహిణి నక్షత్రంలో వచ్చింది. అతి తక్కువ గురువారాలతో మీనరాశి సంచారంతో గురువు ఉండటము, సూర్య నక్షత్రమైన ఉత్తరాషాడతో మొదటి గురువారము రావటము, చంద్ర నక్షత్రమైన రోహిణితో చివరి గురువారము రావటము అత్యంత అరుదుగా వచ్చే ఖగోళ సంఘటనలు.

ఇంత వివరణకు కారణమేమిటని ఆలోచిస్తున్నారా ? 2011 మే 5 గురువారం నాడు రోహిణి నక్షత్రంలో చివరి గురువారంతో గురువు జలరాశి మీనంలో వుండగా శుభ ముహూర్తాలు జరుగనున్నాయి. ఆ రోజున ఉదయం నుంచి మరుసటి రోజు ఉదయం వరకు మిధున, కర్కాటక, ధను, మకర, కుంభ లగ్నాలలో ముహూర్తాలు వున్నవి. కుంభ లగ్నము చివరి లగ్నం కావటము విశేషం.

కనుక పుష్కర రాజు, శుభ గ్రహమైన గురువు, జలరాశి లో వుండగా చివరి గురువారం, చివరి లగ్నం కావటం మరింత విశేషం కాగా తిరిగి ఈ గురుగ్రహమే మరల 2022 ఏప్రిల్ 13 శుభకృత్ నామ సంవత్సర చైత్ర శుద్ద ద్వాదశి, బుధవారం రోజున తిరిగి జల రాశి ఐన మీనరాశి లోకి గురుగ్రహం ప్రవేశిస్తాడు.

ఇటువంటి మహా పవిత్రమైన గురువారం రోజున గురు మహాదశ జరిగే జాతకులు, పునర్వసు, విశాఖ, పూర్వాషాడ నక్షత్ర జాతకులతో పాటు మిగిలిన అందరు కూడా తమ తమ ఇష్ట దైవాలను స్మరించటమే కాక గురుగ్రహ స్తోత్ర పారాయణ కూడా చేసి, గురుగ్రహ అనుగ్రహానికి పాత్రులు కండి.

సిద్ధయోగయుక్త ఆదిత్యత్రయ పవిత్ర యోగంలో సాయిబాబా శివైక్యం

2011-04-25T01:41:00.000-07:00

శ్రీ ఖర సంవత్సర గ్రహసంచార విశ్లేషణలు - ఫలితాలు

2011-04-08T09:00:00.000-07:00

వేలాది సంవత్సరాల తర్వతా, ఇంతకాలానికి అంటే 4 ఏప్రిల్ 2011 ఉదయానికి 19 డిగ్రీల 51 నిమిషాల ఒకే కేంద్ర బిందువులతో రవి శని గ్రహములు సమసప్తక స్థితులతో ఉండి ఎదురెదురు వీక్షణలు వున్న సమయంలో స్వస్తిశ్రీ "ఖర" నామ సంవత్సర వసంత ఋతువు చైత్రమాస శు.పాడ్యమి ప్రారంభపు రోజుకావటం గమనార్హం. దీని ప్రభావంచే దాదాపు 21 మాసాల పాటు ప్రతికూల ఫలితాలు పలు దేశాలపై ఉండును.

వైశాఖమాస ప్రారంభం నుంచి మాసమంతయూ త్రిగ్రహ, చాతుర్గ్రహ, పంచగ్రహ కూటములు జరుగుచూ, రాహువుపై కుజగ్రహ శనిగ్రహ వీక్షణలు వుండటం, అమావాశ్యకు గ్రహణ మేర్పడటం తీవ్రవాద దుశ్చర్యలకు ఊతమిస్తుంది. జ్యేష్ఠమాసంలో పూర్ణిమ అమావాస్యలకు గ్రహణాలు రావటం స్వల్ప సమస్యలకు హేతువగును. ఆషాడమాసం ఆది అంత్యాలలో గురువారాలు రావటం, మాసం మశ్యలో దక్షిణాయనం గురువారమే రావటంచే
ఉత్తరభారతంలో నదులు పొంగి పోరలించును. దక్షిణభారతంలో వ్యవసాయ పనులు ప్రారంభం కాకపోవటం గమనార్హం.

శ్రావణమాసంలో ఆగస్టు 5 ఉదయం 7 . 27 గంటల నుంచి 7 వ తేది ఉదయం 10 .29 గంటల వరకు 50 గంటలపాటు మేషరాశి నుంచి వృశ్చికరాశి వరకు రాహువు గురు గ్రహాల మధ్యన మిగిలిన గ్రహములన్నియూ 8 రాశులపై ఆచ్చాదనగా ఓ గ్రహమాలిక యోగంగానూ తిరిగి భాద్రపదమాసంలో సెప్టెంబర్ 1 మ 2 .35 గంటల నుంచి 3 సా 4 .22 గంటల వరకు 51 గంటలపాటు రాహు గురుగ్రహాల మధ్య మిగిలిన గ్రహాలన్నీ 8 రాశులపై అచ్చాదనగా ఓ గ్రహమాలికాయోగంగా ఏర్పడటం అరిష్టం.

ఆశ్వీయుజమాసం కన్యారాశి పంచగ్రహ, చాతుర్గ్రహ, త్రిగ్రహ, ద్విగ్రహ కూటమిగా రూపాంతరం చెందుతూ అనేక అనేక నష్టాలతో మాసం నడుచును. కార్తికమాసంలో కుజగ్రహం సింహరాశిలో అధికకాల స్తంభనకు సిద్ధం కాబోతూ, శుక్ర రాహువుల కలయుకతో, అమావాస్యకు పాక్షిక సూర్యగ్రహణం సంభవించనుంది. మార్గశిరమాసంలో ప్రారంభ అంత్యాలలో చంద్రుడు నీచస్తితిలోనూ, పూర్ణిమకు ఉచ్చస్థితిలోనూ ఉండి. పూర్ణిమ రోజున కేతుగ్రస్తంగా చంద్రునకు సంపూర్ణ గ్రహణం రావటం విశేషం.

మూలా నక్షత్ర ఆదివారంతో పుష్యమాసం ప్రారంభమై, మకరసంక్రమణ ఉత్తరాయణ పుణ్యకాలం ఆదివారం వచ్చి విశేష ముఖ్యఫలితాలు అందించుటకు సిద్ధమవుతున్నది. మాఘమాస శు.పాడ్యమి పూర్ణిమ అమావాస్యలు మూదూనూ మంగళవారం వచ్చి గ్రహాల ఆచ్ఛాదన సరియైన క్రమంలో లేకపోవటం అన్నదాతలకు కంటతడిపెట్టించే వాతావరణ పరిస్థితులు ఎదురగును. ఎదుర్కోలచే శుభాలకు గొడ్డలిపెట్టు.
ఏప్రిల్ 18 , 19 , 20 తేదీలలో ఉగ్రవాద తీవ్రవాద చర్యలు, సౌర సమస్యలు, వైమానిక ప్రమాదములు, బాంబు దాడులుండును. ఏప్రిల్ 28 , 29 , 30 మే 1 ,2 ,3 తేదీలలో సముద్ర కెరటాలు సునామీలా ఎగసిపడు సూచనుంది. సముద్రం వైపు వెళ్లకూడదని జ్యోతిష్య హెచ్చరిక. మే 11 , 12 , 13 తేదీలలో అగ్ని ప్రమాదములు, అలజడులు, బాంబుదాడులు, రాజకీయ ప్రతిఘటనలుండి శాంతిభద్రతలకు దెబ్బతగులును.మే 29 , 30 , 31 , జూన్ 1 , 2 , 3 తేదీలలో భూకంపములు మరియు జూన్ 10 ,11 ,12 ,13 తేదీలలో తీవ్రవాదుల దాడులు, వైమానిక ప్రమాదములు, అగ్ని ప్రమాదాలు, ప్రేలుళ్ళు, సౌర సంబంధ నష్టాలు, ముఖ్యనేతలపై దాడులు జరుగు సూచన.

జూన్ 14 ,15 ,16 తేదీలలో భూకంపములు, జూన్ 29 ,30 , జూలై 1 ,2 తేదీలలో హిందూమహాసముద్రంలో సునామీ అలజడి కెరటాలు, సముద్ర కంపనములు జులై 5 ,6 ,7 తేదీలలో ఉగ్రవాద దాడులు,భూకంపములు, మారణకాండలు ఉండగలవు. జులై 22 ,23 , 24 , 25 , 26 తేదీలలో రాజకీయ ప్రకంపనలు, తీవ్రవాదుల ముప్పు, చొరబాటుదారుల దారుణాలు, అగ్నిప్రమాదాలు, వైమానిక ప్రమాదాలు తదితర సమస్యలు మరియు సరిహద్దులలో కాల్పులు. మొత్తానికి జూన్ జూలై మాసాలలో దేశారిష్ట గ్రహస్తితులేక్కువని చెప్పవచ్చు.

జూన్ లో వృశ్చికలగ్నంలో ఆరుద్రకార్తె రావటంచే, రైతాంగానికి విశేష వర్షం. సముద్రంలో అల్ప పీడనాలు, ద్రోణులు తరచుగా ఉత్పన్నమవుతూ సకాల తొలకరికి అవకాశములున్నవి. నైరుతీ ఋతుపవనాలు ఆంధ్రరాష్ట్రంలో ఆశలు చిగుర్చును. నవమేఘ నిర్ణయానుసారం సంవర్తన అను మేఘం ఉత్తరదిక్కిలో ఏర్పడి 3 తూముల వర్షం, 4 తూములు గాలి ఉండును. 7 భాగముల వర్షం సముద్రముల పైనా, 9 భాగముల వర్షం పర్వతాలపైనా, కేవలం 4 భాగాల వర్షం భూమిపైననూ వర్షించును. 11 వీసముల పంట ఫలించును. అన్ని పంటలు, అన్ని రకముల నేలాలు ఫలించును.

సెప్టెంబర్ 4 వ వారం, అక్టోబర్ 1 వ వారంలో రాజకీయ, సినీరంగాలలో అశ్లీలతలు, సమస్యలు బట్టబయలై ప్రజలు ఇబ్బందులకు గురి కాగలరు. అక్టోబర్ 12 ,13 ,14 ,15 తేదీలలో తుఫాను సూచనలు. భారీ వర్షాలు, ఇతర ప్రకృతి వైపరిత్యాలు పర్యావరణానికి నష్టాలు. అక్టోబర్ 3 వ వారంలో సెన్సెక్స్ సూచికలో పెనుమార్పులు. నవంబర్ 12 ,13 ,14 , 15 తేదీలలో సినీ, కంప్యూటర్, తేలీకమ్యునికేషన్స్, మద్యపాన, స్వర్ణ, వస్త్ర రంగాలలో సమస్యలు. నవంబర్ 3 ,4 వారాలలో సాఫ్ట్ వేర్ రంగానికి సమస్యలు. నవంబర్ 23 నుంచి డిసెంబెర్ 14 వరకు భూకంపభయం పెరుగును. మొత్తం మీద గ్రహస్థితులను విశ్లేషించగా దేశంలోనూ, రాష్ట్రంలోనూ, శాంతి భద్రతలు దెబ్బతినును. పాలకులు కఠినచర్యలు తీసుకొనలేరు. పరిపాలనలో చిత్తశుద్ధిఉన్ననూ, సూక్ష్మ పరిశీలన లేనందున ఉగ్రవాదులు చాపకింద నీరులా, తమ చర్యలను సాగిస్తారు. ఆర్ధికస్థితి అంతంత మాత్రం. జలాశయ అంశాలపైననూ, ప్రత్యేక రాష్ట్ర ఏర్పాటు వాదం పైననూ రాజకీయ రగడలు అధికమై, అమాయక ప్రజలు ప్రాణాలు కోల్పోవుదురు. పరిపాలనా విభాగాలలోనూ, ప్రసిద్ధినొందిన ఆలయాలలోనూ అశ్లీలత, కుంభకోణాలు అధికమగును, పాలకులు చూడనట్లు వెళ్ళే మనస్తత్వంతో వుంటారు.

సనాతన మార్గంలో నడిచేవారు కూడా సంప్రదాయ విలువలను గాలికి వదిలేస్తారు. పాలకులు మనసువిప్పి ప్రజలతో మాట్లాడుతారనుకోవటం భ్రాంతి మాత్రమే. తాము చేసిన పాపం తమకు తగలకుండా ఉండుటకై పాలకులు అధికంగా యజ్ఞయాగాది క్రతువులలో పాల్గొంటారు.

శత్రుదేశాలతోనూ, రాష్ట్రాలతోనూ స్నేహాన్ని ఎలా చేయాలనే విషయంలో విజ్ఞులిచ్చే సలహాలు పాలకులు స్వీకరించలేరు. ఆర్ధిక రాజకీయ సామాజిక స్థితి స్తబ్దతను సమర్ధవంతమైన శక్తియుక్తులతో తొలగించే ప్రయత్నాలు చేస్తుంటారు. పరిపాలనలో ఆధిపత్యపోరు అధికమగును. భారీ కాంట్రాక్టులు, ఒప్పందాలు, విద్యా, వైద్య వ్యవస్థలు కలుషితమగును. మత్తు పదార్ధాల దొంగరవాణాను అరికట్టలేరు. పాలకులే ఆలయసంపదను దోపిడీ చేయాలనే దౌర్భాగ్యపు ఆలోచనతో వుంటారు. శుభకార్యాలలో పసిడి వినియోగం తగ్గక, మోజుపడే వారి సంఖ్య పెరుగును. అంతర్జాతీయ మార్కెట్లో బంగారు కుంభకోణంలో కీలకవ్యక్తులు భారతీయులుగా వుండే అవకాశం ఉంది.

బూటకపు ఎన్కౌంటర్లు పెరుగును. రాజకీయ రంగ స్త్రీలకున్న ఉగ్రవాద ముప్పును పసిగట్టలేరు. రసాయన ఆయుధాలతో సరిక్రొత్త పోకడలతో దుష్టులు చేపట్టే చర్యలతో శాంతి మార్గం కరువగును. మావోయిష్టుల ప్రాబల్యం పెరిగి కొన్ని రాష్ట్రాలలో నేతలు హతమవుదురు. మతతత్వ చాందసవాదుల విధ్వంసకర కార్యకలాపములు అధికమగును.

ప్రకృతి వైపరీత్యా సమయాలలో బుద్దిబలంతో రక్షణశాఖ వారు యుద్ద ప్రాతిపదికన చర్యలు చేపట్టి ప్రాణనష్టాన్ని అరికట్టుదురు. బుద్ధిబలంతో రక్షణశాఖవారు శత ప్రయత్నాలు చేసినా, శత్రువులను ఎదుర్కొనలేరు. ముఖ్యనేతలపై జరిగే విద్రోహచర్యలను సమర్ధవంతంగా అరికట్టలేరు. రౌడీయిజంపై ధైర్యసాహసాలతో పరిపాలనాపర నిర్ణయాలను తీసుకొనలేరు.

సస్యాధిపతి శని, ధాన్యాధిపతి శుక్రునకు పరస్పర మిత్రత్వం ఉన్నందున నిత్యావసర వస్తు నిల్వదారులపై చర్యలు తీసుకునే నాధులుండరు. రైతాంగం కల్తీ సస్యాలను వినియోగించి నష్టపోవుదురు. నకిలీ వాణిజ్యం చేయు మేధావులు తయారగుదురు. స్టాక్ మార్కెట్ పలుమార్లు పతనం కావటంతో, భారీ కంపెనీల షేర్ మార్కెట్ విలువలు పడిపోవటంతో, కొంతమంది దారుణంగా దెబ్బతిని ఆత్మహత్యలకు గురికాగల సూచన వుంది. మాయలతో మోసాలతో వాణిజ్య రంగాన్ని దెబ్బతీయాలనే దుష్ట శక్తుల కుట్ర రట్టగును.

ఫోనుబాంబులు, టిఫిన్ బాక్స్ బాంబులు అధికమగును. రైలు రోడ్డు ప్రయాణీకులకు దోపిడీ బాధలు తప్పవు. భారతీయ విమానానికి బాంబు బెదిరింపు లేక హైజాకింగ్ జరిగే సూచన. ప్రసారమాధ్యమాలపై దాడులు జరుగును. స్త్రీ రాజకీయ నేతలపై జరిగే ప్రత్యక్ష దాడులను ఆపలేరు. ఉగ్రవాద, మావోయిష్టుల చిట్టాలో ఆంధ్రప్రదేశ్ మరియు తమిళనాడు రాష్ట్రానికి చెందిన ముఖ్య రాజకీయ నేతలు చేరుదురు.

ఆంధ్రప్రదేశ్ లోని ప్రతి శివాలయంలో ధూప, దీప, నైవేద్య, కర్పూర హారతులు సక్రమంగా నిర్వర్తించేలా... ప్రతి ఒక్కరు దయచేసి పాటుపడేది. ఋతు ధర్మానుసారం వర్షించాలనే విశ్వాసంతో వరుణ జపాలు, యాగాలను పండితులు అధిక దక్షిణ ఫలాపేక్షణ లేకుండా లోక కల్యాణం కొరకై చేసేది. పుష్యమి, ఆశ్లేష, శ్రవణం, ఉత్తరాభాద్ర, రేవతి నక్షత్రములు పూర్తిగా ఉన్న సమయాలలోనే ఈ వరుణ జపాలు, యాగాలు చేయటానికి ప్రయత్నించాలి.

ప్రజలందరూ యజ్ఞయాగాది శాంతి క్రతువులు ఆచరిస్తూ, యనలేని సంయమనంతోను, ఓర్పుతోను, మానవతా దృష్టితో వుండాలని భగవంతుని కోరుకుంటూ... సర్వేజన సుఖినోభవంతు సమస్త సన్మంగళాని భవంతు.

ప్రజాకర్షక పధకాలకు ఆర్ధికమాంద్యం ఏర్పడును. కీర్తి ప్రతిష్టలు పెంపొందులాగున నిజనేరస్తులను పల్లకీలలో ఊరేగించుదురు. మాజీ ముఖ్యమంత్రులపై న్యాయస్థానాల ప్రతికూలతీర్పులు. భారతావనిలో ఓ మత ధర్మచార్యుని వివాదంతో తలనొప్పి. పలుమార్లు స్టాక్ మార్కెట్ కుదుపులతో భారీగా నష్టాలు. ఆంధ్ర, కర్ణాటక రాష్ట్రాలలో రాజకీయ అస్థిరతలు పెరగటంతో పాలకులకు గడ్డురోజులు.

శ్రీ ఖర పంచాంగ వివరాలు

2011-04-04T02:37:00.000-07:00

దశాబ్దాల తరువాత అరుదైన భోగి

2011-01-13T08:54:00.000-08:00

ప్రతి సంవత్సరం ఆంగ్ల నెలల ప్రకారం జనవరి నెలలోనూ, తెలుగు నెలల ప్రకారం పుష్య మాసంలోనూ శ్రద్ధతో ఆచరించే పెద్దల పండుగగా పేరొందిన పెద్ద పండగే మకర సంక్రాంతి. దక్షిణాయనానికి ఆఖరి రోజు, ధనుర్మాసానికి ఆఖరిరోజు, మకర సంక్రాంతి కి ముందు రోజు భోగి పండుగ. నిఘంటువు ప్రకారం భోగి అంటే తొలిరోజు అని అర్ధం. పెద్ద పండుగగా పిలువబడే మూడు రోజుల సంబరాల సంక్రాంతికి తొలిరోజును భోగిగా పిలుస్తారు.

వ్యవసాయ పనుల రద్దీ తగ్గి అన్నదాతలు సుఖంగా కాలక్షేపం చేయటానికి, చేతికందిన పంటను అనుభవానికి తెచ్చుకొని భోగభాగ్యాలు అనుభవించటానికి వీలు కలిగించే పండుగ భోగి పండుగ అని పెద్దలు అంటారు. భోగి రోజున రైతులందరూ సంవత్సరం పొడవునా వ్యవసాయ పనులు చేయగా వచ్చిన చెత్త చెదారం అంతా ఈరోజు వేకువజామునే మంటలుగా వేసుకుంటారు.

గృహంలో వున్న పాత కర్ర సామాను, పనికిరాని వస్తువులు అన్నింటిని మంటలలో వేస్తారు. పరోక్షంగా ఈ మంటలనే వరుణయాగాలుగా పిలవాలసి వుంటుంది. ఎందుకంటే వరుణ దేవుని కరుణ కటాక్షాలతో అన్నదాతల ముంగిళ్ళలోకి దాన్యం రావటం, ఆనందంతో వుండటం, తరువాత సంవత్సరం కూడా ఎలాంటి సమస్యలు లేకుండా వ్యవసాయానికి వరుణుడు అనుగ్రహించాలనే దృక్పదంతో ఈ మంటలను వేయటం అంతర్గత రహస్యం. మేఘాలకు అధిపతైన వరుణ దేవుడిని గ్రామీణులు మంటల రూపంలో ప్రార్ధిస్తారు. ద్వాపర యుగంలో ఈ భోగి పండుగరోజు వేసే మంటలు మేఘాదిపతిని ప్రార్ధించటానికని పురాణాలు చెబుతున్నాయి.

ఈ 2011 సంవత్సరంలో అరుదైన భోగి రానున్నది. శుక్రవారం భోగి పండుగ రావటం విశేషమేమికాదు కానీ శుక్రగ్రహ నక్షత్రమైన భరణి నక్షత్రంతోనూ, శుక్ర గ్రహ వారమైన శుక్రవారంతోనూ భోగి రావటంమాత్రం అత్యంత అరుదైనది. పదమూడు దశాబ్దాల క్రితం అంటే 130 సంవత్సరాల క్రితం శుక్రవారం భరణి నక్షత్రంలో భోగి పండుగ వచ్చింది. తిరిగి ఇంత కాలానికి ఈ జనవరి 14 శుక్రవారం భరణి నక్షత్రంతో భోగి పండుగ రానున్నది. ఈ భరణి నక్షత్ర శుక్రవారంతో కూడిన భోగి రోజున మహాలక్ష్మి దేవిని మనసారా భక్తితో కొలిస్తే భోగభాగ్యాలతో తులతూగుతారని పెద్దలు చెబుతారు.

గృహాలలో శ్రీ చక్ర మేరు వున్నవారు ఈ భరణి నక్షత్ర భోగి రోజున ఈ క్రింది మంత్రంతో మహాలక్ష్మిని ఆరాధించండి.

ఓం శ్రీం హ్రీం ధ్ర్రాం క్లీం ధన్యే ధనవర్ధిని సుమేరు మధ్య శృంగస్తా శ్రీమన్నగరనాయికా నమః ( లలితా సహస్రనామ స్తోత్రంలో 22 వ సంఖ్యలో వున్న రెండు పంక్తులలో మొదటి పంక్తి ) అంటూ 108 పర్యాయములు జపించి తీపి పదార్ధ నివేదనతో శ్రీమహాలక్ష్మిని సేవించాలి.

భూ ప్రస్తార మేరు వున్నవారు ఈ భరణి నక్షత్ర భోగి రోజున ఈ క్రింది మంత్రంతో మహాలక్ష్మిని ఆరాధించండి.

ఓం శ్రీం హ్రీం ధ్ర్రాం క్లీం ధన్యే ధనవర్ధిని ధరాధరసుతా ధన్యా ధర్మిణీ ధర్మవర్ధినీ నమః ( లలితా సహస్రనామ స్తోత్రంలో 176 వ సంఖ్యలో వున్న రెండు పంక్తులలో మొదటి పంక్తి ) అంటూ 108 పర్యాయములు జపించి తీపి పదార్ధ నివేదనతో శ్రీమహాలక్ష్మిని సేవించాలి.

శ్రీ చక్ర మేరు, భా ప్రస్తారములు లేనివారు మహాలక్ష్మి దేవి చిత్రపటాన్ని వుంచి ఓం శ్రీం హ్రీం ధ్ర్రాం క్లీం ధన్యే ధనవర్ధిని శ్రీమహాలక్ష్మి దేవతాభ్యో నమః అంటూ 108 పర్యాయములు జపించి తీపి పదార్ధ నివేదనతో శ్రీమహాలక్ష్మిని సేవించాలి.

అర్దరాత్రి లక్ష్మీ పూజ ఉత్తమోత్తమం

2010-11-05T00:37:00.000-07:00

శ్రీ వికృతి నామ సంవత్సర ఆశ్వీయుజ అమావాశ్య 5 డిసెంబర్ 2010 శుక్రవారం నాడు జరుపుకుంటున్నాం. చిత్త, స్వాతి నక్షత్రాలలోనే దీపావళి పర్వదినం వస్తూ వుంటుంది. స్వాతి కార్తెలో, స్వాతి నక్షత్రంలో, శుక్రవారం నాడు అరుదుగా దీపావళి వస్తూ వుంటుంది. కొంతమంది 6 వ తేదీ దీపావళి అనుకుంటున్నారు. ధర్మశాస్త్రాల నిర్ణయానుసారం 5 వ తేదే దీపావళి.

ఈరోజున జరిగే లక్షీ పూజ సమయం విషయంలో కొంతమంది ప్రసార మాధ్యమాలలో అర్దరాత్రి సమయం చేయకూడదని, సాయంకాలమే చేయవలెనని తెలియచేస్తున్నారు. వర్షక్రియా కౌముది, నిర్ణయ సింధు, భవిష్య పురాణం మొదలైన గ్రంధాల ప్రకారం సాయంకాల సమయంలో లక్ష్మీ పూజ ఆచరించిననూ తప్పు కాదు. కానీ అర్దరాత్రి సమయంలో లక్ష్మీ పూజ ఆచరించినచో ఉత్తమోత్తమం అని శాస్త్ర వచనం. ఈ రోజు రాత్రి కర్కాటక లగ్న సమయంలో 11 .30 నిమిషాల నుంచి 12 గంటల వరకు లక్ష్మీ పూజను ఆచరించి, జ్యేష్టా దేవినీ తరిమికొట్టండి. భవిష్య పురాణం ప్రకారం చేట మీద చప్పుల్లతోనూ, డక్కా వాయుద్యంతోనూ దరిద్ర దేవతను తరమాలని వచనం. లక్ష్మీ దేవి చంచల మనస్కురాలు. చంచలత్వానికి కారకుడు చంద్రుడు. కనుకనే జ్యోతిష్య శాస్త్ర ప్రకారం ఆశ్వీయుజ అమావాశ్య కర్కాటక లగ్నమే అర్దరాత్రి అవుతుంది. ఈ లగ్నానికి చతుర్ధం అనే తులా రాశి గృహస్థానం అవుతుంది. అలాగే ఏకాదశమైన తులారాశి లాభ స్థానమవుతుంది. ఈ రెండు రాశులకు అధిపతి శుక్రగ్రహము. బంగారు ఆభరణాలకు, అష్టైశ్వర్యములకు ప్రతీక శుక్రుడు. కనుక ఆ శుక్రుని అనుగ్రహం కూడా కలగటానికి కర్కాటక లగ్నాన్ని మనం స్వీకరించాలి.

నువ్వుల నూనెలో లక్ష్మీదేవి నివాసమని శాస్త్ర వచనం. కనుక ఈ రోజు నువ్వుల నూనె వెలిగించిన జ్యోతితో లక్ష్మీదేవిని ఆరాధిస్తూ, మధుర పదార్ధాన్నిఆ తల్లికి నివేదించాలి. ఈ మధుర పదార్ధాలలో ముఖ్యంగా తెల్ల నువ్వులు, బెల్లము, పాలు, నెయ్యి, బియ్యం అను వాటితో పొంగలిని (శ్వేత తిల ఘ్రుత పాయసాన్నం) నివేదన చేయండి. అర్దరాత్రి లక్ష్మీ దేవినీ ఆరాధించకూడదు అని చెప్పే శాస్త్ర వచనాలు లేవు. తెలిసీ తెలియని వారు ప్రసార మాధ్యమాల ద్వారా చెప్పటంతో చాలా మంది అయోమయంలో పడుతున్నారు.

కేదార వ్రతాన్ని నూతనంగా ఆచరించేవారు స్వాతి కార్తె స్వాతి నక్షత్ర అమావాశ్య రోజున వ్రతాన్ని ఆచరించాలి. ఈ విధంగా 3 లేక 4 సంవత్సరాలకు ఒక్కసారి మాత్రమే స్వాతి కార్తె స్వాతి నక్షత్ర అమావాశ్య వస్తుంటుంది. ఎప్పటినుంచో కేదార వ్రతాన్ని ఆచరించేవాళ్ళు ఈరోజూ చేయవచ్చు అలాగే రేపూ ఆచరించవచ్చు. నిబంధన లేదు. దీపావళి రోజున మాష పాత్ర భక్షణము చేయవలెనని శాస్త్ర నిర్దేశము. మాష పత్రమనగా మినప ఆకు. నవధాన్యాలలో రాహు గ్రహ సంబంధిత ధాన్యమే మినుములు. దీపావళి రాహు నక్షత్రమైన స్వాతిలో వచ్చిన రోజున మినప ఆకులను తింటే శుక్ర లోపములు పూర్తిగా పోగలవని శాస్త్ర వచనం.

ఉగాదికి వేప పూవు పచ్చడి, శ్రీరామనవమి ముందు రోజు ఆశోకాష్టమికి ఆశోక చెట్టు మొగ్గలు, ఆషాడ మాసంలో మునగాకు కూర, ఏకాదశి వెళ్ళిన ద్వాదశి పారణంలో అవిశాకు కూర, అలాగే దీపావళిన మినపాకు సేవించవలెనని శాస్త్ర వచనాలు ఉన్నవి.

అక్టోబర్ 29 శుక్రవారం బంగారం కొనవద్దు

2010-10-23T08:51:00.000-07:00

అక్షయ తదియ రాగానే బంగారం కొనుగోలు చేయటం గత దశాబ్ద కాలంగా ఆనవాయితీ అయింది. అక్షయ తదియ రోజున బంగారం కొంటే, సంవత్సరం అంతా బంగారం ఎక్కువగా కొంటారనే ఉద్దేశ్యంతో వ్యాపార సంస్థలు భారీ ప్రకటనలతో చాటటం మనకి తెలిసిన విషయమే. ఆనాడు బంగారం కొని, తదుపరి రోజులలో అప్పుల పాలై, కొన్న బంగారంతో పాటు అంతకుముందున్న బంగారాన్ని కూడా అమ్మివేసిన వారు ఎంతో మంది వున్నారు. అక్షయ తదియ నాడు బంగారం కొనుగోలు చేయాలని చెప్పే శాస్త్ర ప్రమాణాలు లేనేలేవు. ఇది ఒక సెంటిమెంటల్ గోల్డ్ ఫెస్టివల్. కానీ ఇందుకు భిన్నంగా నేను చెప్పబోతున్న మరొక అంశం ఏమిటంటే.....

2010 అక్టోబర్ 29 శుక్రవారం రోజున బంగారము, పట్టు, సిల్క్ ఇతర వస్త్రాలు, గృహాలంకరణ వస్తువులు, సౌందర్యాలంకరణ సామగ్రి, టెలివిజన్, సెల్ ఫోన్, కంప్యూటర్ తదితర ఎలక్ట్రానిక్ ఉపకరణములను కొనుగోలు చేయకండి. ఆరోజు కొనుగోలు చేయాలనుకున్నవారు ముందు రోజైన 28 గురువారం లేక తరువాత రోజు 30 శనివారం గానీ కొనుగోలు చేయండి. 29 శుక్రవారం మాత్రం వద్దు.

అక్షయ తదియ నాడు కొనుగోలు చేయమని చెప్పే శాస్త్ర ప్రమాణాలు లేవు కదా ! మరి 29 కొనుగోలు వద్దని చెప్పే కారణాలు ఏమిటని అనుకోవచ్చు. ఆశ్వీజ పూర్ణిమ నుంచి అమావాశ్య వరకు కన్యా, తుల, వృశ్చిక, ధను రాశులపై షడ్గ్రహ, సప్తగ్రహ ఆచ్చాదనలుండి, శుక్రుడికి మౌద్యమి సంభవించిన తదుపరి వచ్చే మొదటి శుక్రవారం నాడే ఓ గ్రహస్థితి వుంది. అదేమంటే అసలే వక్ర శుక్రుడు. దానికి తోడు మౌద్యమి. పైగా రాహు నక్షత్రమైన స్వాతిలో ఒకే బిందువులో నీచ రవితో శుక్ర కలయిక, కించిత్ వైరమున్న వక్ర గురువు యొక్క దిన నక్షత్రం పునర్వషు... ఇన్నింటి కారణంగా శుక్ర గ్రహ సంబంధమైనవి కొనుగోలు చేయకూడదు. కొనుగోలు చేస్తే సమస్యలు రాగల అవకాశాలు చాలా వున్నవి. కనుక జ్యోతిశ్శాస్త్రంపై విశ్వాసం వున్నవారు దయచేసి కొనుగోలు చేయకండి. బంగారం ధర తగ్గితే కొందామని కూడా అనుకోకండి.

కుజదోషంపై నిజానిజాలు - 2

2010-09-28T03:35:00.000-07:00

కుజదోషం అని పండితులు చెప్పగానే వధూవరుల తల్లితండ్రులు కుమిలి కుమిలి పోతుంటారు. అలా బాధపడే వారందరూ సంతోషంగా ఉండాలనే ఉద్దేశ్యంతోనే..."కుజదోషంపై నిజానిజాలు" రెండవ భాగమును ఇవ్వటము జరిగింది

జాతకాలలో కుజగ్రహం జన్మలగ్నము నుంచి 2, 4, 7, 8, స్థానాలలో వుంటే కుజదోషముండునని మొదటి భాగం లో తెలుసుకున్నాము. మరి ఈ కుజదోషం కొందరికి వర్తించదని శాస్త్రాలు చెబుతున్నాయి. ఎవరెవరికి ఈ కుజదోషం వర్తించదో ముందు తెలుసుకుందాం.

జ్యోతిశ్శాస్త్రం ప్రకారం కుజగ్రహం తన నీచస్థానమైన కర్కాటక రాశిలో వుండి వుంటే, అట్టివారికి కుజదోషం వర్తించదని భావం. అలాగే కుజుడికి తన స్వక్షేత్రములైన మేష వృశ్చిక రాశులలో గానీ, ఆయా లగ్నాలలో గానీ జన్మించి వుంటే కుజదోషం వర్తించదు. కుజగ్రహానికి మిత్రులైన రవి గురుల రాశులైన సింహ, ధనుస్సు, మీన రాశులలో గానీ, లగ్నాలలో గానే జన్మించివుంటే కుజదోషము వర్తించదు. కుజగ్రహానికి ఉచ్చస్థానమైన మకరరాశి యందు లేక మకరలగ్న మందు జన్మించిన వారికి కుజదోషము వర్తించదు.

మేష, వృశ్చిక, కర్కాటక, సింహ, ధనుస్సు, మకర, మీన రాశులలో గానీ, లగ్నాలలో జన్మించిన వారికి కుజదోషం భంగమగునని, భయపడవలసిన అవసరం లేదని........ పైన పేర్కొన్న పేరా సారాంశం. మొత్తం 12 రాశులలో 7 రాశుల జాతకులు పోనూ..... మిగిలిన అయిదు రాశుల జాతకులకు కుజదోషం వుంటే భంగం కాదనే కదా సారాంశం. మరి ఆ రాశులు ఏమిటంటే... వృషభ, మిధున, కన్య, తుల, కుంభ రాశులు... మరి ఈ రాశులలో మాత్రమే గాక మొత్తం 12 రాశులలో ఏ రాశివారికైన కుజదోషం వుండి వుంటే, వారి జాతకంలో కుజుడిని, గురుగ్రహం విశేష దృష్టులతో చూస్తూవుండిననూ కుజదోషం వర్తించదనే శాస్త్ర నిర్ణయములున్నవి.

పై నిర్ణయములు గాక రెండవ స్థానంలో కుజుడు దోషరూపంలో వుండి... వారు మిధున కన్యారాశులలో గానీ, మిధున కన్యాలగ్నాలలోవుండిన కుజదోషం వర్తించదనే శాస్త్రప్రమాణమున్నది. అనగా 4, 7, 8 స్థానాల దోషం భంగపడదు. కేవలం రెండవ స్థాన దోషం భంగమగునని ఉద్దేశ్యం. మరి ఈ విషయం 2 వ స్థాన దోషం వారికి ఊరట నిచ్చే మాట.

నాల్గవ స్థాన కుజదోషం వున్నవారు మేష వృశ్చిక రాశులలో గానీ, మేష వృశ్చిక లగ్నాలలో గానీ జన్మించి వుంటే కుజదోషం వర్తించదు. అంటే 2, 7, 8 స్థానాల లోపం ఉంటుందని భావం. అలాగే సప్తమ స్థానంలో కుజదోషం వున్నవారు మకర కర్కాటక రాశులలో గానీ, మకర కర్కాటక లగ్నాల యందు గానీ జన్మించి వుంటే 7 వ స్థాన కుజదోషం భంగమగునని, రెండు, నాలుగు, ఎనిమిది స్థానాలలో భంగం కాదని శాస్త్ర నిర్దేశం.

ఇక అష్టమ స్థాన కుజదోషం వున్నవారు ..... ధను, మీన రాశులలో లేక లగ్నాలలో జన్మించి వుంటే.... వారికి అష్టమ స్థాన కుజదోషం వర్తించదు. ఈ కుజదోషమనేది జన్మ లగ్నం నుంచే వుంటుంది. జనం లగ్నం నుంచే లెక్కించాలి. చంద్రుడు ఉన్న రాశి నుంచి, శుక్రుడు ఉన్న రాశి నుంచి, కుజ దోష స్థానాన్ని చూడవలసిన అవసరం లేదు. ఆ విధంగా చూస్తే ప్రపంచంలో ఉన్న ప్రతి ఒక్కరికి జన్మ లగ్నం నుంచి, చంద్రుడి నుంచి శుక్రుడి నుంచి కుజదోషం వుండి తీరుతుంది. ఇది సరియిన సక్రమమైన వివరం కాదు. కేవలం జన్మ లగ్నం నుంచి మాత్రమే కుజదోషాన్ని లెక్కించాలి. అశ్విని, మృగశిర, పునర్వసు, పుష్యమి, ఆశ్లేష, ఉత్తర, స్వాతి, అనూరాధ, పూర్వాషాడ, ఉత్తరాషాడ, శ్రవణం, ఉత్తరాభాద్ర, రేవతి అను పదమూడు నక్షత్రములలో జన్మించిన వారికి కుజగ్రహం... ఏ స్థానంలో ఉన్ననూ.. కుజదోషం ఉండదని శాస్త్ర నిర్దేశము. ఇరవై ఏడు నక్షత్రాలలో జన్మించిన ఏ ఒక్కరూ కుజదోషం గురించి బెంగ పడాల్సిన అవసరం లేనేలేదు. కుజదోషం ఉన్ననూ.. దైర్యంగా వుండండి... ఎలా ఉంటాము దైర్యంగా ? అని అనుకుంటున్నారా.... నిజమే మరి అసలుసిసలైన వాస్తవాలను తదుపరి కుజదోషంపై నిజానిజాలు - 3 అను పోస్టింగ్ కొరకు వేచి చూడండి... నగ్న సత్యాలను తెలుసుకోండి.

కుజదోషంపై నిజానిజాలు - 1

2010-09-21T01:54:00.000-07:00

వివాహ ప్రయత్నాలు ఆలశ్యమవుతున్నా, వివాహమైన తదుపరి సమస్యలు తలెత్తుతున్నా, అందరికీ వెంటనే గోచరించేది కుజదోషం. కుజదోషం వున్నవారు కుజదోషం వున్న వారినే వివాహమాడాలని అంటాము. మరి ఈ కుజదోషం ఎవరెవరికి వుంటుంది ? నిజంగా కుజదోషమున్నవారికి లేదని, కోజదోషం లేనివారికి వున్నదని చెప్పే పండితులు కూడా ఈమధ్యకాలంలో సిద్ధమవుతున్నారు. ఏ చిన్నపాటి సమస్యకైనా, ఓ పండితుడిని దంపతులు గానీ, దంపతుల తల్లితండ్రులు గానీ విచారించగానే, ముందుగా ఆ పండితుల వారు సెలవిచ్చేది కుజదోషం వుందని లేక కాలసర్పదోషముందని, ఈ కుజదోషం వలన భార్య భర్తలలో ఒకరికి మరణం త్వరలో వుందని, భయభ్రాంతులయ్యే సంభాషణలతో పండితుడు చెప్పగానే, ఆ మాటలు విన్న దంపతులకో లేక వారి తల్లితండ్రులకో ప్రాణాలు అప్పుడే గాలిలో కలిసిపోయే విధంగా వుంటాయి.

ఈ కుజదోషం గురించిన సంపూర్ణ చరిత్రను గురించి తెలుసుకుంటే ఎవరు... ఏ మాట చెప్పినా భయపడాల్సిన అవసరము వుండదు. రాశి చక్రములో మేష, వృశ్చిక రాశులకు అధిపతి కుజుడు. అగ్నితేజో సంపన్నుడు. ఇట్టి కుజుడు జాతక చక్రములో జన్మ లగ్నము నుంచి 2, 4, 7, 8, 12 స్థానాలలో వుంటే కుజదోషం వుందని భావం. మరి 2 వ స్థానంలో కుజుడు వుంటే... కుటుంబ ధన సంపత్తులు కొన్ని కొన్ని కారణాల వలన హరించుకుపోతాయని భావం. ఇక 4 వ స్థానంలో కుజుడు వుంటే గృహలక్ష్మి భాగ్యములు దెబ్బతినటం, వాహన సంభందిత ప్రమాదములు, ఆరోగ్య లోపములు ఏర్పడునని గ్రహించాలి. 7 వ స్థానంలో కుజుడు వుంటే కళత్ర సుఖ భోగ భాగ్యములు తగ్గిపోవునని, భార్యాభర్తల మధ్య భేదాభిప్రాయములు ప్రారంభమగునని భావం. 8 వ స్థానంలో కుజుడుంటే ఆయుర్భాగ్యం తగ్గునని, పూర్ణ ఆయుర్దాయమునకు దూరమని భావం. 12 వ స్థానంలో కుజుడు వుంటే మోక్షలక్ష్మీ భాగ్యములు అంతరించి పోతాయని విశ్వసించాలి. కుజుడు ఆయా స్థానాలలో వుండిన పురుషునికి భార్య వియోగము, భార్యకు భర్త వియోగము కల్గును.

ఈ వియోగం ఎప్పుడు కలుగుతుంది ? వివాహం కాగానేనా ? లేక కొన్ని సంవత్సరాలు దాంపత్యం జరిగిన తదుపరా ? ఖచ్చితమైన సమాధానం ఏమిటంటే... ఏ జాతకులైన కుజదోషం వుంటే.... దాని ప్రభావం, కుజ మహాదశ జరిగే సమయంలోనే సమస్యలు వస్తాయి. ముందు రానే రావు. ఈ నగ్న సత్యాన్ని తెలుసుకోవాల్సిన అవసరం ఎంతైనా వుందని మొట్ట మొదట గ్రహించాలి. ఇక 27 నక్షత్రాలలో జన్మించిన వారి వివరాలలోకి వెడితే అందరికీ తెలియని ఆసక్తికర అంశాలెన్నో రేపటి రెండవ భాగంలో తెలుసుకుందాము.

చీకటిలేని రాత్రులతో గురుగ్రహ సందర్శనంతో మహాలయ పక్ష ప్రారంభం

2010-09-20T03:40:00.000-07:00

ప్రస్తుతం గురుగ్రహం మీనరాశిలో సంచారం చేస్తున్నాడు. ప్రతి 13 మాసాలకొకసారి సూర్యునికి గురువుకి మధ్యలోకి భూమి వస్తుంది. ఈ పరంపరలో భూమికి గురువు చేరువలో వుంటే...... గురుగ్రహ దర్శనం కల్గుతుంది. వచ్చిన ప్రతిసారి దర్శనం కల్గవచ్చు, కలుగపోవచ్చు. 1967 లో గురుగ్రహం భూమికి చాలా దగ్గరగా రావటం, తిరిగి 2010 సెప్టెంబర్ 20 నుంచి గురుగ్రహానికి, సూర్యునికి మధ్యలోకి భూమి వచ్చి, గురువు భూమికి చేరువ కావటంచే ప్రకాశవంతమైన నక్షత్రంలాగా గురుగ్రహం కనువిందు చేయబోతున్నది.

సెప్టెంబర్ 20 అనగా నేటి రాత్రి నుంచే సూర్యుడు పశ్చిమాన అస్తమించగానే...... గురువు తూర్పు దిశలో ఉదయించటం, శుక్రగ్రహం కంటే దేదీప్యమాన వెలుగుతో దర్శనం ఇచ్చి....... తెల్లవారేసరికి గురువు పడమరలోకి వెళ్ళటం........ సూర్యుడు తూర్పున ఉదయించటం జరగనుంది. ఈప్రకారంగా గురువు సెప్టెంబర్ 20 నుంచి అక్టోబర్ మధ్య వరకు భూమి మీద ప్రజలందరికీ దర్శన భాగ్యాన్ని కలిగించబోతున్నాడు. మరొక విశేషం ఏమనగా సెప్టెంబర్ 23 న భాద్రపద పూర్ణిమ రోజు రాత్రి వరుసగా 3 రోజులు చీకటిలేని రాత్రులు కావటం ఒక విశేషమైతే, మీనరాశిలో చంద్రుని ప్రక్కనే గురువును కూడా దర్శించబోతున్నాము.

23 వ తేది భాద్రపద పూర్ణిమ గురువారం కావటం, ఆరోజు రాత్రి నుంచే వరుసగా మూడు రోజులు వరుసగా చీకటి లేకపోవటం విశేషం. ఏలయనగా 23 సాయంత్రం సూర్యుడు అస్తమించకముందే పూర్ణ చంద్రుడు ఉదయించటం, మరునాడు సూర్యోదయం తదుపరి పూర్ణ చంద్రుడు అస్తమించటం జరుగుతుంది. ఆవిధంగా 23, 24, 25 తేదీలలో పగటి సమయంలో సూర్యవెలుగుతో, రాత్రి సమయంలో చంద్రకాంతితో మహాలయ పక్షములు ప్రారంభం కానున్నవి.

ఈ సెప్టెంబర్ 20 నుంచి దర్శనం ఇచ్చే గురువు, తిరిగి 2022 లో మనకు దర్శనం ఇస్తాడు. ఈ గురు దర్శన సమయంలో లలితా సహస్ర నామ స్తోత్రంలో 129 వ శ్లోకం... "అదృశ్యా దృశ్య రహితా విజ్జ్ఞాత్రి వేద్యవర్జితా" అను పంక్తిని చదివి, ఆపైన గురు శ్లోకమైన "దేవానాంచ ఋషీణాంచ గురుకాంచన సన్నిభం బుద్దిమంతం త్రిలోకేశం తం నమామి బృహసృతిం" అను శ్లోకాన్ని ఉచ్చరించి, ఆ పిదప శ్రీ దత్తాత్రేయిడుని ధ్యానం చేయండి.

మరి ముందుగా శ్రీ లలితాదేవిని ఎందుకు స్మరించాలి అని అనుకుంటారేమో ! ఇంద్రియములకు గోచారము కానిది అదృశ్యము. దృశ్యమనగా జగత్తునందలి సర్వవస్తు సముదాయము. చూస్తూ కూడా బయట వస్తువుని చూడని స్థితిని దృశ్యరహిత స్థితి అంటారు. ఏదైతే తెలుసుకోవాలనుకుంటామో దానిని వేద్యమైనది అంటాము. ఇక తెలుసుకోవాల్సింది ఏమిలేదు అనుకుంటే... దానిని వేద్యవర్జిత అంటారు... ఎవరైతే సర్వము తెలిసి ఉంటారో, అలాంటి విజ్ఞానమూర్తులనే విజ్ఞాత్రులు అంటారు.

గనుక లలితాదేవి తనకు బయటా లోపల అనుబేధం లేక సర్వము తానగుటచే తనకు తెలియవలసినదేమీ లేదు. అందుచే ఆమె వేద్యవర్జిత. అట్టి విజ్ఞానమూర్తి గనుకనే ఆమె విజ్ఞాత్రి అనబడింది.... ఇటువంటి దేవతను, ఆయా నామాల అనుష్ఠానం వలన, ఇంతవరకు అదృశ్యంగావుండి, ఇప్పుడు దర్శనం ఇచ్చే గురువుని దర్శించటానికి తగిన సమర్ధతను, శక్తిని మనకు అనుగ్రహం కల్గటానికే... ఆ తల్లిని ముందు.. ఆయా నామాలతో ధ్యానించుకుందాం.

ధ్యానించండి... అనుగ్రహాన్ని పొందండి..

గణేశ చతుర్ధిన వినువీధిలో అరుదైన తారా శాశాంకం

2010-09-09T04:05:00.000-07:00

విఘ్నాలను తొలగించి, సకల శుభాలను అందించే గణనాధుడిని భక్తి ప్రపత్తులతో అర్పించే భాద్రపద శు. చవితి "గణేశ చతుర్ధీ" పర్వదినాన రాత్రి సమయములలో చంద్ర దర్శనము చేసిన వారాలకు నిందలు తప్పవని పురాణ వచనము. కానీ గణపతి పూజను చక్కగా ఆచరించుకొని, వ్రతకధను విని, అక్షతలను శిరస్సు మీద ఉంచుకొన్న వారు చంద్ర దర్శనము చేసినచో దోషము కాదు. నిందలు వుండవు. కొతమంది వ్రతం ఆచరించి, కధ విని, అక్షతలు శిరస్సున వేసుకున్ననూ..... చంద్ర దర్శనం చేయరు. ఎందుకంటే....... నిందలు పడతాయనే భయం వెంటాడుతుంది. ఇది మన అందరికీ తెలిసిన విషయమే.

కానీ శ్రీ వికృతి నామ సంవత్సరంలో భాద్రపద శు.చవితి శనివారం 11 సెప్టెంబర్ 2010 వినువీధిలో మహాద్భుతమైన అపురూప అరుదైన దృశ్యం చూడబోతున్నాము. అదే తారా శాశాంకుల సయ్యాట, దోబూచులాట.... నెలవంక పక్కనే ధగధగమెరిసే నక్షత్రం కనువిందుచేయనుంది. ఇది వినాయక చతుర్ధి పర్వదినం నాడే దర్శనం అవుతుంది. ప్రతి 8 సంవత్సరములకొకసారి గణేశ చతుర్ధిన సాయంకాల సమయములలో శుక్ర గ్రహం, చంద్రుడు స్వాతి నక్షత్రంలో కలిసిన కారణంగా, నెలవంక ప్రక్కన శుక్ర నక్షత్రం మిలమిల మెరుస్తూ వుంటుంది. గతంలో 2002, 1996, 1988, 1980, సంవత్సరాలలో దర్శనం అయింది.

మరి ఈ వినాయక పర్వదినం రోజున హైదరాబాద్ నగరంలో చంద్రుడు రాత్రి 6 గంటల 57 నిమిషాలకు అస్తమిస్తాడు. సూర్యుడు 6 గంటల 5 నిమిషాలకు అస్తమిస్తాడు. ఈ మధ్యకాలంలో చవితి చంద్రుడు శుక్రగ్రహం పక్కనే ఉంటాడు. దాదాపు 2 ఘడియలు ఈ దృశ్యాన్ని తిలకించవచ్చు. భక్తి ప్రపత్తులతో సేవించవచ్చు. ఇతర మతస్తులు ఇష్ట దైవంగా కూడా భావిస్తారు. మన గణనాయకుని జన్మదినాన వినాయక వీధిలో ఏర్పడే తారా శాశాంకాన్ని కనులవిందుగా చూసి తరించండి. తిరిగి రాబోయే విళంబి నామ సంవత్సర భాద్రపద శు.చవితి గురువారం 2018 సెప్టెంబర్ 13 న వచ్చే గణేశ చతుర్ధి రోజున, ఆపై రాబోయే పరాభవ నామ సంవత్సర భాద్రపద శు.చవితి మంగళవారం 2026 సెప్టెంబర్ 15 న వచ్చే గణేశ చతుర్ధి రోజున శుక్రగ్రహం, చంద్రుడు స్వాతి నక్షత్రంలో కలిసినందున కనువిందుచేసే తారా శాశాంకుల సయ్యాట వుంటుంది.

ఆకాశంలో ఆసమయంలో మేఘాలు కమ్ముకోనకుండావుంటే అదృష్టమే మరి.... ఇంతటి అరుదైన, అద్భుత, అదృష్ట దృశ్యాన్ని తిలకించే మహాభాగ్యం ఎంతమందికి వుంటుందో వేచి చూడాలి మరి.

భూకంప తేదిని సంవత్సరం ముందుగానే తెలియచేశాం

2010-06-12T18:52:00.000-07:00

సముద్రంలో ఏర్పడే అల్పపీడనాలు, వాయుగుండాలు తద్వారా తుఫానుల వివరాలను వాతావరణశాఖ వారు ఒక వారం రోజుల ముందుగా తెలియచేస్తుంటారు. కాని భూకంపములను మాత్రం ఒక సెకను ముందుగా కూడా తెలియచేయలేదు. ఇటువంటి ప్రకృతి వైపరీత్యములను జ్యోతిష్యరీత్యా తెలుసుకోవచ్చు.

ఈ విషయంలో మా కాలచక్ర పంచాంగం మరియు గ్రహభుమి పంచాంగాలలో ప్రకృతి వైపరీత్యములను ప్రకటించటం జరిగింది. హైదరాబాద్ లో పలు టీవీ చానల్స్ లో హేతువాదులతో భూకంప సమయాలను తెలపటం జరిగింది. వికృతి నామ సంవత్సర కాలచక్ర పంచాంగంలో 41 పేజిలో 2 పేరాలో ఈ రోజు సంభవించిన వివరాలను ఇచ్చాము. అలాగే గ్రహభూమి బ్లాగ్ లో కూడా 2010 మార్చ్ నెల 19 నాటి శ్రీ వికృతి నామ సంవత్సర లఘు ఫలితాలు - 2లో 8వ పేరాలో ముందుగానే తెలియచేయటం జరిగింది. ఇప్పటికైనా హేతువాదులు సిగ్గుతో తలవంచుకొనవలసిన అవసరం వుందని తెలియచేస్తున్నాను. - శ్రీనివాస గార్గేయ

2013 లో భయంకర సౌర తుఫాను రానుందా ?

2010-06-11T01:10:00.000-07:00

ఇప్పటివరకు 2012 డిసెంబర్ .21 వ తేది ప్రపంచం అంతా వినాశానమవుతుందని, యుగాన్తమవుతుందని కల్ల బొల్లి కబుర్లు ఇంటర్నెట్ ద్వారా ప్రపంచ వ్యాప్తంగా ప్రజలందరినీ భయబ్రాంతులను చేసాయి. ఇప్పుడు 2013 లో భారీ సౌర తుఫానుతో భూమి స్తంభించి కొత్త ఉపద్రవం ముందుకు రాబోతుందని నాసా వారి తాజా నివేదిక వెల్లడించింది. సూర్యుడిలో భారి ఎత్తున ఎగిసిపడే ఈ సౌర తుఫాను, వినాశకరమైన రేడియో ధార్మికతను, విద్యుత్తుతో నిండిన శకలాలను భారీ మొత్తంలో అంతరిక్షంలోకి వెదజల్లుతుందని, ఇవి అయస్కాంత క్షేత్రాలతో అనుసంధానమై పని చేసే ఉపగ్రహాలకు అంతరిక్ష కేంద్రాలకు అడ్డంకులు సృష్టించనున్నవని నాసా తెలిపింది. గతంలో 1859 లో భూమి మీద కల్లోలమే సృష్టించింది. ఈ ఊహే ప్రస్తుతం శాస్త్రవేత్తలను కలవరపరుస్తోంది.

శాస్త్రవేత్తలు చెప్పినట్లు అలా జరిగితే ప్రపంచ వ్యాప్తంగా సెల్ ఫోన్లు, ఇంటర్నెట్, జీపీఎస్ వ్యవస్థ వంటి అధునాతన సమాచార వ్యవస్థ అంతా చిన్నాభిన్నం కానుంది. ఉపగ్రహాల సమాచార వ్యవస్థతో ముడిపడే సకలమైన అధునాతన సౌకర్యాలన్నీ మట్టికొట్టుకుపోతాయని, దీనితో బ్యాంకు సేవలు, విమాన ప్రయాణాలు, అత్యవసర రేడియో సమాచార వ్యవస్థ సకలం దెబ్బతింటాయని శాస్త్రవేత్తలు భావిస్తున్నారు. ఒక్కసారిగా ఇలాంటి సమాచార వ్యవస్థ అంతా ఉలుకు పలుకు లేకుండా పోతే ఎలా ? .. 2013 లో భారీ సౌర జ్వాల మూలంగా భూమయస్కాంత తుఫాను అల్లకల్లోలం చేయబోతోందా ? అగ్ని పర్వతాల పగుళ్లతో వినాశకరమా ? భూతాపంతో ప్రపంచ విద్వంసమా ? ఇవన్ని మన ముందు వున్న ప్రశ్నలు.

ఇక జ్యోతిశ్శాస్త్రరీత్యా పరిశీలిస్తే రాబోయే 2013 లో శ్రీ విజయ నామ సంవత్సర చైత్ర మాసం 11 ఏప్రిల్ 2013 న ఉగాది తో ప్రారంభం కానుంది. ఈ చైత్రమాసంలో పూర్ణిమకు పాక్షిక సూర్య గ్రహణము, అమావాస్యకు కంకణ సూర్యగ్రహణము సంభవించనుంది. ఇందులో మొదటగా ఏప్రిల్ 25 పూర్ణిమ రోజున రాత్రి భారత కాలమానం ప్రకారం ఒంటి గంట ఇరవై నాలుగు నిమిషాలకు చంద్ర గ్రహణం ప్రారంభమై, కేవలం ఇరవై ఏడు నిమిషాలతో ఒంటి గంట యాబై ఒక్క నిమిషాలకు పాక్షిక గ్రహణంగా ముగియనుంది. తిరిగి మే 10 చైత్ర అమావాశ్య శుక్రవారం నాడు ఆరు నిమిషాల మూడు సెకన్లపాటు స్థిరంగా వుండే కంకణ సూర్యగ్రహణం ఏర్పడనుంది.

ఈ రెండు గ్రహణాల మధ్యలో 29 ఏప్రిల్ 2013 విజయ నామ సంవత్సర చైత్ర బహుళ చవితి సోమవారం నాడు కేతు గ్రహ నక్షత్రమైన మూల నుంచి 10 మే 2013 విజయ నామ సంవత్సర చైత్ర అమావాశ్య బహుళ దశమి శనివారం రాహు గ్రహ నక్షత్రమైన శతభిషం వరకు ఆరు రోజులపాటు మేష రాశిలో సూర్యుడు ఉచ్చ స్థానంలో ఉంటూ.. అదే రాశిలో మరో నాలుగు గ్రహాలతో పంచ గ్రహ కూటమి ఏర్పడటం, ఈ గ్రహ కూటమికి ఖచ్చిత ఎదురు స్థానంలో ఉచ్చ స్థితితో తులారాశిలో శని గ్రహం రాహువుతో కలసి ఉండుట ఓ ప్రపంచారిష్టం.

రాహుగ్రస్త చంద్ర గ్రహణము ఉచ్చ శనితో వుండి..... కేతు గ్రస్త కంకణ గ్రహణం ఉచ్చ సూర్యునికి సంభవించటం... కేతు నక్షత్రమైన మూల నుంచి రాహు నక్షత్రమైన శతభిషం వరకు పంచ గ్రహ కూటమి రెండు గ్రహణాల మధ్య ఏర్పడటం, ఉచ్చ శని దృష్టి , ఉచ్చ స్థానంలో వున్న సూర్యునిపై స్వక్షేత్ర గ్రహమైన కుజునిపై ఉండటము .... పరస్పర తీక్షణ వీక్షనలతో గ్రహ స్థితులు ఉండటము ఒక అరిష్టాన్ని తెలియజేస్తున్నాయి.

పై గ్రహ స్థితులు జరగటానికి ముందున్న గ్రహ విశ్లేషణలు, 2013 సెప్టెంబర్ లో వున్న విశేష గ్రహ స్థితులతో ఫలితాలు ఎలా ఉంటాయో... గ్రహభూమి బ్లాగ్లో వేచి చూడండి.

వరుసగా కూలుతున్న ధ్వజ స్తంభాలు అరిష్టానికి సంకేతాలా ?

2010-06-09T09:46:00.000-07:00

మే ఇరవై ఆరవ తేదీన శ్రీ కాళహస్తి గాలి గోపురం కూలిపోవటం తదుపరి ఆంద్ర రాష్ట్రానికి అరిష్టాలుగా ధ్వజ స్తంభాలు శివాలయాలలో నేలకొరిగిపోతున్నాయి. లయకారకుడైన ముక్కంటికి కోపం వచ్చిందా ? ఆంద్ర రాష్ట్రానికి రాబోయే రోజులలో సమస్యలు ఎదురుకానున్నాయా? కేవలం శివాలయాలలోనే ధ్వజాలు ఎందుకు పడిపోతున్నాయి ? గుంటూరు జిల్లా ఎడ్లపాడు గ్రామంలో శివాలయంలోని నంది స్పష్టంగా కంట తడిపెట్టడం రెండు రోజుల క్రితం మీడియాలో విసువల్స్ చూసిన వారికి బాగా తెలిసి వుంటుంది.

జూన్ మూడవ తేది వరంగల్ జ్కిల్లాలో ఓ ధ్వజ స్థంభం ఒరిగిపోవటం, ఆపై రెండు రోజుల్లకు విశాఖ జిల్లాలో మరో ధ్వజం పడిపోవటం, ఈరోజు ఏకంగా మూడు ధ్వజాలు నేలకొరగటం జరిగింది. ఆశ్చర్యమేమిటంటే ప్రకాశం జిల్లాలో ఈరోజే ప్రతిష్ట చేస్తున్న ఓ రాతి ధ్వజ స్థంభం అనుకోకుండానే రెండు ముక్కలు కావటం ప్రజల మనసులను కలవర పెడుతున్నాయి. మే ఇరవై ఆరు నుంచి పదిహేను రోజుల వ్యవధిలో ఇలా ధ్వజాలు పడిపోవటం ఆంద్ర రాష్ట్రానికి మహా అరిష్టమనేది మరో రకంగా చెప్పనవసరం లేదు.

మే తొమ్మిది 2010 పూర్వాభాద్ర అనే గురు నక్షత్రంతో మొదలై మే ఇరవై ఆరు విశాఖ అనే గురు నక్షత్రం వరకు మీనం అనే జల రాశి నుంచి కర్కాటకం అనే జల రాశి వరకు అయిదు రాశులలో అయుదు గ్రహాలూ వుండి, డిగ్రీలలో చూసినప్పుడు కుజును యొక్క ఆచ్చాదన గురువుపై వుండటం ఓ అరిష్టమనే సంగతి భక్తి టీవీలో ఇరవై అయుదు రోజుల క్రితమే చెప్పటం జరిగినది. ఇకపై రాబోయే రోజులలో ఎలాంటి విపత్తులు రాకుండా ప్రజలందరూ శుభిక్షంగా ఉండటానికి, లయకారకుడైన శుభంకరుడైన ఆ శంభోశంకరుడిని ఆనంద తాండవ మొనర్చే విధంగా ఉండాలంటే ఆంద్ర ప్రదేశ్ రాష్ట్ర దేవదాయ ధర్మదాయ శాఖవారు శివాలయాలలో జరిగే స్వామివారికి అపచారాలు జరగకుండా ఉపచారాలు జరిగేవిధంగా తక్షణ చర్యలు చేపట్టాల్సిన అవసరం ఉంది. లేనిచో ఈ అరిష్టాలు పెరిగి మొదటికే మోసం రాగలదు. తస్మాత్ జాగ్రత్త

భద్రాద్రి రాముడు జల సమాధి కానున్నాడా ?

2010-06-07T01:54:00.000-07:00

ఆంద్ర రాష్ట్రంలో భద్రాచలంలో నాలుగు శతాబ్దాల క్రితం రామదాసుచే నిర్మితమైన సీతారామ స్వామి ఆలయం భారతదేశంలోనే గుర్తుంపుపొంది చరిత్ర ప్రసిద్ధినొందింది. భద్రాచల చరిత్ర భవిష్య కాలంలో కాల గర్భంలో కలిసే అవకాశాలు అత్యధికంగా వున్నాయి. గోదావరి నదిపై నిర్మితమయ్యే పోలవరం ప్రాజెక్ట్ నిర్మాణం పూర్తి చేసుకుంటే భద్రాచల రామాలయం పూర్తిగా జల సమాధి కానున్నది. రాబోయే రోజులలో చైత్ర మాసంలో సీతారామ కళ్యాణాలు ఇక జరగవేమో అనే భయం అందరియందు ఉత్పన్నమవుతున్నది. ఖమ్మం జిల్లాలో మూడు వందల గ్రామాలు నీటి ముంపునకు గురికాబోతున్నాయి. లక్ష మంది ప్రజలు నిర్వాసితులు కాబోతున్నారు.

ప్రభుత్వం తరఫున ప్రాజెక్ట్ కి సంబంధించిన నిపుణులు ఇచ్చిన నివేదికల ప్రకారం, భద్రాచల రామాలయం పూర్తిగా జల సమాధి కాబోతున్నది అనే వార్త విని ప్రజలేవరూ జీర్ణించుకోలేకపోతున్నారు. మరి ఈ పోలవరం ప్రాజెక్ట్ అవసరమా, బద్రాద్రి రామాలయం ముఖ్యమా అనే చర్చలు దేశ వ్యాప్తంగా జరుగుతున్నాయి. పోలవరం ప్రాజెక్ట్ వలన ఆంద్రప్రదేశ్లో నాలుగు జిల్లాలకు పూర్తిగా మంచి నీటి సౌకర్యం ఏర్పడటమే కాకుండా, ఏడు లక్షల ఎకరాలకు నీరు అందనుంది. మరి బద్రాద్రి రాముడు ముంపునకు గురి కాకుండా వుంటే... నాలుగు జిల్లాలకు నీటి సౌకర్యంతో పాటు ఏడు లక్షల ఎకరాలకు.. ఆయన కరుణతో నీరు అందించాగలడా అని వితండ వాదం చేసే వారు కూడా వున్నారు.

ఇంతకీ బద్రాద్రి రామాలయానికి ఈ ముప్పు తప్పుతుందా ? ఎంతో మంది న్యాయవాదులు సర్వోన్నుత న్యాయస్థానానికి వెళ్లి భద్రాద్రి రామున్ని ముంచుకోస్తోన్న ముప్పు నుంచి తప్పించాలని ప్రయత్నాలు చేస్తున్నారు.... వేచి చూడాలి మరి... ధర్మ ప్రభువుగా వున్న బద్రాచల రామునికి 1999 నుంచి అధర్మంగా వివాదంతో కళ్యాణాలు చేయటం మొదలుపెట్టారు ఆలయ అధికారులు మరియు పండితులు. ఈ విధమైన కళ్యాణాలే 26 మార్చ్ 1999 న మొదటిసారి, రెండవసారి 13.4.2000 న, మూడవసారి 4.4.2009 న ధర్మ శాస్త్రాలకు వ్యతిరేకంగా స్వామివారికి అధర్మంగా జరిగాయి. ఇప్పటికైనా కొంతమంది పీటాదిపతులు, ఆలయ అర్చకులు ఉన్నతాధికారులు మేల్కొనాలి.

*గమనిక : బద్రాచలంలో పాంచరాత్ర ఆగమ పండితుల నిర్వాకమే, ఆ స్వామి అరిష్టానికి హేతువు అవుతున్నది. ఈ విషయంలో పూర్తి నగ్న సత్యాలతో తదుపరి పోస్టింగ్ లో చుడండి.

శ్రీ కాళహస్తి మహారిష్టానికి మహా శాంతి

2010-06-06T09:14:00.000-07:00

శ్రీకాళహస్తి కి వందల ఏళ్ళ పాటు చిహ్నంగా అలరారిన గాలి గోపురం 2010 26 మే రాత్రి 7గంటల 50నిమిషాలకు శిధిల రాశిగా మారింది. ప్రపంచ వ్యాప్తంగా భక్తులను కలచి వేస్తోంది. ఆలయ అధికారుల నిర్లక్ష్యం లేదంటూ దేవదయ ధర్మదయ శాఖా మంత్రి గాదె వెంకట రెడ్డి తన అసమర్ధత చాటుకొన్నారు.
గాలి గోపురం క్రింద దాదాపు 270కోతులు, మరో ఇద్దరు మృతి చెందినట్లు ధ్రువీకరించారు. ఓ చిన్న కోతి పిల్ల మాత్రం బతికి బయట పడగలిగింది. గాలి గోపురం కూలడం ఒక అరిష్టానికి ఓ అంచనా. దాని క్రింద కోతులు మృతి చెందటం మరో అరిష్టం. కోతుల మృత కళేబరాలు, మానవ మృతదేహాలు శిధిలాల క్రింద వుండగా, గర్భాలయంలో స్వామి వారికి పూజలు చేయటం మహా అరిష్టం. దీనిపై ప్రభుత్వం గానీ, ఆలయ పాలక మండలి గానీ పెదవి విప్పకపోవడం శోచనీయం.
2009 సంవత్సరం జూన్ 22న ముక్కంటి ఈశ్వరుడు ముందే జాగ్రత్త పడుతున్నాడా ? అనే పోస్టింగ్ లో శ్రీ కాలహస్తీశ్వరునికి అర్ధాష్టమ శని ప్రారంభమైనదని, 2009 జూలై 20న గ్రహణం రోజున దైవ దర్శనమా ? అనే ఆశక్తికరమైన విషయాలు గ్రహభూమి బ్లాగులో వుంచటం జరిగింది.
వాయులింగేశ్వరుడిగా ప్రసిద్ధికెక్కిన శ్రీ కాళహస్తి రాజగోపురం క్రింద వాయు పుత్ర అంశకు చెందిన వానరాలు మృతి చెందడం మహా తప్పిదం. ఈశ్వరుని వీర్యాన్ని వాయుదేవుడు అంజనీదేవి గర్భంలో ఉంచినందున, జననమే వాయుపుత్రుడైన ఆంజనేయ స్వామి. పరోక్షంగా ఈశ్వర పుత్రుడే ఆంజనేయ స్వామి. వాయులింగేశ్వరుడికి ఈ క్షేత్రంలో మహా అరిష్టం ఏర్పడినందుకు, దీనికి ప్రపంచ వ్యాప్తంగా ప్రజలందరూ మహా శాంతి జరపవలసి వుంది. శ్రీ కాళహస్తికి వెళ్ళిన భక్తులందరికీ అక్కడ స్వామిని ఈశ్వరుడిగా భావించరు. రాహు కేతువులుగా దర్శించుకుంటున్నారు. దీనికి ప్రధాన కారణం గత 2దశాభ్దాలుగా దేవస్థాన ఆదాయం కోసం రాహు కేతువుల పూజలు చేయటం, ఇవి కూడా తప్పుల తడికగా చేస్తున్నందున స్వామి వారికి ఈ పూజలు మహా అరిష్టాన్ని తెచ్చిపెడుతున్నాయి.
2010 జూన్ 7 సోమవారం హనుమజ్జయంతి పర్వదినం. అలాగే జూన్ 13వ తేది ఆదివారం ఆరుద్ర నక్షత్రం వచ్చింది. ఆరుద్ర శివుని జన్మనక్షత్రం అందుకే 7వ తేది సోమవారం హనుమజ్జయంతి నుంచి 13వ తేది ఆరుద్ర నక్షత్రం ఆదివారం వరకు ప్రతిరోజు రాహు కాల సమయంలో భక్తులందరూ భక్తి ప్రపత్తులతో హనుమాన్ చాలీసా పారాయణం చేయండి. ప్రపంచ వ్యాప్తంగా రాహుకాల సమయాలు మారుతూ వుంటాయి.
ఇంతకీ ఏ సమయంలో రాహుకాలం పాటించాలి అంటే..... సూర్యుడు 6గంటలకు ఉదయించి సాయంత్రం 6గంటలకు అస్తమిస్తే, దినప్రమానం 12గంటలు వుంటుంది. దీనిని 8 సమభాగాలు చేయగా, ఒక్కో భాగమునకు ఒకటిన్నర గంట వచ్చును. ఈ 8 సమభాగాలలో మొదటి గంటన్నర భాగాన్ని ఏ వారమునకు కేటాయించలేదు. రెండవ భాగాన్ని సోమవారానికి, మూడవదాన్ని శనివారానికి, నాల్గవదాన్ని శుక్రవారానికి, అయిదవ భాగాన్ని బుధవారానికి, ఆరవదాన్ని గురువారానికి, ఏడవభాగాన్ని మంగళవారానికి, ఎనిమిదవ భాగాన్ని ఆదివారానికి కేటాయించటమైనది. ఇది సూర్యోదయ, సూర్యాస్తమయములు ఉదయం 6గంటలు సాయంత్రం 6గంటలు అయినచో రాహుకాలం ఏ విధంగా వుంటుంది అనే చెప్పే ఓ ఉదాహరణ మాత్రమే.
పై ఉదాహరణ ప్రకారం 7వ తేది సోమవారం నుంచి 13వ తేది ఆదివారం వరకు ప్రతిరోజూ రాహుకాల సమయాలను గణించుకొని.... భక్తులు వ్యక్తిగతంగా గాని సామూహికంగా గాని హనుమాన్ చాలీసా పారాయణ చేసి, శ్రీ కాళహస్తి మహా పుణ్య క్షేత్రానికి ఆపాదింపబడిన మహా అరిష్టానికి తగ్గ మహా శాంతి పారాయణ క్రతువులో పరోక్షంగా పాల్గొని స్వామివారి కృపకు పాత్రులు కాగలరని విశ్వసిస్తున్నాను..... శ్రీనివాస గార్గేయ.

శ్రీ వికృతి నామ సంవత్సర లఘు ఫలితాలు - 2

2010-03-19T09:13:00.000-07:00

ఆహారధాన్యాల దిగుబడులలో క్రమబద్దీకరణ ఉందును. సాఫ్ట్వేర్ రంగానికి స్వల్పంగా ఆశలు చిగురించును. శాహిత్య, విద్య, వైద్య, సినీ రంగాలు ప్రాధాన్యతను సంతరించుకున్నప్పటికీ, ప్రజలు మరువలేని బాధలు సినిమా రంగంలో ఏర్పడు సూచనుంది. వేద, పురాణ, ఉపనిషత్తులకు చక్కని ప్రాధాన్యత కలగే రీతిలో పరిస్థితులు ఉపకరించును.

6 జూన్ ఆదివారం నుంచి 13 ఆదివారం లోపల తొలకరికి అవకాశములేర్పడును. తొలకరి ప్రారంభమైనప్పటికీ నైరుతి ఋతుపవనాలు ప్రజలకు ఆలస్యంగానే పూర్తి ఆశలు చిగురించును.

ఉత్తర భారతంలో వర్షములధికమై నదులు పొంగి ప్రవహించును. మన రాష్ట్రంలో కరువు రాజ్యమేలుతుండును. ఆంధ్రప్రదేశ్లో రైతాంగం తుఫాను కోసం పరితపించే రీతిలో పరిస్థితులు ఉంటాయంటే అతిశయోక్తి కాదు. వికృతి లో ఋతుధర్మానికి వ్యతిరేకంగా వర్షములున్నందున పంటలు ఆలశ్యంగా ఇంటికి చేరును. మినుములు, నువ్వులు, పెసలు పుష్కలంగా పండును. మిరప ఆటుపోట్లకు గురికాగలదు. దక్షిణాయనంలో యందు మిర్చికి అధిక ధరలుండును.

జూలై, ఆగష్టు నెలలలో అధిక ధరలకు కొంత కళ్ళెం పడును. మత్తు పానీయాల తయారీలోనూ, బెల్లం పరిశ్రమపైననూ నిబంధనలు విధించు అవకాశాములున్నవి. టోకు వర్తకులు ప్రజల నుంచి ధాన్యాలను కొనుగోలు చేసి స్వార్ధచిత్తంతో నిల్వవుంచి తద్వారా అధిక రేట్లతో వినియోగదారులను పలు సమస్యలకు గురిచేయుదురు. శుభకార్యాల పరంపరలో బంగారు వినియోగం తగ్గుముఖం చెందును. బంగారు బిస్కెట్ల కుంభకోణం ఆలశ్యంగా వెలుగు చూసే అవకాశముంది. కాస్మోటిక్స్ వ్యాపారాలత్ ప్రజలు మోసపోవుదురు. స్టాక్ మార్కెట్ అనేకమార్లు మదుపరులను నష్టాలబాటలో పయనింపజేయును. నేర ప్రపంచంతో ప్రజలందరూ భీతిల్లుతుందురు.

ఏప్రిల్ 14 నుంచే ఏర్పడే కుంభమేళా పవిత్రామావాస్యపై ఉగ్రవాదుల దుష్టచర్యలు లేకుండా కట్టుదిట్టమైన భద్రతా ఏర్పాట్లు ప్రభుత్వాలు చేయాల్సి ఉండటమేకాక, ఆరోగ్య సంబంధమైన జాగ్రత్తలతో ప్రజల రక్షణకు బాసటగా నిలవాల్సిన అవసరం వుంది. 2010 లో రాజధాని ఢిల్లీలో కామన్వెల్త్ క్రీడలకు వచ్చే క్రీడాకారులతో సమస్యలు రాగల అవకాశం వుంది. ప్రభుత్వం ముందు చూపుగా చర్యలు గైకోనేది. లేనిచో సమస్య జటిలమగును.

భారత్, పాక్ సరిహద్దులలో స్వల్పంగా కాల్పులు ఉందునేగానీ యుద్ధం రాదు. అయిననూ పాకిస్తాన్ నుంచి ఘర్షణ ఎక్కువగా ఉండును. బంగ్లాదేశ్, ఇరాన్, ఇరాక్,భారత్లలో కారుబామ్బులు అధికమగును. అమెరికా, బ్రిటన్ దేశాలపై రసాయన ఆయుధాలతో సరిక్రొత్త పోకడలతో గురిపెట్టు సూచన వుంది. పాలస్తీనాలో శాంతి మార్గం కరువగును. చైనాకు చెందినా ఓ మత ధర్మాచార్యుని పెత్తనం శ్రుతిమించుతుంది. భారత్ చైనాల మధ్య ఈ ధర్మాచార్యుతో వివాదాలు వచ్చి నష్టంవాటిల్లే సూచనుంది. నేపాల్లో మావోయిష్టు మారణకాండ శ్రుతిమించును.

శ్రీ విరోధిలో దక్షిణాయనం ప్రారంభమైన 7 వరోజునే సంపూర్ణ సూర్యగ్రహణం గోచరించగా, శ్రీ విక్రుతిలో ఆదివారం అమావాస్య సంపూర్ణ సూర్యగ్రహణం జరిగిన 7 వరోజునే దక్షిణాయనం ప్రారంభమవుతున్నది. విక్రుతిలో 2 సార్లు, ఒకే చాంద్రమాన మాసంలో పూర్ణిమ,అమావాస్యకు సంపూర్ణ సూర్యగ్రహణం - మార్గాశిరంలో పూర్ణిమకు సంపూర్ణ చంద్రగ్రహణం, అమావాస్యకు పాక్షిక సూర్యగ్రహణం జరగనున్నవి. ఈ నాల్గు గ్రహణాలు దనూ, మిధున రాశులలో సంభవించనున్నవి. మార్గాశిరంలో సంభవించనున్న పూర్ణిమ, అమావాస్య గ్రహణాలు రెండూనూ మంగళవారాలే వస్తూ, రెండూ గ్రహణాల మధ్యన ధనుస్సు రాశిలో కుజ, రాహువుల కలయిక జరుగుచూ, కన్యారాశి నుంచి ధనస్సువరకు 4 రాశులలో సప్తగ్రహ ఆచ్చాదన ఉండటంచే ప్రపంచ వ్యాప్తంగా ప్రకృతి వైపరీత్యాలకు హేతువగుచున్నది.

జూన్ 5 శనివారం నుంచి 12 శనివారం వరకు, జూన్ 22 మంగళవారం నుంచి 29 మంగళవారం వరకు, జూలై 6 మంగలవ్చారం నుంచి 13 మంగళవారం వరకు ప్రకృతి వైపరిత్యములు జరుగు అవకాశాములున్నవి. సముద్ర సంబంధ కంపనములు అధికముగా ఉండును. సముద్ర కెరటములు విపరీతముగా ఎగిసిపడే సూచనున్నందున, జాలర్లు, విహార యాత్రికులు సముద్ర చెంతకు వెళ్ళవద్దని సలహా ఇవ్వటమైనది.

27 జూలై 2010 మంగళవారం నుంచి 3 ఆగస్టు మంగళవారం వరకు 8 రోజులు ప్రపంచ ప్రజలు అప్రమత్తులై వుండాలి. వైమానిక సంబంధంగా, రాజకీయ సంబంధంగా, ప్రకృతి వైపరీత్యా సంబంధంగా, ఉగ్రవాద సంబంధంగా, సమస్య ఏదైననూ ప్రభుత్వాలు కట్టుదిట్టమైన ఏర్పాట్లలో ఉండాల్సిన అవసరముందని తెలియజేస్తున్నాను.

2010 నవంబర్ 10 నుంచి 20 వరకు పలుచోట్ల ప్రేలుడు పదార్ధాలను విస్పోటనాలకు ఉపయోగించగా, ప్రేలకుండా ఉన్నవాటిని కనుగొను సూచన. 2010 డిశెంబర్ 16 గురువారం నుంచి 23గురువారం వరకు ధనస్సులో రవి, బుధ, రాహు, కుజులు చాతుర్గః కూతమిచే తూర్పు ఆశియా, ఫసిఫిక్, యూరప్ మరియు భారత్ కు ఈశాన్య ప్రాంతాలలో భూ మరియు సముద్ర కంపనముల తీవ్రత వున్నది. 2010 జనవరి 3,4,5 తేదీలలో ధనస్సులో రాహు, కుజ, బుధ, చంద్రుల చాతుర్గ్రహ కూతమిచే ప్రకృతి వైపరిత్యములకు తావు కలదు. ప్రజలు భయపడవలసిన అవసరం లేదు.

నవమేఘ నిర్ణయానుసారం పుష్కర నామమేఘం మేరు పర్వతమునకు ఈశాన్య భాగంలో ఉద్భవించుటచే, ఈ సంవత్సరంలో 2 భాగములు వర్షము, 4 భాగములు గాలి ఉండును. సముద్రములపై 10 భాగముల వర్షము, పర్వతములపై 7 భాగముల వర్షము, భూమిపై కేవలం 2 భాగములే వర్షించును. అందుచేత ఆంధ్రరాష్టంలోని ప్రతి గ్రామ శివాలయాలలో ధూప, దీప, నైవేద్య, కర్పూర హారతులను, సక్రమముగా చేయులాగున ప్రతి ఒక్కరూ పాటుపడేది. అంతేకాక పుష్యమి, ఆశ్లేష, ఉత్తరాషాడ, శ్రవణం, ధనిష్ఠ, ఉత్తరాభాద్ర, రేవతి నక్షత్రములు పూర్తిగా వున్న సమయములలోనే వరుణ సంబంధ జపములుగానీ, యాగములుగానీ చేయులాగున ప్రయత్నించేది. భూమిపై 2 భాగములే వర్షమున్నదని పంచాంగాలలో వుంటే వరుణయాగాలు చేస్తే వర్షం పెరుగుతుందా? అనే ఆలోచనలో ఎంతోమంది ఉండవచ్చు. ఆ 2 భాగాల వర్షమే... స్వల్ప, స్వల్పంగా సంవత్సరమంతా వర్షించకుండా... అన్నదాతకు అవసరమైన సమయంలోనే వర్షిస్తే .... చాలు. ఇందుకోసమే ఋతుధర్మానుసారం వర్షించాలనే విశ్వాసంతో వరుణ సంబంధ జపాలు, యాగాలను దక్షిణ సంబంధ ఫలాపేక్ష లేకుండా చేసేది.

ప్రజలందరూ యజ్ఞయాగాది శాంతి క్రతువులు ఆచరిస్తూ, ఎనలేని సంయనంతో, ఓర్పుతో, మానవతాదృష్టితో ఉండాలని భగవంతుని కోరుకుంటూ.. సర్వేజనా సుఖినోభవంతు సమస్త సన్మంగళాని భవంతు ... శ్రీనివాస గార్గేయ

శ్రీ వికృతి నామ సంవత్సర లఘు ఫలితాలు

2010-03-16T06:14:00.000-07:00

శ్వేతవరాహకల్పము నందలి ఏడవదైన వైవస్వత మన్వంతరము నందలి 28వ మహా యుగములోని కలియుగ ప్రధమ పాదములో 5111 వది, ప్రభవాది 60 సంవత్సరములలో 24 దైన, ఈ సంవత్సరమునకు చాంద్రమానముచే " శ్రీ వికృతి " నామ సంవత్సరమని పేరు. త్వష్ట్ర ( విశ్వకర్మ ) దేవతాధీన పంచయుగాంతర్గత, ' ప్రజాపతి' దేవతాధీన 'అనువత్సర'మను నాల్గవదే శ్రీ వికృతి .

శ్లో : వికృతౌ ప్రకృతిర్యాతి వికృతిం వికృతి స్తథా
తథాపిమోదతేలోక శ్చాస్మి వికృతివత్సరే

శ్రీ వికృతి సంవత్సరంలో ప్రకృతి వికృతి అగును. వికృతి ప్రకృతి అగును. అయిననూ ప్రజలు సంతోషంతో వుండురని భావము. ఋతుధర్మాలకు వ్యతిరేకంగా స్థితిగతులు ఉండగలవని యోచించాలి. శ్రీ వికృతి సంవత్సరంలో రాజ్యాధిపత్యము, సేనాధిపత్యము, అర్ఘాదిపత్యము, మేఘాదిపత్యమను నాలుగు ఆదిపత్యములు కుజ గ్రహానికి రాగా, మంత్రిత్వము బుధ గ్రహానికి, దాన్యాదిపత్యము గురు గ్రహానికి, సస్య, నీరసాదిపత్యములు శుక్ర గ్రహానికి, రాసాదిపత్యము సూర్యునికి వచ్చి ఈ ఖగోళ రాజ్యాన్ని పాలించుటకు సంవత్సరాది నుండి కుజ, బుధ, గురు, శుక్ర, రావులు సంసిద్ధులగుచున్నారు. శని గ్రహం మరియు చంద్రులకు ఏఒక్క ఆధిపత్యము లభించలేదు.

గ్రహస్థితులను పరిశీలించగా అధిక వైశాఖ మాసముతో 384రోజులు జరిగే శ్రీ వికృతి సంవత్సరానికి రాజు కుజుడు. సంవత్సర ప్రారంభంలోనే నీచ సంచారంతో 72రోజులు, కార్తిక మాసం నుంచి అస్తమయ స్థితిలో 132రోజులు, కన్యా రాశిలో శత్రుగ్రహ శనితో సంఘర్షణ 43 రోజులు పోగా,రాజైన కుజునకు వికృతి సంవత్సర పరిపాలనకు అర్హత కలిగిన రోజులు కేవలం 137మాత్రమె. గణాంకాలు ఇలా వుంటే రాజ్యాదిపత్యం కైవసం చేసుకొన్న రోజు నుంచే శత్రుగ్రహ నక్షత్రమైన పుష్యమిలో కుజుడు ఉండి, సంవత్సరాంతంలో కూడా శత్రుగ్రహ నక్షత్రమైన ఉత్తరాభాద్రలో సంచారం చేయటం గమనార్హం.శత్రు నక్షత్రంలో నీచ స్థితిలో పదవిని అలంకరించి, మధ్యలో శత్రువుతోనే పోరాడి, అధిక కాలం అస్తమయదశలో శత్రు నక్షత్రంతోనే సంవత్సరం ముగియటం అనేది అరుదుగా జరిగే గ్రహస్థితి.

వికృతి సంవత్సర రాజు కుజుని పరిపాలనచే రాష్ట్రాల నడుమ, దేశాల నడుమ విరోధాలు అధికమగును. వింత రోగాలు ప్రబలి, అగ్నిభయములుండి, వ్యవసాయ రంగం తిరోగామనములో ఉంటూ ఉగ్రవాద చర్యలు మితిమీరుతూ అధిక ప్రాంతాలలో అనావృష్టి రాజ్యమేలుతూ, ఋతుధర్మ మార్పులతో ప్రజలకు అసౌకర్యముంటూ ప్రజలు భయపడే అవకాశం వుంది.

నిజ నేరస్తులు రాజాలుగా పల్లకిలో ఊరేగుదురు. హోంశాఖ ఉన్నతాధికారులు తమ వైఫల్యాలను కప్పిపుచ్చుకునే ప్రయత్నాలు చేయుదురు. దేశ వ్యాప్త సచివాలయాలలో అవినీతిమయముతో లొసుగులు ఏర్పడి పాలకుల గుట్టురట్టగును. ప్రజల అవసరాలను ప్రభుత్వ దృష్టికి తీసుకెళ్ళి సమన్వయపాత్ర పోషించే ప్రసార మాద్యమాలపై దాడులు జరిగే అవకాసం కలదు. ప్రభత్వ ప్రజాకర్షక పధకాలు సక్రమంగా ప్రజలకు అందనందున సరిక్రొత్త ప్రభువుల కొరకు ప్రజలందరూ వెంపర్లాడుతుండురు.

పాలకులు దైర్య సాహసాలతో పరిపాలన పరమైన నిర్ణయాలను తీసుకోనలేరు. రాజకీయ అస్తిరతలు యేర్పడును. పరిపాలనలో బుద్ధిబలమును ఉపయోగించిననూ శత్రువులను పాలకులు ఎడుర్కొనలేరు. దేశ వ్యాప్త రాజకీయాలలో స్త్రీలకు ఉగ్రవాదుల నుంచి ముప్పు వాటిల్లే అవకాశము వున్నది. భారీ వ్యాపార రంగములు అనుకోకుండా ఆటుపోటులను ఎదుర్కొనటంతో, దాని ప్రభావంతో కొన్ని రాష్ట్రాల భవితవ్యం బీటలువారును.

తరువాయి భాగం మరు పోస్టింగ్ లో

గురు కుజుల రెండవ షష్టాష్టక ప్రభావము

2010-01-11T04:22:00.000-08:00

షష్టాష్టక చతుష్టయములో రెండవ షష్టాష్టకం గురుగ్రహము కుజగ్రహము మధ్య ఏర్పడినది. ఈ రెండు గ్రహాలూ -5 అక్టోబర్ 2009 నుంచి 20 డిశంబర్ 2009 వరకు, వాటి వాటి నీచ స్థానాల నుంచి ఎదురెదురు వీక్షణలు కల్గి వున్నాయి. ఇలా ఎదురెదురు వీక్షనలనే సమసప్తక స్థితి అంటారు. ప్రస్తుతం ఈ సమసప్తక స్థితి షష్టాష్టకస్థితి కానున్నది.

మేష వృశ్చిక రాశులకు, చిత్త, ధనిష్ఠ, మృగశిర నక్షత్రాల అధిపతి కుజుడు 2009 అక్టోబర్ 5 న తన నీచ స్థానమైన కర్కాటక రాశిలోనికి ప్రవేశించటం జరుగుతుంది. అలాగే ధనూ మీనా రాశులకు , పునర్వషు, విశాఖ, పూర్వాభాద్ర నక్షత్రాలకు అధిపతి గురువు 20 డిశంబర్ 2009 న కుంభ రాశిలోనికి ప్రవేశం జరుగుతుంది.

ఈ రెండవ షష్టాష్టకం కుజ గురుల మధ్య 156 రోజుల పాటు కొనసాగుచున్నది. ఈ 156 రోజులలో జంట గ్రహణాలు ఆయాస్థానాలకు వ్యయ ( 12 ) స్థానంలో రావటం విశేషం. డిశంబర్ 20 నుంచి షష్టాష్టకం ప్రారంభం కాగానే, డిశంబర్ 22 నుంచి మార్చి 9 వరకు వక్ర స్థితిలో కుజుడు ఉండటము, వక్ర ప్రారంభపు రోజు, వక్ర త్యాగమైన రోజు, రెండు కూడా మంగళవారాలే రావటము గమనించతగిన అంశము.

ఈ కుజ గురు షష్టాష్టక ప్రభావము మృగశిర, చిత్త, ధనిష్ఠ, పునర్వషు, విశాఖ, పూర్వాభాద్ర నక్షత్ర జాతకులపైననూ, ప్రస్తుతం కుజ మహర్దశ, గురు మహర్దశ జరిగే జాతకులపై ప్రభావం పరోక్షంగా ఉండుటకు అవకాశం వున్నది.

మృగశిర 1,2 పాదాల వృషభ రాశి జాతకులు సోదర సోదరి విషయాలపై శ్రద్ధ తీసుకోవాలి. భూ సంబంధ లావాదేవీలలో జాగ్రత్తలు వుండాలి. నిత్యం వున్న దినచర్యలో జాగ్రత్తగా మార్పులు చేసుకుంటూ వుండాలి. తొందరపాటు నిర్ణయాలు వద్దు.

మృగశిర 3,4 పాదాలు, పునర్వశు 1,2,3 పాదాల మిధున రాశి జాతకులు ఆర్ధిక లావాదేవీలు, కళత్ర విషయాలపై దృష్టి ఎక్కువగా ఉంచాలి. నేత్ర సంబంధ రుగ్మతలకు వకాశామున్నది. ఎదుటి వారితో సంభాషించే ముందు సంయమనం పాటించాలి. దుర్భాష మాట్లాడుట తగ్గించుకోవాలి. పితృ సంబంధ విషయాలపై ఆలోచనలను అధికం చేయండి.

పునర్వసు నక్షత్ర 4 వ పాద కర్కాటక రాశి జాతకులు వ్యక్తిగత విషయాలపై తొందరపడి నిర్ణయాలు తీసుకోనవద్దు. మీ వ్యక్తిగత విషయాలపై ఇతరులతో చర్చించవద్దు. ప్రాణ భయం వెంటాడే అవకాశం ఉండును. దిగులు చెందవద్దు.

చిత్త నక్షత్ర 1,2 పాదాల కన్యారాశి జాతకులు రుణ విషయాలలో ఆలోచనలకు పదును పెట్టాలి. శత్రు భయం పెరిగే అవకాశం వుంది. కొన్ని రుగ్మతలచే అనారోగ్య వ్యాప్తి నొందవచ్చు. దాచుకున్న డబ్బుకు గండం కలిగే అవకాశముంది. లాభ సంబంధ లావాదేవీలు నష్టాల బాటన నడిచే అవకాశముంది.

చిత్తా నక్షత్ర 3,4 పాదాలు, విశాఖ 1,2,3 పాదాల తులా రాశి జాతకులు సంతాన విషయాలలో ఆలోచనలను కట్టుదిట్టం చేయాలి. దినచర్యలో మార్పులను గమనించాలి. వ్యత్రేకంగా వుండే పరిస్థితులలో నిర్ణయాలు తీసుకోనవద్దు. విశాఖ నక్షత్ర 4 వ పాద వృశ్చిక రాశి జాతకులు వృత్తి, ఉద్యోగ, వ్యాపార, వాహన, ఆరోగ్య విషయాలలో అధిక జాగ్రత్తలు తీసుకుంటూ, లాభ సంబంధ లావాదేవీలపై ఓ దృష్టి ఉంచుతూ మాతృమూర్తి విషయాన్ని కూడా ఆలోచిస్తూ శ్రద్ధ తీసుకోనాలి.పితృ నిర్ణయాలలో తొందరపాటు వద్దు.

ధనిష్టా నక్షత్ర 1,2 పాదాల మకర రాశి జాతకులకు ఆర్ధిక లావాదేవీలు, కళత్ర విషయాలపై దృష్టి ఎక్కువగా ఉంచాలి. నేత్ర సంబంధ రుగ్మతలకు అవకాశమున్నది. ఎదుటివారితో సంభాషించే ముందు సంయమనం పాటించాలి. దుర్భాష మాట్లాడుట తగ్గించాలి. కళత్ర విషయాలలో ప్రతికూలతలు ఉండగలవు, బేధాబిప్రాయములు ఉండగలవు. వ్యక్తిగత విషయాలపై తొందరపడి నిర్ణయాలు తీసుకోనవద్దు. మీ వ్యక్తిగత విషయాలపై ఇతరులతో చర్చించవద్దు. దాచుకున్న డబ్బుకు గండం కలిగే అవకాశముంది.
పూర్వాబాద్రా నక్షత్ర 4 వ పాద మీనా రాశి జాతకులకు సంతాన విషయాలలో ఆలోచనలు చేయాలి.ముఖ్య నిర్ణయాలు కట్టుదిట్టం చేయాలి. అనవసర ఖర్చు పెరిగే అవకాశం వుంది. పొదుపును పాటించండి. లోభత్వాన్ని అలవాటు చేసుకోండి.

ఈ షష్టాష్టక ప్రభావము వలన ఫలితాలు తెలుసుకోనటమే గాక, కొన్ని జాగ్రత్తలు తీసుకోనాల్సి వుంటుంది. గ్రహ సంబంధమైన శాంతి పరిహారములను కూడా ఆచరించేది. ఈ శాంతి పరిహారములు తగిన రీతిలో తగిన సమయములో మా ఓంకార మహాశక్తి పీఠంలో వేద క్రియల ద్వారా శాంతి పరిహారములు జరుపబడును. వేద క్రియలు జనవరి 25 తదుపరి మాత్రమే జరుపుకోనాలి. అలాంటి వివరాలు కూడా తదుపరి పోస్టింగ్ లలో చెప్పగలము.

కుజ రాహువుల మొదటి షష్టాష్టక ప్రభావము

2010-01-06T03:08:00.000-08:00

2009 నవంబర్ 2 న ధనూరాశిలోకి రాహుప్రవేశం జరిగింది. దీనికి ముందు నుంచే 5 అక్టోబర్ 2009 న కుజగ్రహము తన నీచ స్థానమైన కర్కాటక రాశిలోనికి ప్రవేశించటం జరిగింది. నవంబర్ 2 నుంచి రాహు ధనూప్రవేశంతో కుజ రాహువుల మధ్య షష్టాష్టక స్థితి ఏర్పడినది. అంటే అంతకు ముందు 2009 ఆగస్టు 16 ఆదివారం నుంచి 5 అక్టోబర్ వరకు 51 రోజుల పాటు రాహు కుజుల షస్టాష్టక స్థితి ఏర్పడినది. ఈ సమయములోనే ఆంధ్రప్రదేశ్ రాష్ట్ర ముఖ్యమంత్రివర్యులు ఘోర ప్రమాదంలో మరణించటం, ఆంధ్రప్రదేశ్లో రాజకీయ సంక్షోభం ఏర్పడటానికి 51 రోజుల షష్టాష్టక స్థితి ప్రధాన కారణమైంది.

కేవలం పై ఒక్క షష్టాష్టక స్థితి మాత్రమే గాక, దీనికితోడు 22 జూలై కర్కాటక రాశిలో జరిగిన సంపూర్ణ సూర్య గ్రహణం రాజశేఖరరెడ్డి జన్మ రాశి ధనస్సుకు, అష్టమ స్థానం కావటం కూడా గమనార్హం. ఈ విషంపై హైదరాబాద్ నుంచి మహా టీవీలో గ్రహణం పై చర్చ జరిగినప్పుడు, రాజశేఖరరెడ్డికి అష్టమ స్థానంలో ( ప్రాణ స్థానం ) గ్రహణం జరగనుంది. గనుక వాహన సంబంధంగా అనేక జాగ్రత్తలు తీసుకోనవలసి ఉంటుందని లైవ్ లో చెప్పటం జరిగింది.

ప్రస్తుతం షష్టాష్టక చతుష్టయంలో మొదటిదైన కుజ రాహువుల ప్రధమ షష్టాష్టకం 2009 నవంబర్ 2 నుంచి 2010 మే 26 వరకు 206 కొనసాగుతుంది. ఈ 206 రోజులలో జంట గ్రహణాలు రావటము జరిగినది. కర్కాటక రాశి కుజ గ్రహానికి నీచ స్థితి. ఈ కర్కాటకంలో కుజుడు డిసెంబర్ 22 నుంచి మార్చి 2 వరకు వక్ర స్థితిలో వుండటం విశేషం. వక్ర ప్రారంభపు రోజైన డిసెంబర్ 22, వక్ర త్యాగమైనా రోజు మార్చి 9 , రెండూను మంగళ వారాలే కావటం గమనించతగిన అంశం. కుజ రాహువుల షష్టాష్టక ప్రభావం వలన చిత్ర, ధనిష్ఠ, మృగశిర, ఆరుద్ర, స్వాతి, శతభిషం నక్షత్ర జాతకులపై పరోక్షంగా వుంటుంది. ఎందుచేతనంటే కుజగ్రహ నక్షత్రాలు చిత్ర, ధనిష్ఠ, మృగశిర. రాహు గ్రహ నక్షత్రాలు ఆరుద్ర, స్వాతి, శతభిషం. పై ఆరు నక్షత జాతకులే గాక, ప్రస్తుతం కుజ మహర్దశ, రాహు మహర్దశ జరిగే జాతకులపై ప్రభావం పరోక్షంగా వుంటుంది.

మృగశిర నక్షత 1,2 పాదాల వృషభ రాశి జాతకులు సోదర సోదరి విషయాలపై శ్రద్ధ తీసుకోనాలి. భూ సంబంధ లావాదేవీలలో జాగ్రత్తలు వుండాలి. ప్రాణ సంబంధ భయం వెంటాడే అవకాశం ఉండును.

మృగశిర నక్షత్ర 3,4 పాదాలు మరియు ఆరుద్రా నక్షత్ర జాతకులు ఆర్ధిక లావాదేవీలు, కళత్ర విషయాలపై దృష్టి ఎక్కువగా ఉంచాలి. నేత్ర సంబంధ రుగ్మతలకు అవకాశమున్నది. ఎదుటివారితో సంభాషించే ముందు సంయమనం పాటించాలి. దుర్భాష మాట్లాడుట తగ్గించాలి. కళత్ర విషయాలలో ప్రతికూలతలు ఉండగలవు, బెదాబిప్రాయములు ఉండగలవు.

చిత్ర నక్షత్ర 1,2 పాదాల కన్యా రాశి జాతకులు వృత్తి, ఉద్యోగ, వ్యాపార, వాహన, ఆరోగ్య విషయాలలో అధిక జాగ్రత్తలు తీసుకుంటూ, లాభ సంబంధ లావాదేవీలపై ఓ దృష్టి ఉంచుతూ మాతృమూర్తి విషయాన్ని కూడా ఆలోచిస్తూ శ్రద్ధ తీసుకోనాలి. లాభ విషయాలలో పదే పదే ఆలోచనలు చేయాలి.

చిత్ర నక్షత్ర 3,4 పాదాలు, స్వాతి నక్షత్ర తులారాశి జాతకులు భూ లావాదేవీలలో జాగ్రత్తగా వుండాలి. భూమి కొనుగోలు అమ్మకాలలో కొంత సమయం ఆగాల్సి వుంటుంది. సోదర, సోదరిలతో తొందరపాటు వద్దు. మీ దినచర్యలో అనుకోకుండా అవాంతరాలు ఏర్పడటానికి అవకాశాలు వుంటాయి. మనసును అదుపులో వుంచుకొని గుండె దిటవు చేసుకోవాలి. తోదరపాటు నిర్ణయాలు వద్దు.

ధనిష్టా నక్షత్ర 1,2 పాదాల మకర రాశి జాతకులు దాంపత్య విషయాలలో తొందరపాటు చర్యలు వద్దు. ప్రేమికుల మధ్య అభిప్రాయ బేధాలు ఉండగలవు. అనవసర ఖర్చు పెరిగే అవకాశం వుంది. వివాహ నిర్ణయ విషయాలలో జాగ్రత్తలు తీసుకోవాలి. కళత్ర వర్గం ద్వారా సమస్యలు జటిలమయ్యే అవకాశాలున్నవి.

ధనిష్టా నక్షత్ర 3,4 పాదాలు, శతభిషా నక్షత్ర కుంభ రాశి జాతకులు ఋణ విషయాలలో ఆలోచనలకు పదును పెట్టాలి. శత్రు భయం పెరిగే అవకాశం వుంది. కొన్ని రుగ్మతలచే అనారోగ్య వ్యాప్తి నొందవచ్చు. దాచుకున్న డబ్బుకు గండం కలిగే అవకాశముంది. లాభ సంబంధ లావాదేవీలు నష్టాల బాటన నడిచే అవకాశముంది.

మృగశిర, ధనిష్ఠ, చిత్ర నక్షత్ర జాతకులకు రెండవ షష్టాష్టకమైన గురు కుజుల వలన కూడా సమస్యలు రాగల సూచనలున్నవి. గనుక గురు కుజుల రెండవ షష్టాష్టక ప్రభావము అని మరో శీర్షిక త్వరలో పోస్టింగ్ కానున్నది. అంచేత దానిలోని ఫలితాలు కూడా చదవగలరు.

ఈ షష్టాష్టక ప్రభావము వలన ఫలితాలు తెలుసుకోనటమే గాక, కొన్ని జాగ్రత్తలు తీసుకోనాల్సి వుంటుంది. గ్రహ సంబంధమైన శాంతి పరిహారములను కూడా ఆచరించేది. ఈ శాంతి పరిహారములు తగిన రీతిలో తగిన సమయములో మా ఓంకార మహాశక్తి పీఠంలో వేద క్రియల ద్వారా శాంతి పరిహారములు జరుపబడును. వేద క్రియలు జనవరి 25 తదుపరి మాత్రమే జరుపుకోనాలి. అలాంటి వివరాలు కూడా తదుపరి పోస్టింగ్ లలో చెప్పగలము.

సప్త అమాసంక్రాంతుల మాలిక

2010-01-04T04:14:00.000-08:00

ప్రతినెలా ఓ అమావాస్య వస్తుంటుంది. అలాగే ప్రతినెలా ఓ సంక్రమణం జరుగుతూ వుంటుంది. సంక్రమణం అంటే సూర్యుడు ఒక రాశిలోకి ప్రవేశించటం. దీనినే సంక్రాంతి అని కూడా పిలుస్తారు. మకర రాశిలోనికి సూర్య ప్రవేశాన్ని మకర సంక్రమణం లేక మకర సంక్రాంతి అంటాము. మరి ఈ సంక్రమణం ఏదో ఒక తిధి లో జరుగుతూ వుంటుంది.

మరి సంక్రమణం అమావాశ్య తిధిలో జరిగితే ఎలా వుంటుంది ? ఒకసారి కాదు, రెండుసార్లు కాదు. వరుసగా ఏడు నెలలపాటు అమావాశ్య తిదిలోనే రవి రాశిప్రవేశాలు చేయటం జరిగినది. మరి ఇలా ఏడు సార్లు రాశిప్రవేశాలు అమావాస్యన జరిగితే అరిష్టమా? అదృష్టమా?

వివరాలలోకి వెళితే గత 2009 సంవత్సరంలో ఆశ్వీయుజ అమావాశ్య శనివారం తే 17.10.2009 దిన దీపావళి పర్వదినం జరుపుకున్నాము. ఆరోజే రవి తన నీచ స్థానమైన తులారాశిలోకి సంక్రమించాడు. దీనిని తులా సంక్రాంతి అంటారు. అమావాస్య తిధిలో సంక్రమణం జరిగిన మాలికలో ఇది మొదటిది.

తదుపరి కార్తిక అమావాశ్య సోమవారం తే 16.11.2009 దిన రవి వృశ్చిక రాశిలోనికి సంక్రమించాడు. దీనిని వృశ్చిక సంక్రాంతి అంటారు. దీనిని రెండవ అమాసంక్రాంతి దినముగా పరిగణించాలి. ఆ తరువాత మూడవదైన మార్గశిర అమావాస్య తే 15.12.2009 దిన మంగళవారం రాత్రి రవి ధనస్సులోనికి ప్రవేశించుటచే ధనుర్మాసం ఏర్పడినది. ఈ ధనుర్మాసం కూడా అమావాశ్య తిధిలో వచ్చినది. దీనినే ధనుస్సంక్రాంతి అంటారు. ఇక నాల్గవదైన పుష్య అమావాస్య తే 14.01.2010 గురువారం మకరరాశిలోకి రవి సంక్రమణం చెందాడు. దీనితో మకర సంక్రమణ ఉత్తరాయణ పుణ్య కాలం ప్రారంభమైనట్లు. ఇది కూడా అమావాస్య తిదిలోనే జరిగినది.

పిదప రాబోవు ఫిబ్రవరిలో మాఘ అమావాస్య తే 13.2.2010 ది రోజున కుంభ సంక్రాంతి జరుపుకొనబోతున్నాము. ఇది 5 వ అమావాస్య తో కూడిన సంక్రాంతి అన్నమాట. ఆ తదుపరి తే 15.3.2010 దిన పాల్గుణ అమావాస్య రోజున మీనా సంక్రాంతి జరుపుకోవాలి. ఇది ఆరవ అమావాస్య తిదితో కూడిన సంక్రాంతి. ఇక మాలికలో చివరిదైన ఎదవా అమావాస్య. స్వస్తిశ్రీ వికృతి సంవత్సర చైత్ర అమావాస్య తే 14.4.2010 రానుంది. ఆరోజే మేష సంక్రమణం జరుగుచూ మహా కుంభ మేలా హరిద్వార్ లో జరగనున్నది.

వరుసగా ఏడు అమావాస్య తిధులలో సంక్రమణాలు జరగాతము మహా అరుదుగా వచ్చీ ఘట్టం. ఇంత అరుదుగా వచ్చే ఘట్టానికి మధ్య బిందువు అంటే 4 వ అమావాస్య తిధిలో సంక్రమణం. మకర సంక్రమణం జరిగిన ఈ పుష్య అమావాశ్య తిధిలో కనకన సూర్య గ్రహణం జరగటం అత్యంత అరుదైన మహోన్నత ఘట్టం.

ఇక ఈ జనవరి 15 కనుమ పండుగ రోజున మకర సంక్రమణం వచ్చిన అమావాస్య, దానికి తోడు గ్రహణం జరగనున్నవి. అమావాశ్య తిధిలో పితృదేవతలకు తర్పణాదులు ఇస్తాము. దీనికి సంక్రమణం కలిసి, గ్రహణం కలిస్తే, ఎంతటి అదృష్టమో ఆలోచించండి. ఇదంతా ఒక ఎత్తు అయితే, ఇదే రోజు మహా కుంభ మేలా రెండవ పవిత్ర స్నానం కావటం మహద్భాగ్యం. మహాద్భాగ్యమైన మహోన్నత రోజున పితృదేవతలకు పిండ ప్రదానాదులను, తర్పణాదులను ఇవ్వాల్సి వుంటుంది. అవకాశం వున్నవారు సముద్రస్నానం ఆచరించవచ్చు. మకర రాశిలో జరిగే గ్రహణం ఒక అరిష్ట యోగంలో భాగామైనప్పటికీ, దాని ప్రభావం గూర్చి ప్రస్తుతం మనం ఆలోచించటం లేదు. గ్రహణం జరిగే రోజును మహా పవిత్రదినంగా హైందవ జాతి అంతా కొనియాడి తీరాలి.

మహా కుంభ మేళా పవిత్రస్నాన వివరాలు :

శ్రీ విరోధి నామ సంవత్సరంలో గురు గ్రహము 19 డిశంబర్ 2009 రాత్రి 1 గం. 08 ని.లకు కుంభరాశి ప్రవేశం చేయును. అలాగే శ్రీ సూర్య భగవానుడు రాబోవు వికృతి నామ సంవత్సరంలో 14 ఏప్రిల్ 2010 న మేష రాశిలోకి ప్రవేశించును. ఈ కారణంగా హరిద్వార్ లోని గంగానదిలో పవిత్ర స్నానాలతో మహా కుంభ మేళా జరుగును.

ఈ పవిత్ర స్నానాలకు దేశ విదేశాల నుంచి యోగిణులు, యోగులు, సాధువులు, ఇతరులు, కలిసి దాదాపు 60 మిలియన్ల మంది స్నానమాచారిన్చేదారు. ఈ పరంపరలో 2010లో జనవరి 14 మకర సంక్రాంతి రోజున ప్రధమ పవిత్ర సంక్రమణ స్నానముండును. ఈరోజే పుష్య అమావాశ్య పవిత్ర స్నానం కూడా. (స్నానానికి అమావాశ్య నిశీధిలో వుండాలి. ) జనవరి 15 సంపూర్ణ సూర్య గ్రహణం రోజున ద్వితీయ పవిత్ర స్నానముండును. జనవరి 20 వసంత పంచమి రోజున తృతీయ పవిత్ర స్నానముండును. జనవరి 30 మాఘ పూర్ణిమ రోజున చతుర్ధ పవిత్ర స్నానముండును. ఫిబ్రవరి 12 మహా శివరాత్రి రోజున పంచమ పవిత్ర స్నానముండును. ఫిబ్రవరి 13 మాఘ అమావాశ్య రోజున షష్టమ పవిత్ర స్నానముండును. ఏప్రిల్ 14 మేష సంక్రమణం రోజున చిట్టచివరిదైన మహా కుంభ మేలా పవిత్ర సంక్రమణ స్నానంతో హరిద్వార్ మహా కుంభ మేళా ముగియును.

ఆంధ్రప్రదేశ్ పై జన్మశని ప్రభావం

2010-01-04T02:21:00.000-08:00

1 నవంబర్ 1956 దుర్ముఖి నామ సంవత్సరం ఆశ్వీయుజ బ. చతుర్దశి రోజున చిత్రా నక్షత్రంలో ఆంధ్రప్రదేశ్ అవతరణ జరిగినది. ఆంధ్రప్రదేశ్ జన్మ నక్షత్రం చిత్రానక్షత్రం కన్యా రాశి. 2007 జూలై నుంచి ఏలినాటి శని జరుగుచూ 2014 నవంబర్ తో ముగియనుంది. ఈ ఏలినాటి శని మూడు భాగాలు మొదటి భాగాన్ని ద్వాదశ శని లేక వ్యయ శని అంటారు. ఇది 2009 ఆగస్టు చివరితో ముగుసిపోయింది. 2009 సెప్టెంబర్ నుంచి 2012 ఆగస్టు వరకు జన్మ శని భాగం జరుగుతున్నది. మూడవ భాగ శని సెప్టెంబర్ 2012 నుంచి నవంబర్ 2014 వరకు జరుగును.

ప్రస్తుతం ఏలినాటి శని రెండవ భాగం జరుగుచున్న ఈ రోజులలో తెలంగాణా ఉద్యమం అధికమైంది. ప్రజలలో ప్రస్తుతం ఒక వినికిడి వుంది. అది ఏమంటే... రాజశేఖరరెడ్డి బ్రతికుంటే...... కే.సి.ఆర్ ఇలా విజృంభించే వాడు కాదని. కానీ జ్యోతిష్యపరంగా వారి ఆలోచన మాత్రం తప్పు. ఎందుచేతనంటే... కే.సి.ఆర్ ఆశ్లేష నక్షత్ర కర్కాటక రాశి జాతకుడు. వారికి 2002 జూన్ నుంచి 2009 ఆగస్టు వరకు ఏలినాటిశని భాగం జరిగింది. మూడు భాగాల శని పూర్తి చేసుకొని కే.సి.ఆర్ దేనికైనా సిద్ధంగా వున్నాడు.

కే.సి.ఆర్ కు ఏలినాటిశని పూర్తి అయిన ఘడియ నుంచే ఆంధ్రప్రదేశ్ జన్మశని భాగం మొదలైంది. అందుచేతనే ... సెప్టెంబర్ లో ముఖ్యమంత్రిని కోల్పోవటం, తరువాత జరిగిన వరుస పరిణామాలను చూస్తూనే ఉన్నాము.

ఇక్కడ ఒక విషయం గమనించాలి. కే.సి.ఆర్ కు జన్మ రాశిలోనికి కుజుడు 5 అక్టోబర్ నుంచి ప్రవేశించి 2010 మే 26 వరకు 234 రోజులు స్తంభించటం జరిగినది. అందుచేత కే.సి.ఆర్ కు లగ్నంలో నీచ కుజ స్తంభన ఉండటంచే ప్రత్యేక తెలంగాణా కోసం, గతం కంటే ఇంకా హడావిడి చేయటం జరుగుచున్నది. మే 26 తదుపరి కుజుడు కే.సి.ఆర్ కు వాక్ స్థానంలోకి ప్రవేశించి జూలై 20 వరకు ఉంటాడు. గనుక 5 అక్టోబర్ 2009 నుంచి 20 జూలై 2010 వరకు కే.సి.ఆర్ విజృంభణతో రాష్ట్రంలో శాంతి భద్రతలు మరికొంత దెబ్బతినే అవకాశముంది.

ప్రస్తుతం ఒక విషయం గమనించాలి. ఆంధ్రప్రదేశ్ జన్మ నక్షత్రం చిత్ర. చిత్రా నక్షత్రానికి అధిపతి కుజుడు. జరిగేది జన్మ శని. పైగా ఈ సంవత్సరం లో 20 జూలై నుంచి 31 ఆగస్టు వరకు ఆంధ్రప్రదేశ్ జన్మ రాశి కన్యలో కుజగ్రహం, శనిగ్రహం కలయికలు జరుగుచున్నవి. అందువలన శాంతిభద్రతలు ఇంకా విషమించే అవకాశం వున్నది.

దీనికితోడు చిదంబరం గారు డిశంబర్ 9 తేదీన మొదటి స్టేట్మెంట్ ఇచ్చారు. కుజ సంఖ్య అయిన తొమ్మిదవ తేదీన, తొమ్మిదవ తిది అయిన నవమిలో రాత్రి సమయములో స్టేట్మెంట్ ఇచ్చారు. ఆ సమయములో వున్న గ్రహస్థితి ఎవరికీ అనుకూలం కానేకాదు. ఇక రేపటి రోజున 5 జనవరి మంగళవారం రోజున డిల్లీలో ఎనిమిది రాజకీయ పార్టీలతో చర్చలకు ఆహ్వానించారు. రేపటి రోజు కుజవారం. 8 సంఖ్య శనికి సంబంధం. శని కుజులు పరస్పర శత్రువులు. రేపటి నక్షత్రం ఆంధ్రప్రదేశ్ జన్మ నక్షత్రమైన చిత్రకు నైధనతార ( ప్రమాద తార ) అవుతున్నది. దీనినిబట్టి రేపటి చర్చలు పూర్తిగా విఫలమై, శాంతిభద్రతలు ఘోరంగా దెబ్బతిననున్నవి. దీనికి తోడు జనవరి 1 నుంచి జనవరి 15 వరకు గ్రహ సంచారరీత్యా రవాణా రాకపోకలకు పూర్తి అంతరాయాలుంటాయి. ఆంధ్రప్రదేశ్లోనే కాక దేశవ్యాప్తంగా విమాన సర్వీసులు కూడా మంచు కారణంచే ఆగిపోతున్నవి.

రాజశేఖరరెడ్డి గారు మరణించకుండా ఉన్నప్పటికీ, ఆంధ్రప్రదేశ్ యొక్క పరిస్థితి ఇలానే కొనసాగుతుంటుంది. కే.సి.ఆర్ గారికి ప్రస్తుతం అష్టమ స్థానంలో గురువు సంచారం చేస్తూ, కుజునిచే అష్టమ వీక్షణ ఉన్నందున ఆరోగ్య విషయాలపై కే.సి.ఆర్ దృష్టి ఉంచాల్సిన అవసరం వుంది.

ఆంధ్రప్రదేశ్ కు జన్మషని ప్రభావం 2009 సెప్టంబర్ నుంచి 2012 ఆగస్టు వరకు కొనసాగుతుంది. గనుక పైసమయంలో ప్రజలందరూ సంయమనం పాటిస్తూ, భగవతారాధనకు అధిక సమయం కేటాయించాలి.

ఖగోళంలో షష్టాష్టక చతుష్టయం

2010-01-02T03:12:00.000-08:00

వందల సంవత్సరాల తరువాత ఏర్పడే ఖగోళ గ్రహస్థితే షష్టాష్టక చతుష్టయము. అరిష్ట యోగములతో ఈ షష్టాష్టకం ద్వాదశ రాశులపై ప్రభావము చూపుతున్నది. గ్రహ సంబంధ షష్టాష్టకములు మూడు, గ్రహణ షష్టాష్టకము ఒకటి కలిసి మొత్తం నాలుగు షష్టాష్టక స్థితులు ఏర్పడినవి.

1. 2009 నవంబర్ 2సోమవారం నాడు రాహువు ధనుస్సు రాశి ప్రవేశం చేయడంతో, కర్కాటక రాశిలో నీచ స్థితి లో ఉన్న కుజ గ్రహంతో షష్టాష్టకము ఏర్పడినది. అంటే కర్కాటక కుజునికి ఆరవ స్థానమైన ధనస్సులో రహువుండటము, రాహువుకు ఎనిమిదవ స్థానమైన కర్కాటకంలో కుజుడుండటము మొదటి షష్టాష్టక గ్రహస్థితిగా పేర్కొనాలి.

2. 2009 డిశంబర్ 20ఆదివారం నాడు గురుగ్రహము కుంభరాశి ప్రవేశము చేయటంతో, కన్యా రాశి లో ఉన్న శని గ్రహంతో, షష్టాష్టకము ఏర్పడినది. అంటే కన్యా రాశిలోని శని గ్రహానికి ఆరవ స్థానమైన కుంభ రాశిలో గురువుండటము, కుంభ రాశికి ఎనిమిదవ స్థానమైన కన్యలో శని సంచారం చేయటము రెండవ షష్టాష్టకము.

3. 2009 డిసంబర్ 20ఆదివారం నుంచే గురుగ్రహం, కుజ గ్రహం మధ్య షష్టాష్టకము ఏర్పడినది. ఏవిధంగానంటే, కుంభ రాశిలోని గురుగ్రహానికి ఆరవ రాశియైన కర్కాటకలోని కుజుడు, అలాగే కుజ గ్రహానికి ఎనిమిదవ రాశిలో గురుగ్రహం ఉండటము మూడవ షష్టాష్టక గ్రహస్థితి.

ఇంతవరకు గ్రహాల సంచారంలో మూడు షష్టాష్టకములు ఏర్పడ్డాయి. గ్రహాలు కాక గ్రహణాలలో కూడా మరో షష్టాష్టకం ఏర్పడనున్నది.....ఎప్పుడు ? ఎక్కడ ?

4. మిధున రాశిలో భారత కాల మాన తేది ప్రకారం 2010జనవరి 1న పుష్య పూర్ణిమన ఆరుద్రా నక్షత్రంలో పాక్షిక చంద్ర గ్రహణం ఏర్పడినది. జనవరి 15పుష్య అమావాస్య రోజున మకర రాశిలో ఉత్తరాషాడ నక్షత్రంలో కంకణ సూర్య గ్రహణం ఏర్పడనుంది. మకర రాశికి మిధున రాశి ఆరవ రాశి. మిధున రాశికి మకర రాశి అష్టమ రాశి. అనగా షష్టాష్టక రాశులలో గ్రహణాలు ఏర్పడుతున్నాయి. ఇది నాల్గవ షష్టాష్టకం.

జనవరి 15తో నాల్గవ షష్టాష్టక అవయోగం ప్రారంభం కానున్నది. దీని ప్రభావం దాదాపు నాలుగు మాసాలు కొనసాగుతుంది. కానీ గ్రహాల నడుమ ఏర్పడిన షష్టాష్టకములు 25 మే 2010 వరకు కొనసాగుతుంది.
దాదాపు నాలుగు నెలలకు పైగా వుండే షష్టాష్టక చతుష్టయ ప్రభావములు ఎలా వుంటాయి అనే ఆసక్తికర వివరాలు తదుపరి పోస్టింగ్ లో తెలుసుకుందాం.... శ్రీనివాస గార్గేయ

12 దశాబ్దాల తదుపరి జనవరి 1న గ్రహణం

2009-12-31T05:55:00.000-08:00

1889 జనవరి 1 వ తేదీన సంపూర్ణ సూర్య గ్రహణం సంభవించింది. అప్పటినుంచి ఇప్పటివరకు జనవరి 1 న సూర్య చంద్ర గ్రహణాలు ఏమీ రాలేదు. 121 సంవత్సరాల తదుపరి 1.1.2010 న ఖగోళంలో పాక్షిక చంద్ర గ్రహణం సంభవిస్తున్నది. ఈ గ్రహణం మిధున రాశిలో ఆరుద్రా నక్షత్రంలో కేతుగ్రస్తంగా భారతకాలమాన ప్రకారం 1 వ తేదీ సూర్యోదయానికి పూర్వం (31 వ తేదీ అర్ధరాత్రి ) 12 గంటల 23 నిమిషముల నుంచి 1 గంట 23 నిమిషముల వరకు 60 నిముషాల పాటు పాక్షికంగా చంద్రుడికి గ్రహణం ఆపాదించును. చంద్రుడు గ్రహణానికి ముందు 45 నిముషాల నుంచి ప్రచ్చాయలో ఉన్నందున తేజోవంతమైన కాంతి తగ్గును. 12.23 నుంచి గ్రహణస్పర్శతో మొదలై 1 గంట 23 నిముషాలకు గ్రహణం పూర్తగును. తిరిగి తేజోవంతమైన కాంతి పుంజుకొనుటకు మరో .40నిముషాల కాలము పట్టును. కనుక గర్భవతులు రాత్రి 11.30 నుంచి 2 గంటల వరకు దాదాపుగా 150 నిముషాలసేపు చంద్రుని కాంతి సోకని ప్రదేశములలో విశ్రాంతి తీసుకోవాలి. ఈ సమయములో మల, మూత్ర విసర్జనములు చేయవచ్చును. ఆరుద్ర, స్వాతి, శతభిషా నక్షత్ర జాతకులతో పాటు ప్రస్తుత రాహుమహాదశ జరుగుతున్న జాతకులపై గ్రహణ ప్రభావం స్వల్పం. ఆహార పదార్ధాలపై దర్భగానీ, నువ్వులుగానీ వేయవలెనని ధర్మ శాస్త్రమైన నిర్ణయసింధు పేర్కొంది. గ్రహణ పట్టుస్నానం, మోక్షస్నానం ఆచరించాలి. స్నానం ఆచరించే సమయములో ఎట్టి మంత్రాలనుగానీ, భగవత్ నామాలను గానే పఠించరాదు. స్నానమైన పిదపనే మంత్రములను, స్తోత్రములను మననం చేయవచ్చును. గ్రహణ సమయంలో పట్టు స్నానాంతరం జపించే మంత్రములకు సంఖ్యాబలం పెరుగును.

ధర్మ శాస్త్రమైన నిర్ణయసింధు నిర్ణయములు :

1. గ్రహణ సమయంలో చేసే స్నానాలలో మంత్రాలు జపించకూడదు.
2. ముత్తైదువులు పట్టుస్నానంలో శిరస్సు తడవకుండా స్నానం చేయాలి.
3. వైధవ్య స్త్రీలు పట్టుస్నానంలో శిరస్సు తడిపి స్నానం చేయాలి.
4. గ్రహణం ముగిసిన తదుపరి సర్వులు శిరస్సు తడిపి స్నానం చేయాలి.
5 .గ్రహణ సమయంలో ఆహారపదార్ధాలపై నువ్వులుగానీ, దర్భగానీ ఉంచాలి.

6. గ్రహణం ముగిసిన తదుపరి యజ్ఞోపవీతమును మార్చాలి.

ఈ గ్రహణ ప్రభావం జ్యోతిష్య శాస్త్ర రీత్యా మేషరాశి వారికి సోదర స్థానంలోనూ, వృషభ రాశి వారికి ఆర్ధిక స్థితి గతులపైన, మిధున రాశి వారికి వ్యక్తిగత విషయాలలోనూ, కర్కాటక రాశి వారికి ఖర్చు విషయాలపై, సింహరాశి వారికి లాభార్జనలపై, కన్యా రాశి వారికి నిత్య పరిపాలనా విషయాలపై, తులా రాశి వారికి పితృ స్థాన విషయాలపై వృశ్చిక రాశి వారికి ఆయుస్థాన సంబంధితములపై, ధనుస్సు రాశి వారికి కళత్ర విషయాలపై, మకర రాశి వారికి ఋణ, రోగ, శత్రు సంబంధితములపై, కుంభ రాశి వారికి సంతాన విషయాలలోనూ, చివరగా మీన రాశి వారికి వృత్తి, వ్యాపార, విద్య, ఉద్యోగ, ఆరోగ్య, గృహ, మాతృ స్థానములపై ప్రభావం ఉండును గనుక ఆయా రాశుల వారు పై విషయాలలో తగు జాగ్రత్తలు తీసుకోవాలి.

చూడండి గ్రహబలం

2009-12-29T06:27:00.000-08:00

భారత కాలమాన ప్రకారం ప్రతిరోజు ఉదయం 7.30 గంటలకు జాతకపరంగా సమస్యలకు, సందేహాలకు ప్రేక్షకులు అడిగిన ప్రశ్నలకు సమాధానములు భక్తి టివిలో కేంద్ర ప్రభుత్వ ఆమోద గణిత పంచాంగ కర్త, మహాశక్తి ఉపాసకులు, కుర్తాళం సిద్దేశ్వరి ఆస్థాన సిద్దాంతవర్యులు, ద్విశతాధిక ప్రతిష్టాచార్య, త్రిస్వర్ణ ఘంటా కంకణ గ్రహీత, త్రికాలజ్ఞాన విభూషణ, ఓంకార మహాశక్తి పీఠ ధర్మాధికారి దైవజ్ఞ పొన్నలూరి శ్రీనివాసగార్గేయ గారిచే లైవ్ కార్యక్రమం వుండును.

సర్వవిఘ్నోప శాంతయే!

2009-08-22T09:19:00.000-07:00

సాక్షి దినపత్రిక సౌజన్యంతో...

ఈ శతాబ్ది రెండవ శుక్రగ్రహణం 2012 లో.. 2012 వివరాలపై సీ..రియల్ పోస్టింగ్స్ - 1

2009-07-24T02:01:00.000-07:00

2012 లో ఏమి జరగనుంది ? ..... ప్రతి ఒక్కరు ఏదో జరుగుతుంది అనే భయంతో వణికిపోతున్నారు. ప్రధాన కారణాలు ఏమిటి?.... మయాన్ కాలెండరు నిజమే చెబుతుందా?..... ప్రపంచం వినాశనమగుననే ప్రచారం నిజమేనా ? .... ఇంతటి ప్రచారానికి అడ్డుకట్ట వేయలేమా? ... ప్రసార మాధ్యమాలు, ఇంటర్నెట్ విశేషాలు ప్రపంచ ప్రజలకు నగ్న సత్యాలే తెలుపుతున్నాయా? లేక తప్పు సమాచారం అందిస్తున్నాయా?... ఈ విషయం లో వైజ్ఞానిక శాస్త్రం ఏముంటుంది?.... వేదాలు ఏమని ఘోషిస్తున్నాయి?.. జ్యోతిష్య శాస్త్రం తెలిపేది ఏమిటి? ... ఎన్నో.. ఎన్నెన్నో ప్రశ్నలు ఉదయిస్తున్నాయి... ప్రపంచ ప్రజలు మాత్రం 2012 ప్రపంచ అంతం అనే మాటతో అట్టుడికిపోతున్నారు..... దీనిలో భాగంగా 2012 లో గ్రహ స్థితులు ఎలా వున్నాయి?... గ్రహణాలు ఎలా వున్నాయి?.. ప్రభావాలు ఎలా వుంటాయి? ... చివరికి ఫలిత సారాంశం ఏమిటి? అని ఆసక్తికర నగ్నసత్యాలతో 2012 సీరియల్ పోస్టింగ్స్ నేటినుంచే సీరియల్ గా మీ ముందుకు రాబోతున్నాయి. ఈ నేపధ్యంలో మొదటి పోస్టింగ్ గా ఈ 21 వ శతాబ్దపు రెండవ శుక్ర గ్రహణ వివరాలను మీ ముందువుంచుతున్నాను.

శుక్ర గ్రహణ మేమిటని .... అనుకుంటున్నారా?... అవును. నిజమే గ్రహణాలు సూర్య చంద్రులకే కాదు. మిగిలిన గ్రహాలకు కూడా అరుదుగా వస్తుంటాయి. రాహువు లేక కేతువుతో కలిసిన ఓ సరళరేఖపైకి భూమి సూర్యునికి మధ్య చంద్రుడు అడ్డు వచ్చినప్పుడు సాధారణంగా సూర్య గ్రహణం జరుగుతుంది. అలాగాకా సూర్యునికి భూమికి మధ్య చంద్రుడి బదులు శుక్రుడు వచ్చినచో.... శుక్ర గ్రహణం ఏర్పడి...శుక్ర గ్రహం ఒక గుండుసూది ఆకృతిలో సూర్యుని బింబముపై నల్లని చుక్కలా గోచరమవుతుంది.

ఈ శతాబ్దిలో తారణ నామ సంవత్సరంలో జైష్ట బహుళ షష్టి మంగళవారం ది 8 జూన్ 2004 దిన శుక్ర గ్రహణం ఏర్పడి శతాబ్ది తొలి శుక్ర గ్రహణం సూర్యబింబంపై కనువిందు చేసినది. ఈ వైనము మా తారణ సంవత్సర 6 వ పేజీలో పేర్కొన్నాము. ఇలాగే రాబోవు నందన నామ సంవత్సర జ్యేష్ట బహుళ విదియ బుధవారము పూర్వాషాడ నక్షత్ర దినము ది 6 జూన్ 2012 దిన, వృషభ రాశిలో రోహిణి నక్షత్రంలో కేతు గ్రస్తంగా శతాబ్ది రెండవ శుక్ర గ్రహణం సంభవించనుంది. గత తారణ సంవత్సరంలో ( 2004 - 05 ) వచ్చిన శుక్ర గ్రహణం ప్రారంభం నుంచి అంత్యం వరకు భారతదేశంలో గోచరమైనది.

ఈ 2012 లో వచ్చే శుక్ర గ్రహణం ప్రారంభ సమయం భారతదేశంలో రాత్రి భాగమైనందున గ్రహణ స్పర్శను భారతదేశంలో చూడలేకపోతున్నాము. గ్రహణ మధ్య కాలమునకు ఒక గంట ముందు నుంచి భారతదేశంలో వివిధ ప్రాంతాలలో సూర్యోదయాలు అయినందున..... మనమందరమూ అతి స్పష్టంగా మసి పూసిన అద్దముతో కానీ, ఫిలింతో కానీ, సోలార్ ఫిల్టరు తో కానీ.... సూర్యబింబంపై కదిలి వెళ్ళే గుండుసూది మొన ఆకృతి గల శుక్ర గ్రహాన్ని నల్లని చాయలో దర్శించుకొనవచ్చును. సూర్య బింబము ఒకవైపు వెలుపలి అంచు నుంచి.... రెండవ వైపు వెలుపలి అంచు వరకు శుక్రుడు 400 నిమిషాల సేపు ప్రయాణం చేస్తాడు..... అంటే .... 6 గంటల 40 నిమిషాలు అన్నమాట. సూర్య బింబం ఓ వైపు లోపలి అంచు నుంచి... మరో వైపు లోపలి అంచు వరకు శుక్ర గ్రహణం కనపడే సమయము 364 నిమిషాలు.... అంటే.... 6 గంటల 4 నిమిషాలు అన్నమాట.

ఉత్తరార్ధ గోళములో ఈశాన్య స్పర్శతో ప్రారంభమైన గ్రహణ శుక్రుడు... వాయివ్య భాగంలో మోక్షమునొందును. ఆద్యంతం పుణ్యకాలము 6గంటల 4 నిమిషాలు అన్నమాట. భారత కాలమానం ప్రకారం 2012 జూన్ 6 సూర్యోదయానికి పూర్వము 3 గంట 21 నిమిషములకు శుక్రుడికి గ్రహణం స్పర్శించును. ఈ స్పర్శను భారతంలో రాత్రి సమయమందున వీక్షించలేము. శుక్ర గ్రహణ మధ్య కాలము 6 ఉదయం 6 గంటల 59 నిమిషాలు. శుక్ర గ్రహణ అంత్య కాలము ఉదయము 10 గంటల 01 నిమిషములు. భారతదేశంలో సూర్యోదయాలు జరిగనప్పటి నుంచే, అన్ని ప్రాంతాలలో నల్లని గుండుసూదిమొన లాంటి మచ్చతో శుక్ర గ్రహణం దర్శనమగును.... అంటే మచ్చతోనే సూర్యబింబం దర్శనమిస్తుంది.

ప్రపంచంలోని వివిధ ప్రాంతాలలో శుక్ర గ్రహణాన్ని వీక్షించవచ్చును. ఉత్తర అమెరికాలో వాయువ్య భాగం, పచ్చిమ ఫసిఫిక్, ఉత్తర ఆశియా, జపాన్, కొరియా, తూర్పు చైనా, తూర్పు మధ్య యూరప్, తూర్పు ఆఫ్రికా ప్రాతాలలో శుక్ర గ్రహణం కనపడుతుంది. పోర్చుగల్, దక్షిణ స్పెయిన్, పశ్చిమ ఆఫ్రికా ప్రాంతాలలో గ్రహణం కనబడదు.

ఈ 2012 లో కనపడే శుక్ర గ్రహణ సమయంలో వివాహాది శుభకార్యాలు నిషిద్ధం. శుక్ర గ్రహణం రావాలంటే.... ఆ సమయంలో శుక్ర మూడమి ఏర్పడి వుండాలి. శుక్ర మూడమి ఏర్పడకుండా శుక్ర గ్రహణం రానేరాదు. అందుచేత జూన్ 2012 మొదటి పది రోజులలో శుక్ర మూడమి వుంటుంది. 2012 లో సీ.... రియల్ పోస్టింగ్స్ లో ఈ వ్యాసాన్ని మొదటిగా భావించండి.. ఈ గ్రహణ ఫలితాలు ఎలా వుంటాయి అనే ఆసక్తికర అంశాలకై 2012 వరుస పోస్టింగ్స్ ని క్రమం తప్పకుండా చదవండి... విశేషాలకై ఎదురు చూస్తూ వుండండి.. ..

శ్రీనివాస గార్గేయ

నాగపంచమిన నాగవల్లీ పత్రంతో నాగారాధన

2009-07-23T02:50:00.000-07:00

ఈ విరోధి నామ సంవత్సరంలో 16 జూలై 2009 గురువారం మధ్యాహ్నం 3 గంటల 11 నిమిషాలకు........... శ్రీ సూర్యభగవానుడు పునర్వసు నక్షత్ర నాల్గవ పాదప్రవేశంతో కర్కాటక సంక్రమణం జరిగింది. అంటే..... అదే దక్షిణాయన ప్రారంభమన్నమాట.... ఈ రోజునే కర్కాటక సంక్రాంతి అంటారు. అలాగే 14 జనవరి 2010 గురువారం మద్యాహ్నం 12 గంటల 49 నిమిషాలకు........ శ్రీ సూర్యభగవానుడు ఉత్తరాషాడ నక్షత్ర రెండవ పాదప్రవేశంతో మకర సంక్రమణం జరుగుతుంది. .... అంటే ఆ రోజు ఉత్తరాయణ ప్రారంభం... మకర సంక్రాంతి అన్నమాట....

ఇక్కడ ముఖ్యమైన విషయమేమంటే దక్షిణాయనం ప్రారంభమైన వారం రోజులకే ఆషాడ అమావాస్య రోజున సంపూర్ణ సూర్యగ్రహణం కర్కాటక రాశిలో 22 జూలై 2009 న జరిగిన విశేషం మనకు తెలిసినదే.......... ఈ సంపూర్ణ గ్రహణం ఉత్తర భారతదేశంలో పుణ్యక్షేత్రమైన గయా, వారణాసి, ఉజ్జయినీ లలో సంపూర్ణంగా గోచరించినది...... అలాగే ఉత్తరాయణం ప్రారంభమైన రెండవ రోజే, అనగా పుష్య అమావాస్య 14 జనవరి 2010 న మకర రాశిలో రాహుగ్రస్తంగా సూర్యగ్రహణం సంభవించనుంది. ఇది దక్షిణ భారతదేశంలో ముఖ్యంగా రామేశ్వరం, తిరుచందూర్ లాంటి ముఖ్యమైన పుణ్యక్షేత్రాలలో కంకణంతో దర్శనం కాబోతున్నది.

ప్రతి సంవత్సరం ఆషాడ అమావాస్య, పుష్య అమావాస్య దినములలో పుణ్య నదులలో స్నానాలు ఆచరిస్తూ.... పితృ దేవతలకు పిండ ప్రదానాలు చేయటం సనాతన భారతీయ సాంప్రదాయం. అయితే ఈ రెండు అయనాలు ప్రారంభమైన వెంటనే గ్రహణాలు రావటంచేత, హిందువులకు ఆధ్యాత్మికంగా స్నానాలు ఆచరించే, పై అమావాస్య రోజులు గ్రహణ రోజులు కావటం ఒక పుణ్యంగా భావించాలి.

మకర సంక్రాంతి పర్వదిన తదుపరి వచ్చే పుష్య అమావాస్య సూర్యగ్రహణ స్నానానికి మరో ప్రత్యేకం కూడా వుంది.... ఏమిటంటే 14.04.2010 మహా కుంభమేళ సప్త పవిత్ర స్నానాలలో....... ఈ పుష్య అమావాస్య గ్రహణ స్నానం ఒకటి కావటం మహా అదృష్టం. గనుక శ్రీ విరోధి నామ సంవత్సరం లో ఆషాఢ, పుష్య అమావాస్యలలో జగద్రక్షకుడైన శ్రీసూర్యభగవానుడికి రాహు కేతు గ్రస్తంగా గ్రహణాలు సంభవించిన కారణంగా...... మనమంతా లోక కల్యాణం కోసమే కాక మన మన వ్యక్తిగత సంరక్షణార్ధం కూడా భగవంతుడిని ఆరాధించవలసి వుంది....... ఎన్నో... ఎన్నెనో... ఆరాధనలు వున్నాయి. వాటితోపాటు చాలా సులువుగా వుండే ఓ చక్కని నాగారాధన ఈ విరోధి నామ సంవత్సరంలో మనం ఆచరించవలసి వుంది. ఏమిటంటే..

శ్రీ విరోదిలో దక్షిణాయనం ప్రారంభంకాగానే...... 19 జూలై 2009 చంద్ర నక్షత్రమైన రోహిణి ఆదివారం నుంచి 26 జూలై 2009 సూర్య నక్షత్రమైన ఉత్తర ఆదివారం మధ్యలో ......... 22వ తేదీన సంపూర్ణ సూర్యగ్రహణం జరిగింది. 2 సూర్యవారాల మధ్యలో సూర్యగ్రహణం జరిగింది. ఇందుకుగానూ 26 జూలై 2009ఆదివారం నాడు ..... అంటే నాగపంచమి పర్వదినాన ......... నాగవల్లీ పత్రంతో నాగదేవతను ఆరాధించాలి .... నాగవల్లీ పత్రం అంటే....... క్రొత్తగా వుందని అనుకోవద్దండి..... నాగవల్లీ పత్రం అంటే నాగదేవత పేరుతో వున్నఓ పవిత్రమైన ఆకు. సకల శుభాకార్యాలలోనూ, భగవతారాధనలోనూ ఈ ఆకుకి ప్రముఖ స్థానం వుంది..... అదే తమలపాకు. ఆకు రూపం కూడా నాగ పడగలాగానే వుంటుంది.

గనుక, 26 ఆదివారం నాడు ఎనిమిది తమలపాకులను తీసుకొని, దానిపై మంచి తేనెను రాసి ... నాగదేవతను ఆరాధించే పుట్ట దగ్గరగానీ, నాగ ప్రతిమల వద్ద గానీ పై చిత్రంలో చూపిన విధంగా..... మధ్యలో పసుపు కుంకుమలను వుంచి, దానికి ఎనిమిది వైపులా తేనె రాసిన తమలపాకులను పెట్టి..... సూర్య భగవానుడి వైపు చూస్తూ మనసులోని కోర్కెను తెలియచేస్తూ నాగ దేవతకు ఈ ఎనిమిది ఆకులను నివేదించండి... అంతే ఆరాధన పూర్తి అయినది . ఇవిగాక ఇంకా ఇంకా మీరు నైవేద్యాలు సమర్పించాలంటే ...సమర్పించండి వానిలో ఎటువంటి మార్పు లేదు.... ఈ ఎనిమిది తేనె పూసిన ఆకులు మాత్రమే ఈ నాగపంచమికి ప్రత్యేకం.

ఎనిమిది ఆకులే ఎందుకు? తొమ్మిది వుంచవచ్చు కదా !!... అష్ట దిక్కులకు ప్రాతినిధ్యం వహించే విధంగా ఎనిమిది ఆకులను వుంచుతున్నాం. ఓ సర్పదేవతకు తల భాగాన్ని రాహువుగానూ. తోక భాగాన్ని కేతువు గానూ పురాణ, జ్యోతిష్య, ఆధ్యాత్మిక పరంగా, పిలుచుకుంటాం. ఈ రాహు కేతు గ్రస్తాలతో ఏర్పడిన ఈ గ్రహణాలలో ప్రారంభంలోనే నాగపంచమి పర్వదినాన నాగవల్లీ పత్రంతో రాహు కేతువుల ప్రీతికి ఆరాధన చేసి, నాగదేవత కృపకు పాత్రులుకండి....... శ్రీనివాస గార్గేయ

గ్రహణం రోజున దైవ దర్శనమా ?

2009-07-20T08:55:00.000-07:00

ఖగోళంలో గ్రహణాలు జరిగినప్పుడు మన హిందూ సంప్రదాయం ప్రకారం ఆలయాలలో అర్చనలు లేకుండా ద్వారాలను మూసివుంచి, దర్శనాలను నిలిపి వేయుట ఆనవాయితీ. ఎందుకు ఇలా ఆలయాలను మూసివుంచాలి?

ఎందుకంటే.... జగద్రక్షకులైన సూర్యచంద్రులకు, గ్రహణములు సంభవించునపుడు యావత్ జాతి సూతకులగుదురు.

ఇట్టి సమయంలో ఆలయాలలో దైవ దర్శనాలను నిలిపి వేసి గర్భాలయములను మూసివుంచుట భారతీయ ధర్మశాస్త్ర శాసనము. దీనికి విరుద్ధంగా ఆంధ్రప్రదేశ్ లోని చిత్తూర్ జిల్లా శ్రీ కాళహస్తి పట్టణం పంచభూత లింగాలలో వాయు లింగేశ్వరుడు గా వెలసిన దివ్య క్షేత్రమూ మరియు దక్షిణ కాశీగా పేరొందిన పవిత్ర పుణ్యదేవాలయంలో, సూర్య చంద్ర గ్రహణములు సంభవించే రోజులలో, గర్భాలయమును మూయక, భక్తులను దైవ దర్శనానికి అనుమతిస్తున్నారు.

దాదాపు ౩ వేల సంవత్సరాల క్రితం ఏర్పడిన సంపూర్ణ గ్రహణము తిరిగి ఈ శతాబ్దపు (01.08.2008) పంచమ సంపూర్ణ సూర్య గ్రహణము గా, పంచగ్రహ కూటమితో, పంచకాల సర్పయోగాలకు నాందిపలికిన అశుభ సమయాన, ఎన్నో శతాబ్దాల క్రితం ఆదిశంకరులు ప్రతిష్ట చేసిన స్ఫటిక లింగం శ్రీ కాళహస్తి లో బీటలు వారటం, రెండు ప్రధాన శక్తి ఆలయాలలో(2008) వందల కొద్ది దుర్మరణం జరగటం పాఠకులకు తెలిసినదే.

సూర్యచంద్ర గ్రహణాల రోజున దైవ దర్శనాలను నిలపాలని, గర్భాలయాన్ని మూసివుంచాలని శాసించే ధర్మశాస్త్ర గ్రంధాలు ఎన్నో వున్నాయి కానీ గ్రహణాలలో శ్రీ కాళహస్తి గర్భాలయాన్ని మూయకూడదని, భక్తులకు దర్శనానికి అనుమతి ఇవ్వాలని చెప్పే వివరం, ఏ ధర్మశాస్త్ర గ్రంధంలో, లేక ఏ శైవాగమ గ్రంధంలో వున్నదో ప్రజలకు తెలియజెప్పవలసిన బాధ్యత శ్రీ కాళహస్తి దేవస్థాన పాలకమండలికి, పండితులకి, దేవాదాయశాఖ ఉన్నతాధికారులకు వుంది. కేవలం ఆలయ అర్చకులు చూపే ఏవో చిన్నిపాటి కారణాలు కాక, రాష్ట్ర స్థాయి ఉన్నతాధికారులు స్పందించి ముక్కంటికి మచ్చ లేకుండా చేయాల్సిన అవసరం వుంది.

ఈ విరోధిలో ప్రధానంగా దక్షిణాయనం ప్రారంభమైన వారం రోజులకే 2009 జూలై 22 సంపూర్ణ సూర్య గ్రహణము, 15 జనవరి 2010 అతిపెద్ద కంకణ సూర్య గ్రహణము సంభవించనున్నది. ఉత్తరాయనము ప్రారంభమైన రెండవ రోజే కుంభమేళ పవిత్ర స్నాన సందర్భములో ఈ గ్రహణము ఓ ప్రపంచారిష్టం. ప్రజలు భయపడవలదని మా మనవి.

కనుక ఆయా రోజులలో శ్రీ కాళహస్తి దేవస్థానాన్ని తెరవకుండా వుంచి, భక్తులకు దర్శనాలను ఆపవలెనని, ఆంధ్రప్రదేశ్ రాష్ట్ర దేవాదాయ ధర్మదాయ శాఖ ఉన్నతాధికారులకు వినయముగా తెలియజేయుచున్నాను. లేదా ఆలయాన్ని తెరవవచ్చు అని చెప్పే సరియైన సక్రమమైన అసలుసిసలైన ప్రామాణిక గ్రంధాన్ని చూపెట్ట వలసిన భాద్యత వున్నదని గుర్తుచేస్తున్నాను. ప్రజల క్షేమంకోరే ఈ వార్త వ్రాయటం జరిగింది. అంతేకాని ఆలయ పండితుల మీద అక్కసుకాదని గ్రహించేది. మీడియా ప్రభంజనం ఉన్న నేటి రోజులలో జనవిజ్ఞానవేదిక నుంచి వచ్చే సూటి ప్రశ్నలకు మనం కూడా ఖచ్చిత ప్రమాణాలను చూపించాల్సిన అవసరం వుంది. - శ్రీనివాస గార్గేయ.

కోటి రూపాయల బహుమతి

2009-07-07T07:01:00.000-07:00

" గ్రహభూమి" పాఠకులకు నమస్కారములు.

కోటి రూపాయల బహుమతి ఏమిటని ఆశ్యర్యపోతున్నారా? ఈ రోజు జూలై 7 వ తేదీ ఉదయం 8 గంటల 30 నిమిషాలకు హైదరాబాద్ లో బంజారాహిల్స్ లో TV9 స్టూడియోలో ఒక లైవ్ కార్యక్రమం లో ప్రకటించాను.

వివరాలలోకి వెళదాం.... వరుస మూడు గ్రహణాల వలన అరిష్టాలు వుంటాయా ? అనే కార్యక్రమం కోసం ఉదయం 8 గంటల 30 నిమిషాలకు TV9 లో ప్రత్యక్ష కార్యక్రమంలో నేను, ప్లానేటరీ సొసైటీ కార్యదర్శి శ్రీ రఘునందన కుమార్ పాల్గొన్నాము.

నేను ఒక ప్రశ్నకు సమాధానం చెప్తూ................. మూడు రోజుల క్రిందట ప్రముఖ దినపత్రికలలో ఆగష్టు 7 న ప్రచ్చాయా చంద్రగ్రహణం సంభవిస్తుందని రఘునందన గారు పత్రికా ప్రకటన చేసారు. ఖగోళ శాస్త్ర సంబంధ విషయాలలో నిత్యం కుస్తీ పట్టే రఘునందన గారు చెప్పేది తప్పని... ప్రచ్చయా చంద్రగ్రహణం ఆగష్టు 7 కాదని, ఆగష్టు ఆరు గురువారం సూర్యోదయానికి పూర్వము 4 గంటల 34 నిమిషాలకు ప్రారంభమవుతుందని, జ్యోతిష్య శాస్త్ర రీత్యా తెలియచేస్తున్నానని, రఘునందన్ గారు తప్పుగా మాట్లాడుతున్నారని, లైవ్ కార్యక్రమంలో మాట్లాడాను.......

దీనికి రఘునందన్ గారు... ఆరు కానే కాదని, ముమ్మాటికీ ఆగష్టు 7 నే ప్రచ్చాయా చంద్ర గ్రహణం అని వాదిస్తున్నారు. ఆరునే గ్రహణం వుందని, కోటి రూపాయలు ఛాలెంజ్ అని చేసాను.... 7 వ తేదీ గ్రహణం పడితే ఒక కోటి రూపాయలు నేను ఇవ్వాలి. ఆరవ తేదీన గ్రహణం పడితే తాను నాకు కోటి రూపాయలు ఇచ్చే స్థితిలో లేదట. కేవలం ఓడిపోయిన వ్యక్తిగా ముద్రించుకుంటాడు. కానీ కోటి రూపాలతో నన్ను సిద్ధంగా వుండమని రఘునందన్ గారు చెప్పారు.అంటే తాను 7 వ తేదే గ్రహణం వున్నదని కోటి రూపాయలు నన్ను సిద్ధం చేసుకోనమని పలు సార్లు అన్నారు. నేను కార్యక్రమం చివరి వరకు ఆగష్టు ఆరునే గ్రహణం... ఏడు కాదని వాదిస్తున్నాను.

ఒక నెల రోజులు ఆగండి.... శాస్త్రం గెలుస్తుందో సైన్స్ గెలుస్తుందో అంటూ TV9 సమన్వయ కర్తగా వ్యవహరించిన బద్రి ముగింపు పలికాడు.

ఇది కాగానే... వెంటనే బంజారాహిల్స్ లోని మరొక టెలివిజన్ ఛానల్ I NEWS లో ఈ రోజు ఉదయం 9.30 నుంచి 10.30 వరకు, మరొక గంటసేపు, నాకు రఘునందన్ గారికి మధ్య ప్రత్యక్ష ప్రసారంలో చర్చ జరిగినది. ఈ ఛానల్ లో నేను గంట సేపు మాట్లాడిన సారాంశం ఏమిటంటే .... ఆగష్టు ఆరు సూర్యోదయానికి పూర్వమే గ్రహణమున్నదని, 7 కాదని, ఏడున సంభవిస్తే.... దేశప్రజలందరికీ నేను లెంపలేసుకుంటూ క్షమాపణ చెబుతూ, రఘునందన్ కుమార్ గార్కి కోటి రూపాయలు ఇవ్వబోతున్నాను. అలాగాక ఆరునే గ్రహణం జరిగితే, తాను నాకు కోటి ఇవ్వలేని పరిస్థితి వుంటే.... దేశ ప్రజలందరికీ క్షమాపణ చెప్పుకొమ్మని తెలియచేసాను.

గనుక పాఠకులందరికీ తెలియజేయునది ఏమనగా ఈ అగ్నిపరిక్షలో నేనే గెలవబోతున్నాను. రఘునందన్ కుమార్ ఓడిపోవటానికి సిద్ధంగా వున్నాడని మరోసారి తెలియచేస్తున్నాను....

నమస్కారములతో,

శ్రీనివాస గార్గేయ

ముస్లిం రజ్జబ్ నెలరోజునే భాగ్యనగర బోనాలు ప్రారంభం

2009-06-27T09:45:00.000-07:00

ఆషాడం వచ్చిందంటే చాలు...... తెలంగాణా ప్రాంతంలో ప్రతి ఇంతా బోనాల హడావిడి కనిపిస్తుంది. తెలంగాణాలో ముఖ్యంగా హైదరాబాద్ లో ప్రతి ఆషాడంలోను అత్యంత వైభవంగా జరుగుతున్న ఈ బోనాల పండుగ ఉత్సవాలు ఈనాటివి కావు. ఆషాఢమాసం మొదటి గురువారం గోల్కొండ కోటలో ప్రారంభమయ్యే ఈ బోనాల పండుగ ఉత్సవాలు .......చివరి ఆదివారం వరకు.... నిత్యం ప్రత్యేకమైన పూజలతో జరుగుతాయి.
ప్రతి గురు, ఆదివారాలలో భారీ సంఖ్యలో భోనాలు సమర్పించి మొక్కులు తీర్చుకోవటం ఆనవాయితీ. మూడో ఆదివారం జూలై 12 న సికింద్రాబాద్ లోని ఉజ్జయినీ మహంకాళి ఆలయం లో అమ్మవారికి లష్కర్ బోనాలు సమర్పిస్తారు. తరువాత వచ్చే.. చివరి ఆదివారం నాడు పాతనగరం లోని లాల్ దర్వాజా మాతా సింహవాహిని ఆలయంలో సంబరాలు నిర్వహిస్తారు..... ఇదే రోజున జంట నగరాలలోని 116 ఆలయాలలో బోనాల ఉత్సవాలు నిర్వహిస్తారు.

బోనాలు అంటే ఏమిటి?

భక్తులంతా ఊరేగింపుగా వెళ్లి అమ్మవారికి ప్రీతిపాత్రమైన బోనాలను సామూహికంగా సమర్పించే ఈ అపురూపమైన దృశ్యాలు చూడ చక్కగా వుంటాయి. పెద్దమ్మ, పోచమ్మ, మైసమ్మ, ఆరే మైసమ్మ, కట్టమైసమ్మ, నల్లపోచమ్మ, మారెమ్మ, ఎల్లమ్మ తదితర పేర్లతో కొలువైవున్న ఈ ఎనిమిది మంది గ్రామ దేవతలకు వారి సోదరుడైన పోతురాజు తోడుగా రాగా లక్షలాది భక్తులు ప్రతి ఆషాఢ మాసం లోనూ ఎంతో భక్తి శ్రద్ధలతో బోనాలు సమర్పించుకొని చల్లగా చూడమని మొక్కుతారు. ఈ ఎనిమిది మంది గ్రామ దేవతలకు సమర్పించే మొక్కుబడి లేదా నియమ నిష్ఠలతో తయారు చేసే నైవేద్యమే బోనాలు. ఆడపడుచులంతా కలసి దీనిని ఘటాలలో వుంచి ఊరేగింపుగా వెళ్లి గుడిలో అమ్మవారికి సమర్పిస్తారు. అమ్మవారికి నైవేద్యంగా సమర్పించే పాత్రలను ఘటాలు అంటారు.

ఇక అసలు ముఖ్యమైనది భవిష్యవాణి...

బోనాల పండుగలోని ముఖ్యమైన సంప్రదాయం రంగం చెప్పటం. రంగం చెప్పటమంటే భవిష్యవాణిని వినిపించటమే. రాబోయే కాలంలో వర్షాలు ఎలా కురుస్తాయి? పంటలు ఎలా పండుతాయి? నగరంలో ప్రజల స్థితిగతులు ఎలా వుండబోతున్నాయి ... మొదలైన వివరాలను చెప్పడమన్నమాట. ఇలా చెప్పేది ఒక మహిళ. ఒక కుటుంబానికి చెందినా అవివాహిత మాత్రమే.... తరతరాలుగా ఇలా రంగం చెప్పటం సంప్రదాయంగా వస్తోంది.. సికింద్రాబాద్ లోని చారిత్రాత్మక ఉజ్జయిని మహంకాళి ఆలయంలో కిక్కిరిసిన భక్తజన సందోహం నడుమ అంగరంగ వైభోగంగా జరిగే ఈ కార్యక్రమాన్ని చూడడానికి భక్తులు తండోపతండాలుగా తరలి వస్తారు. గర్భగుడి లోని అమ్మవారి వైపు తదేకంగా చూస్తూ అమ్మ అంశను... తనలో ఇముడ్చుకుందా అన్నట్లుగా...... పచ్చి కుండపై పాదం మోపి భక్తి పారవశ్యంతో ఊగిపోతూ.... భవిష్యత్తును..... వివరిస్తుందా మహిళ.

సికింద్రాబాద్ మహంకాళి జాతరకు 11 వ రోజునే సంపూర్ణ సూర్యగ్రహణం జరగనుంది. ఈ గ్రహణానికి 3 రోజుల ముందుగా వచ్చే ఆదివారం అనగా 19 జూలై తో బోనాల పండుగ ముగియనుంది.... శ్రీ విరోధి నామ సంవత్సరంలో బోనాల పండుగ జూన్ 25 గురువారం పుష్యమి నక్షత్రం ( శని స్వనక్షత్రం ) రోజున ప్రారంభమయ్యాయి. అదే రోజున ముస్లిం సోదరుల రజ్జబ్ నెల కూడా ప్రారంభమైంది. ఇదే పుష్యమిలో ( శని స్వనక్షత్రం ) జూలై 11 న సంపూర్ణ సూర్యగ్రహణం రానున్నది. సికింద్రాబాద్ మహంకాళి జాతర జూలై 12 ఆదివారం శతభిషా నక్షత్రంలో ( రాహువు స్వనక్షత్రం ) జరుగును. రాహుశనుల షష్టాష్టకం లో వచ్చే మకర మాలికా యోగ ప్రభావం భాగ్యనగరం మీద ప్రభావం చూపుతుందా?.....సికింద్రాబాద్ మహంకాళి జాతర రోజున భవిష్యవాణి వినిపించే మహిళ ఏమి చెబుతుందో?...మూడు గ్రహణాలు ముప్పు అంటూ... మొదలుపెడుతుండా?... లేక..... రాజశేఖరుని కొలువుని కీర్తిస్తుందా?

ఏది ఏమైనా మూడు గ్రహణాలు ముప్పు మాత్రం లేదు... భాగ్యనగరంలో హిందూ ముస్లిం భాయ్..భాయ్.. దోస్తికి భంగం వాటిల్లకూడదని మనసారా కోరుకుందాం............... శ్రీనివాస గార్గేయ

పునర్జన్మలపై పరిశోధనలు ఏమంటున్నాయి?

2009-06-26T09:41:00.001-07:00

ఇది ఈ రోజు సాక్షి దినపత్రికలోని వార్తా కధనం. హేతువాద సంఘాలు ఏమంటారో వేచి చూద్దాం.

వరుణ యాగం ముహూర్తం సరైనదేనా ?

2009-06-25T06:34:00.000-07:00

జూన్ మొదటి వారంలోనే ఆంధ్రప్రదేశ్ లో ప్రవేశించి ఊరించిన ఋతుపవనాలు చివరకు నిరాశ మిగిల్చాయి. ఈ యేడాది దేశం మొత్తం మీద నైరుతి ఋతుపవనాల ప్రభావము సాధారణము కంటే తక్కువే వుంటుందని కేంద్ర భూశాస్త్ర విభాగ మంత్రి పృధ్వీ రాజ్ ఢిల్లీలో చెప్పారు.

ఆంధ్రప్రదేశ్ లో జూన్ లో కనీస వర్షపాతమైనా నమోదు కావాలి. ప్రస్తుతం నేల తదిసేవరకు కూడా పడటం లేదు. పూర్తిగా రాష్ట్రం అంతా వర్షాభావం అలుముకుంది. భారత దేశవ్యాప్తంగా కూడా పరిస్థితి ఇలానేవుంది. ఇప్పటికే మాంద్యంతో కృంగి పోయిన ఆర్ధికవ్యవస్థకు వర్షాభావ హెచ్చరిక శరాఘాతం కానుంది.

పుష్కలంగా వర్షాలు కురిసి రాష్ట్రం సుభిక్షంగా వుండటానికి వరుణయాగాలు, ప్రార్ధనలు చేయాలని ముఖ్యమంత్రి రాజశేఖర రెడ్డి సూచించారు. ఆలయాలు, మసీదులు, చర్చిల్లో ప్రత్యేక పూజలు, ప్రార్ధనలు జరపాలని ప్రభుత్వం వారు.... అన్ని మతాల పెద్దలకు విజ్ఞప్తి చేసారు. రాష్ట్రవ్యాప్తంగా 199 పెద్ద, 1819 చిన్న ఆలయాలలో కలిసి మొత్తం 1938 దేవాలయాల్లో వర్షం కోసం ప్రత్యేక పూజలు నిర్వహిస్తామని దేవదాయ, ధర్మదాయ ( దేవాదాయ, ధర్మాదాయ కాదు ) శాఖ మంత్రి గాదె వెంకట రెడ్డి తెలిపారు.

ఈ నేపధ్యం లో తిరుమలలో వరుణ జపాలు, ప్రత్యక పూజలు నిర్వహించనున్నట్లు టి.టి.డి. చైర్మన్ ఆదికేశవులు నాయుడు తెలిపారు. గత యేడాది దాదాపు 40 లక్షలు ఖర్చుపెట్టి వరుణ యాగం చేశారు. అలాగే ఈ సంవత్సరం కూడా హైదరాబాద్ ఎగ్జిబిషన్ గ్రౌండ్స్ లో 108 హోమగుండాలతో జూలై 2 నుంచి 4 వరకు వరుణయాగం చేయనున్నారు టి.టి.డి. వారు.

అయితే మేము తెలియచేసే వివరాలు ఏమిటంటే గతంలోనూ, ఎన్నోసార్లు వరుణయాగాలు చేసి విజయం సాధించని దాఖలాలు వున్నవి. దీనివలన యాగాల కొరకు సొమ్మును వృధా చేస్తున్నారు అనే విమర్శలు కూడా వినిపిస్తున్నవి.వరుణయాగం చేయాలనుకున్నప్పుడు కేవలం సేవాభావంతో, భక్తి తత్పరతతో, విశ్వాసంతో సరైన నక్షత్ర బలంతో పునాది వేస్తే, ఆ భక్తిచే భగవంతునితో బంధం ఏర్పడుతుంది. గనుక ప్రాధమిక విషయాలు గుర్తించకుండా, విపరీతంగా డబ్బు ఖర్చుపెట్టి.... ఫలితాలు రాకపోతే, ఇతరులచే నిందింపబడేదానికన్నా........ ముందుగా జ్యోతిష్య పండితులలో సిద్ధహస్తులైన వారితోనే ప్రభుత్వ అధికారులు చర్చలు జరపాలి........ఏమి చర్చలు ?..... దేని కోసం?

నాచే రచింపబడిన శ్రీ విరోధి సంవత్సర " గ్రహభుమి " పంచాంగం ( పేజీ నెంబర్ 31 ).... " కాలచక్రం " పంచాంగం ( పేజీ నెంబర్ 40 ) లలో ఆఢక మేఘ వాయి నిర్ణయాలు అనే శీర్షికలో జూన్ ఆఖరి నాటి పరిస్థితి తెలియజేస్తూ "త్రాగునీటికి తీవ్ర ఎద్దడి యేర్పడును. ఋతుపవనాలకై వేచి వుందురు." జూలై 4 వ తేది తరువాత వాతావరణము ఆంద్రప్రదేశ్ లో కొన్నిచోట్ల చల్లబడును. బంగాళాఖాతంలో ద్రోణి ఏర్పడినప్పటికీ ఫలితం తక్కువ" అని వ్రాసాను.

నా పంచాంగం లో జూలై 4 తరువాత వాతావరణం చల్లబడును అని వుంది గనుక, 4 వ తేదీతో వరుణయాగం ముగిస్తే.... విజయం పొందామని ఊహించవచ్చు.......... కాని ఫలితం తక్కువేనని నేనంటున్నాను. ఎందుకంటే.... వరుణయాగం చేసే సమయంలో ముఖ్యంగా చంద్రుడు జల సంబంధ రాశులలో వుంది తీరాలి అప్పుడే యాగం విజయవంతమవుతుంది. అనగా చంద్రుడు కర్కాటక, మీన , మకర, రాశులలో వుండి ఇతర గ్రహ సంచారం అనుకూలంగా వుండాలి. అలాంటప్పుడు జూలై 8,9,10 తేదీలలో వరుణయాగ సంబంధిత వేదమంత్రాలు, వరుణప్రియ, అమృతవర్షిణి రాగాలతో సంగీత ఝరి ఏర్పాటు చేస్తే తప్పక వరుణ దేవుడు కరుణించి కటాక్షిస్తాడు.

కాబట్టి టి.టి.డి వారు జూలై 2,3,4 తేదీలు కాకుండా జూలై 8,9,10 తేదీలలో వరుణయాగం ఏర్పాటు చేస్తే, చంద్రుడు మకర రాశిలో వున్నందున పూర్ణ ఫలితం లభిస్తుంది. చెప్పేటంతవరకే నా కృషి..... వినని వారిని భగవంతుడు కూడా ఏమీ చేయలేడు.................. శ్రీనివాస గార్గేయ

వరుసగా 3 గ్రహణాలు రావటం మహా ప్రళయానికి కారణమా?

2009-06-24T10:35:00.000-07:00

2 చంద్ర గ్రహణముల మధ్య ఓ సూర్యగ్రహణము లేదా 2 సూర్య గ్రహణముల మధ్య ఓ చంద్ర గ్రహణము వరుసగా రావటం అరుదైన విషయం కాదు. తరచుగా వస్తుంటాయి ఈ విషయం చాలా మందికి తెలియకపోవటంచే........ నిన్న - ఈరోజు ఆంధ్రప్రదేశ్ లోని తెలుగు టి.వి. ఛానళ్ళు ఊకదంపుడుగా ప్రసారం చేయటానికి వెనుక వున్న విషయం ఏమిటంటే... ఓ అవగాహన లేని వ్యక్తి ప్రపంచ ప్రళయాన్ని గురించి పుస్తకం రాయటం.

2 చంద్ర గ్రహణముల మధ్య ఓ సూర్యగ్రహణము లేదా 2 సూర్య గ్రహణముల మధ్య ఓ చంద్ర గ్రహణము వరుసగా రావటం అరుదైన విషయం కాదు. తరచుగా వస్తుంటాయి ఈ విషయం చాలా మందికి తెలియకపోవటంచే........ నిన్న - ఈరోజు ఆంధ్రప్రదేశ్ లోని తెలుగు టి.వి. ఛానళ్ళు ఊకదంపుడుగా ప్రసారం చేయటానికి వెనుక వున్న విషయం ఏమిటంటే... ఓ అవగాహన లేని వ్యక్తి ప్రపంచ ప్రళయాన్ని గురించి పుస్తకం రాయటం.

అసలు ఈ ప్రళయం నిజమేనా?....అనే విషయంపై ఒక జ్యోతిష్య పండితుడిగా మీకు ఎన్నో విషయాలు చెప్పాల్సి వుంది. వరుసగా మూడు గ్రహణాలు రావటం అరుదు కానేకాదు. తరచుగా వస్తుంటాయి. రెండు సూర్య గ్రహణాల మధ్య ఓ చంద్ర గ్రహణము, రెండు చంద్ర గ్రహణాల మధ్య ఓ సూర్య గ్రహణము లాంటివి ఒక శతాబ్దానికి దాదాపు 28 వరకు వస్తుంటాయి. గత 60 సంవత్సరాల నుంచి చూసినచో ఇప్పటి వరకు 15 సార్లు వరుస గ్రహణాలు వచ్చాయి.

1951 ఆగష్టు 17 చంద్ర......... సెప్టెంబర్ 01 సూర్య........సెప్టెంబర్ 15 చంద్ర గ్రహణములు
1953 జూలై 11 సూర్య...........జూలై 26 చంద్ర...............ఆగష్టు 09 సూర్య గ్రహణములు
1958 ఏప్రిల్ 04 చంద్ర...........ఏప్రిల్ 19 సూర్య............ మే 03చంద్ర గ్రహణములు
1962జూలై 17 చంద్ర............ జూలై 31 సూర్య...............ఆగష్టు 15 చంద్ర గ్రహణములు
1964 జూన్ 10 సూర్య...........జూన్ 25 చంద్ర.................జూలై 09 సూర్య గ్రహణములు
1969 ఆగష్టు 27 చంద్ర..........సెప్టెంబర్ 11 సూర్య.........సెప్టెంబర్ 25 చంద్ర గ్రహణములు
1971జూలై 22 సూర్య........... ఆగష్టు 06 చంద్ర.............ఆగష్టు 21 సూర్య గ్రహణములు
1973 జూన్ 15 చంద్ర.............జూన్ 30 సూర్య..............జూలై 15 చంద్ర గ్రహణములు
1980జూలై 27 చంద్ర.............ఆగష్టు10సూర్య.............ఆగష్టు 26 చంద్ర గ్రహణములు

ఈ ప్రకారంగా వరుస గ్రహణాలు ఇంకా ఇంకా వచ్చాయి. పై వాటిలో సంపూర్ణ గ్రహణాలు, పాక్షిక గ్రహణాలు, ప్రచ్చాయ గ్రహణాలు కలిసి వున్నాయి. 36 సంవత్సరాల క్రితం 1973 లో జూన్ 30వ తేదీ సంపూర్ణ సూర్య గ్రహణం వచ్చి ముందు వెనకాలలో చంద్ర గ్రహణాలు వచ్చినట్టు ఈ 2009 లో కూడా జూలై 22 న సంపూర్ణ సూర్య గ్రహణము ముందు వెనకాలలో చంద్ర గ్రహణాలు రాబోతున్నాయి.

అవగాహనలేని పండితుడు చెప్పిన విధంగా వరుస గ్రహణాలు వస్తే ప్రపంచ యుద్ధం వస్తుంది కదా! మరి ఒక శతాబ్దానికి 28 సార్లు వరుస గ్రహణాలు వస్తే, అన్నిసార్లు ప్రపంచ యుద్ధాలు వచ్చాయా? ఏ మాత్రం అవగాహన లేని వారు ఏదో చెప్పినంత మాత్రాన....దానిని మీడియా వారు పెద్దది చేసి చూపిస్తే..... మనో దౌర్భల్యం కల వారు చూస్తే వారి గతి ఏమవుతుంది. విజ్ఞులు ఆలోచించాలి. అవగాహన లేని వారి వలన జ్యోతిశాశ్ర్తమే అవహేలనకు గురై, హేతువాదుల దృష్టి లో మాయని మచ్చతో బ్రష్టుపట్టి పోతున్నది శాస్త్రం.

ఇంతకీ అసలు విషయానికి వద్దాం...... సంపూర్ణ సూర్య గ్రహణం జరుగుతున్నదా? నిజమే జరుగుతుంది. వరుసగా మూడు గ్రహణాలు వస్తున్నాయా? వస్తున్నాయి. అయితే ఏమిటి? ఎవరికి సమస్య? అనే కోణం లోనే ఆలోచించాలి. వరుస మూడు గ్రహణాలు రావటం వలన ప్రమాదమేమి లేదు. ముప్పు అంతకంటే లేదు కేవలం మకర మాలికా యోగ దేశారిష్టం తో సంపూర్ణ సూర్య గ్రహణం కలసి రావటం 400 సంవత్సరాల తరువాత వస్తున్నది. దీని వలన ప్రపంచానికి ఎలాంటి ముప్పు లేదు........ ఇది కేవలం దేశారిష్టమే. దేశం నిత్యం అరిష్టాలతోనే సాగుతున్నది. ఒకవైపు ఉగ్రవాద మరోవైపు ఏర్పాటువాదం. వీరి దుష్కార్యాలు మరికొంత పెరగటానికి అవకాశం ప్రస్తుతం వుంటుంది. కొన్ని చోట్ల భూకంపాలు రాగల సూచన వుంది అంతేతప్ప మహా ప్రళయాలు కాదు . లుంబినీ పార్క్, గోకుల్ చాట్ లాంటి చోట్ల జరిగిన బాంబ్ దాడులలో అమాయకులు బలైపోతున్నారు. ఇలాంటి దుష్కార్యాలు అంతం కావాలి. దానికి ప్రభుత్వాలు నడుం కట్టాలి. వ్యక్తుల వలన తీరే పని కాదు.

కనుక ఇలాంటి దేశారిష్ట యోగాల వలన మనకు మనం పరిహారాల ద్వారా రక్షించుకొనాలి. గనుక పాఠకులకు తెలియచేయినదేమనగా వరుసగా ముప్పై రోజులలో వచ్చే మూడు గ్రహణాల వలన ప్రపంచం తలక్రిందులు కాదు. యుద్ధాలు రానే రావు. ప్రళయాలు అంతకంటే రావు. మనో దౌర్భల్యం తో ఆలోచించి, ఆరోగ్యం పాడుచేసుకొని భాదపడేదాని కన్నా సత్యాన్ని గ్రహించి భగవంతుడిని ధ్యానిస్తే తప్పక శుభకర ఫలితాలు కలుగుతాయి. నేను చెప్పే ఈ నిజాన్ని నమ్మి మీ స్నేహితులకి తెలియచేప్పండి. అవగాహన లేని ఆకతాయిలు చెప్పే అసత్యాలను త్రిప్పి కొట్టండి............. శ్రీనివాస గార్గేయ

నేడే ఆషాఢం ప్రారంభం - పండుగలు ముఖ్యదినాలు

2009-06-23T01:52:00.000-07:00

జూన్ 24 ఆషాఢమాస చంద్రోదయము, పూరి జగన్నాధుని రధయాత్ర
25 పితృతిధి ( శ్రాద్ధతిధి ) ద్వయము తదియ, చవితి
26 పితృతిధి పంచమి
27 స్కంద పంచమి, కుమార షష్టి, పితృతిధి షష్టి
28 వివస్వతసప్తమి
జూలై 1 దధివ్రతారంభం
2 హరిశయనేకాదశి ( తొలి )
3 పితృతిధి ద్వాదశి
4 స్వామి వివేకానంద వర్ధంతి, పితృతిధి త్రయోదశి
5 పితృతిధి చతుర్దశి
6 పితృతిధి పూర్ణిమ
7 మహాషాడి, వ్యాస పూర్ణిమ, కోకిలావ్రతం, శివశయనోత్సవం, ప్రచ్చాయలో చంద్రగ్రహణం ( చంద్రుడు కాంతి విహీనమవును, నల్లగా కాడు )
11 సంకష్టహరచతుర్ది
12 సికింద్రాబాద్ లో మహంకాళి జాతర
16 కర్కాటక సంక్రమణం మ. 03.11 నిమిషాలు ( కర్కాటక సంక్రాంతి )
18 కామికా ఏకాదశి
20 మాస శివరాత్రి, పితృతిధి ద్వయం ఏకాదశి, ద్వాదశి
21 పితృతిధి అమావాస్య
22 సంపూర్ణ సూర్యగ్రహణం, సింహాయనం, ఆషాఢ అమావాస్య

ముక్కంటీశ్వరుడు ముందే జాగ్రత్త పడుతున్నాడా?

2009-06-22T10:33:00.000-07:00

శివుడంతటివాడే పోయి చెట్టు తొర్రలో కూర్చున్నాడట....... మనం తరచుగా వింటూ వుంటాము ఈ వాక్యాన్ని. తిరుమల మూడునామాల వెంకన్న స్వామిది శ్రవణా నక్షత్రం...మకర రాశి. పాపం.... ఆ స్వామి అష్టమశని వేదనతో 2007 జూలై నుంచి బాధపడుతున్నాడు.అందుకే ఏదో ఒక కారణంతో నిత్యం తిరుమలేశుడు మీడియాలోకి ఎక్కుతున్నాడు. ఒకసారి గొలుసు తెగిందని.....వస్త్రం అంటుకున్నదని, జ్యోతులు కొండెక్కాయని, ఊరేగింపులో వాహనానికి తల లేదని, ఎన్నో....ఎన్నెన్నో అపచారాలతోను.....అర్చకుల కుమ్ములాటతోను....వైకుంఠ ఏకాదశి రోజున భక్తుల అష్టకష్టాలతోనూ.... అబ్బబ్బ... స్వామిని అష్టమశని ఇబ్బంది పెడుతున్నాడు. మరి ఈ స్వామి 2009 సెప్టెంబర్ 9 వ తేదీతో అష్టమశని బారి నుంచి విముక్తి కానున్నాడు. అంతవరకు వెంకన్న స్వామికి తిప్పలు తప్పవు.

కనీసం తిరుమల తిరుపతి దేవస్థానం వారు కూడా ఈ సంగతిని అర్ధం చేసుకోనరు. అక్కడ యాగాలు.... ఇక్కడ యాగాలు అంటుంటారు తప్ప. స్వామివారికి శని వేదన నుంచి రక్షించే యాగానికి సన్నద్ధం కారు. నా లాంటివాడు నా పంచాంగం "కాలచక్రం", "గ్రహభుమి" లో ముందుగా చెప్పినా, ఆలకించిన వారూ లేరు...

ఇదంతా ఎందుకు చెబుతున్నానంటే..... ఆ ప్రక్కనే వున్న శ్రీకాళహస్తి ముక్కంటిస్వామీ మీడియా గోలలో ఎక్కడ ఇరుక్కుంటానని అనుకున్నాడేమో! ఎందుకో తెలుసా? వెంకన్న స్వామీ తరువాత తన వంతు అవుతుంది....... ఎందుకని ?........ తనది ఆర్ద్ర నక్షత్రం... మిధున రాశి... 9 సెప్టెంబర్ 2009 నుంచి తనకు అర్ధాష్టమ శని పట్టుకుంటాడు. ఇక నిత్యం మీడియాలో నానాలి. పైగా ఆంధ్రరాష్టంలో పాతికపైగా ఛానళ్ళు వున్నాయి. కెమెరాలు, గొట్టాలు పట్టుకొని గుడికి వస్తారు....నిమిషాల మీద లైవ్ ప్రోగ్రాములు ఏర్పాటు చేస్తారు.....అమ్మో..... ఇంత దారుణం నుంచి గాలిస్వామి బయట పడాలనుకున్నాడెమో!...... ఇక తనకు తిప్పలు తప్పవు...... ఈ తిప్పలు తప్పుకోవాలంటే ..... ఓ రక్షక కవచం తనకు కావాలనుకున్నాడు.

అసలే వాయులింగేశ్వరుడు...... ఇంకేముంది!.. గాలిలో ఎస్.ఎం.ఎస్ పంపాడు. ఎవరికీ? కర్ణాటకలోని గాలి కరుణాకర రెడ్డి కి ....కరుణాకర! నీ సోదరుడు మూడు నామాల స్వామికి కిరీటం చేయించాడు. మరి ఈ మూడు నేత్రాల స్వామికి తక్షణం నవగ్రహ కవచం చేయించు. జ్యోతిష్య పండితులు అర్ధాష్టమ శని వస్తుందని అంటున్నారు.....తక్షణమే సిద్ధం చేయ్ అని హుకుం జారి అయింది కరుణాకర్ కి .

పంచభూత లింగాల్లో వాయులింగేశ్వరుడుగా ప్రశిద్ధినొందిన శ్రీకాళహస్తీశ్వరుడు ఇకపై నవరత్నాలు, వజ్రాలు పొదిగిన బంగారు నవగ్రహ కవచంతో భక్తులకు దర్శన భాగ్యం ఇవ్వనున్నాడు. స్వర్ణ శోభితమైన నవరత్న మయమైన నవగ్రహ అలంకార కవచాన్ని 60 లక్షల రూపాయలతో వాయు లింగ ( గాలి ) స్వామికి బహుకరించారు కర్నాటక రాష్ట్ర రెవిన్యు మంత్రివర్యులు గాలి కరుణాకర రెడ్డి మరియు కుటుంబ సభ్యులు.

ఈ నవగ్రహ కవచంలో 27 నక్షత్రాలు, నవగ్రహాలు మలిచారు. ఒక్కో నక్షత్రానికి 27 వజ్రాల ప్రకారం 729 వజ్రాలను పొదిగారు. జ్యేష్టమాస సోమ అమావాస్య ముందు రోజు ఆదివారం 21 జూన్ 2009 న శ్రీకాళహస్తి లోని స్థానిక త్రినేత్ర అతిధి గృహం నుంచి వేద మంత్రాలతో మంగళ వాయిద్యాలతో నవగ్రహ కవచాన్ని ఊరేగింపు చేసి ఆలయంలోకి తీసుకొని వచ్చారు గాలి కుటుంబ సభ్యులు.

ఈ గాలి స్వామికి గాలి సోదరుల వితరణ చేసిన నవగ్రహ కవచంతో.....
తాను అర్ధాష్టమ శని బారి నుంచి తట్టుకొని......
తన చెంతకు వచ్చే భక్తులను చల్లగా అనుగ్రహిస్తాడని ఆశిద్దాం................శ్రీనివాస గార్గేయ

మావోయిస్టులపై నిషేధం మకర మాలికా యోగ దేశారిష్ట ఫలితమేనా?

2009-06-22T08:07:00.000-07:00

రక్త రహిత యుద్ధం రాజకీయాలు కాగా,

నెత్తురు తడిసిన రాజకీయాలే యుద్ధం.... అని మావో సూత్రీకరించారు.

హింస రచన, ధ్వంస రచనలే విప్లవ పంథాగా విరుచుకుపడుతున్న మావోయిస్టుల ఆటకట్టించటానికి నేడు భారతదేశ ప్రభుత్వం నిషేధం విధించటం, ఈ నిషేధం దేశంలోని అన్నీ రాష్ట్రాలకు వర్తిస్తుందని కేంద్ర ప్రభుత్వం ప్రకటన చేసింది.

భారత ఉపఖండాన్ని విముక్తం చేసి నూతన ప్రజాస్వామిక విప్లవం సాధించాలనే రాజకీయ లక్ష్యానికి అనుగుణంగా ఏటికేడు దేశంలో మావోయిస్టులు విస్తరిస్తున్నారు. భద్రతా దళాలు నేరుగా తమపై కార్యాచరణకు దిగకుండా వ్యూహాత్మక యుద్ధ తంత్రాన్ని మావోయిస్టులు అనుసరిస్తున్నారు. భారత దేశంలో ఏడు రాష్ట్రాలలో మావోయిస్టుల హల్ చల్ నడుస్తున్నది. ఒరిస్సా, జార్ఖండ్, ఛత్తీస్ ఘడ్లలో విధ్వంసాలకు పాల్పడుతున్నారు.

రెండేళ్ళ క్రిందట గెరిల్లా యుద్ధ తంత్రాన్ని సంచార యుద్ధంగా మార్చుకున్న మావోయిస్టులు ప్రస్తుతం తదనంతర దశ అయిన పొజిషినల్ వార్ కు సిద్ధమయ్యారు. తమ ప్రాబల్యమున్న ప్రాంతాల్లో ప్రభుత్వ బలగాలతో ప్రత్యక్ష యుద్ధానికి తెగపడుతున్నారు. స్థానికుల అండ దొరికిన చోటల్లా కాలుదువ్వి రక్షణ బలగాలకు సవాలు విసురుతూ, తమ ప్రాబల్యం పెరిగిందని రుజువు చేసుకుంటున్నారు.

ఇలాంటి పరిస్థితులలో వున్న మావోయిస్టులు, ఉగ్రవాద సంస్థలతోకూడా సంబంధాలు పెట్టుకొని ,అత్యంత అధునాతన ఆయుధాలు చేతబడుతున్నారు. ఉగ్రవాదం, తీవ్రవాదం.......... ఈ రెంటితో దేశ భద్రతకు తూట్లు పొడుస్తూ.......... తుపాకీ గొట్టం ద్వారా రాజ్యాదికారమన్న ఆటవిక భావజాలంతో........... శాంతి భద్రతలకు చితి పేరుస్తూ ఇష్టారాజ్యంగా చెలరేగుతున్న సమయంలో........భారత ప్రభుత్వం ఆ ముప్పును తిప్పి కొట్టే ఏదైనా జాతీయ వ్యూహం రూపొందించాల్సిన అవసరం వుంది........

............ఓ జాతీయ వ్యూహం రూపొందించకుండా ఈరోజున అంటే 22 జూన్ 2009 జ్యేష్టమాసం సోమఅమావాస్య మృగశిర నక్షత్రంలో, కేంద్రం మావోయిస్టులపై నిషేధం విధించటం దుష్ట మకర మాలికా యోగ దేశారిష్ట ఫలితమేనని చెప్పక తప్పదు. ఎప్పటినుంచో నిషేధం విధించకుండా ఈ దేశారిష్ట సమయంలోనే విధించటం జ్యోతిశ్శాస్త్ర రీత్యా సబబు కానే కాదు.

ఫలితాలు ఎలావుంటాయి ?

మావోయిస్టులు ఏమి చేస్తారు ?

.... మొదలైన జ్యోతిష్య విశేషాలకై

తదుపరి పోస్టింగ్ లో తెలుసుకుందాం................. శ్రీనివాస గార్గేయ

9 వ సం.. 9 వ నెల.. 9 వ తేదీ... 9 గంటల ... 9 నిముషాల.. 9 సెకన్లకు... ఏమవుతుంది ?

2009-06-21T05:07:00.000-07:00

9 వ సం.. 9 వ నెల.. 9వ తేదీ... 9 గంటల ... 9 నిముషాల... 9 సెకన్లకు... ఏమవుతుంది ప్రపంచంలో. అనే ఆత్రుత అందరిలో ఉంటుంది. ఇప్పుడు చెప్పిన 6 తొమ్మిది అంకెలను కలపగా 54 మొత్తం వస్తుంది. ఈ రెండు అంకెలను కలిపితే మరల తొమ్మిది సంఖ్య వస్తుంది. తొమ్మిది సంఖ్య కుజగ్రహానికి ప్రతీక. ఇలా ప్రతి సంవత్సరం ఒక అంకె ప్రత్యేకంగా వస్తూనే ఉంటుంది. అలా ప్రత్యేకంగా వచ్చిన రోజును కొంతమంది అదృష్టంగా భావిస్తే, మరికొంత మంది అరిష్టంగా భావిస్తారు. గత 2008 లో ఆగష్టు 8 న బీజింగ్ లో ఒలంపిక్స్ ప్రారంభమయ్యాయి. మరి ఈ 2009 లో ప్రత్యేకత ఏమిటి? ఖగోళ ప్రత్యేకత ఏమిటి? శాస్త్ర ప్రత్యేకత ఏమిటి?...

ఒక్కసారి ఆలోచిస్తే ప్రతి సంవత్సరం ఇలాగే ఒకే అంకె రావటం మామూలే. అయితే ఖగోళంలో శని గ్రహం ఈ రోజే సింహరాశి నుంచి కన్యారాశికి ప్రయాణమై వెళుతుంది. ఈ రోజుతోనే మకర మాలికా యోగ అరిష్టం వెడుతుంది. ఈనాటి నక్షత్రం భరణి. ఈ రోజును భరణీమహాలయం అని పిలుస్తారు. పితృదేవతల కాలమే మహాలయపక్షాలు. దీనినే పితృపక్షంగా చెప్తారు. భరణీ నక్షత్రానికి యముడు అధిపతి. ఖచ్చితంగా పైన తెల్పిన ఆరు తొమ్ముదులు తులా లగ్నంలో వుంటాయి. తుల లగ్నానికి అధిపతి శుక్రుడు. ఈ శుక్ర నక్షత్రమే భరణీ. ఈ భరణీ నక్షత్రముండేది మేషరాశిలో. ఈ మేషరాశి అధిపతి కుజుడు. విచిత్రమేమంటే పై ఆరు తొమ్మిది సంఖ్యలు తులా లగ్నంలో వస్తుంటే, తొమ్మిది సంఖ్యకు అధిపతైన కుజుడు తులా లగ్నం నుంచి తొమ్మిదవ స్థానంలోనే వున్నాడు. తమాషాగా ఉంది కదూ!

ఇలా కబుర్లు చెప్తూపోతే కొండవీటి చేంతాడంత అవుతుంది. ఇదంతా మనకి అనవసరం. కాకతాళీయంగా ఈనాడు భరణీ మహాలయం వచ్చింది. శని కన్యా రాశికి వస్తున్నాడు. మకర మాలికా యోగ దుష్ఫలితాలు పోతున్నాయి. వృషభ, మకర, కర్కాటక రాశులవారు ఎంతో సంతోషంతో వుండాలి. ఎందుకో తెలుసా? శని వేదనల నుంచి విముక్తి. మరి మిధున, కుంభ, తులారాశులవారు శని వేదనలోకి వెడతారు. కనుక ఈ భరణీమహాలయం రోజున పితృదేవతలని స్మరించండి. శుభాలు జరగాలని కోరుకోండి. తెల్లవారితే తొమ్మిది పోతుంది. తమాషాగా బాగుంది కదూ! ....
...............................శ్రీనివాస గార్గేయ

కురుక్షేత్ర సంగ్రామం ఎప్పుడు జరిగింది ?

2009-06-19T09:25:00.000-07:00

విశ్వ విశ్వాంతరాళాల్లో ఎన్నో అద్భుతాలు జరుగుతుంటాయి.
ఈ సృష్టి ఏమిటి? ఈ సృష్టి రహస్యమేమిటి?
ఈ విషయాలపై చర్చలు సాగించి పరిశోధనలు చేయాలంటే,
వేయి జన్మలు ఎత్తినా తెలుసుకోనలేమని అనిపిస్తుంది.
ఖగోళమండలం గురించి వైజ్ఞానిక శాస్త్రం ఎన్నో కొత్త పుంతలు తొక్కినప్పటికీ,
గత విషయాలపై దృష్టి సారించి తెల్సుకోనాలనే తపన కొంతమందికి ఉండవచ్చు.
ఆసక్తితో తెల్సుకోనాలనే జిజ్ఞాస కొంతమందికి వుంటే..
మరికొంత మందికి తెలుసుకొని ఏమి చేస్తాము? ఎందుకు ఉపయోగపడతాయి?
ఎవరికీ ఉపయోగపడతాయి? ... అని తర్కించవచ్చు.
అలా అనుకుంటే పొరపాటే.
మరి పరాశరుడు, వరాహమిహురుడు, ఆర్యభట్ట అలా అనుకొనివుంటే...
చరిత్ర ఇలా వుండేది కాదేమో!

పంచమ వేదంగా చెప్పుకోనేటువంటి మహాభారత గ్రంధంలో ఉదహరించబడిన కొన్ని విషయాలను ప్రామాణికములుగా తీసుకుంటే కురుక్షేత్ర సంగ్రామం ఎప్పుడు జరిగినది? ఏ తేదీన జరిగినది? అనే అతి క్లిష్టమైన వివరాలను శోధించవచ్చు. పుక్కిటి పురాణంగా కొందరు కొట్టివేయవచ్చు. కానీ గార్గేయ జ్యోతిష్య పరిశోధనా సంస్థ మాత్రం అనేక విషయాలపై దృష్టి సారించి పరిశోధనలు చేయాలని సంకల్పించింది .

ఇందులో భాగంగా వాస్తవ వైజ్ఞానిక పరిశోధనాత్మక శాస్త్రీయంగా వెలువడే మా "గ్రహభూమి" బ్లాగ్ లో కొన్ని వివరాలను మా అభిమాన పాఠకుల కొరకై ఇస్తున్నాము. ఇంకా ఇంకా శోధించి, సాధించి రాబోయే తరాల వారికైనా ఉపయోగపడాలనే చిన్న ప్రయత్నంతో ముందుకు వెడుతూ స్వల్ప వివరాలను మీ ముందుంచుతున్నాను.

మహాభారతంలో చెప్పబడిన అంశాలు ఏమిటంటే...

1.కురుక్షేత్ర సంగ్రామం 18 రోజులు జరిగినది.
2.యుద్ధం ప్రారంభమైన తరువాత వచ్చిన అమావాస్య జ్యేష్ఠానక్షత్రం అయింది.
3. యుద్ధసేనలు యుద్ధభూమిలో అడుగిడిన నాడు పుష్యమి నక్షత్రం.
4.యుద్ధం చివరి ఉత్తరాయణ ప్రారంభపు రోజుకు మధ్య 50 రోజులు.
5.మాఘశుక్ల పంచమి నాడు ఉత్తరాయణ పుణ్యకాలం వచ్చింది.
6.యుద్ధం పదో రోజుకి, మాఘశుక్ల పంచమికిమధ్య యాభై ఎనిమిది రోజులు.
7.భీష్మనిర్యాణం మాఘ శుక్ల ఏకాదశి నాడు. ఈ రోజుకు యుద్ధం ముగిసిన రోజుకి యాభై ఆరు రోజులు. 8.రాయబారానికి కృష్ణుడు కార్తీక మాసం రేవతి నక్షత్రం నాడు హస్తినాపురానికి వెళ్లారు.
9.ఉత్తరాయణ ప్రారంభపు రోజు నుంచి వెనుకకు వస్తే 51 వ రోజు రాత్రితో 18 రోజుల సంగ్రామం ముగిసింది.
10. పాండవుల వనవాస ప్రారంభంలో ఓ సూర్యగ్రహణ మేర్పడినదని, ద్వారకలో కనబడినదని సభాపర్వంలో విదురుడు చెబుతాడు.
11.భీష్మపర్వంలో (3.29) ఓ సూర్యగ్రహణం పక్షం వ్యవధి లోపల మరో చంద్రగ్రహణం యేర్పడినదని, ఇది కురుక్షేత్రలో కనపడినదని చెప్పబడినది.
12.సభాపర్వంలోని మొదటి సూర్యగ్రహణానికి, భీష్మ పర్వంలోని రెండవ సూర్యగ్రహణానికి మధ్య వ్యవధి 15 సంవత్సరాలని చెప్పబడినది.
13.మౌసలపర్వం ( 2.19-2.20 ) లో మరో సూర్యగ్రహణం కురుక్షేత్రలో దర్శనమిచ్చినట్లు వున్నది. 14.భీష్మపర్వంలోని సూర్యగ్రహణానికి మౌసలపర్వంలోని సూర్యగ్రహణానికి మధ్య 35 సంవత్సరాల వ్యవధి వున్నట్లు చెప్పబడినది. మౌసల పర్వంలోని గ్రహణ సమయంలో గురుగ్రహము మీనరాశిలో స్వక్షేత్రంలో, స్వనక్షత్రమైన పూర్వాభాద్ర నుంచి ఉత్తరాభాద్రకు మారడం జరిగినది.
15.అనుకూలించనటు వంటి గ్రహస్థితులు కురుక్షేత్ర యుద్ధ ప్రారంభమైన కార్తీక పూర్ణిమకు, దానికి ముందున్న సూర్యగ్రహణానికి మధ్యన జరిగినట్లుగా భీష్మపర్వం ( 3.14-3.19 )లో చెప్పబడినది.
16.యుద్ధ ప్రారంభమైన 8 వ రోజున శని గ్రహం రోహిణి నక్షత్రంలో వుండి, కుజ గ్రహం అనూరాధ నుంచి జ్యేష్ఠా నక్షత్రంలోకి ప్రవేశించినట్లు వుంది.
17.యుద్ధం ముగిసిన 4రోజులకు లేదా కార్తీక పూర్ణిమ నుంచి 22 రోజులకు శనిగ్రహం రోహిణి నక్షత్రంలోనే వున్నది. 18. కురుక్షేత్ర సంగ్రామానికి ముందు 13 రోజుల వ్యవధిలో సూర్య చంద్ర గ్రహణాలు జరిగినట్లు భీష్మ పర్వం చెపుతుంది.

పై ప్రకారంగా ఖగోళ సంబంధిత పంచాంగ వివరాలు మహాభారతంలో పొందుపరచబడినవి. పై వివరాలను ఆధారంగా చేసుకొని నేటి ఆధునిక వైజ్ఞానిక విజ్ఞాన సంపదతో ఆలోచిస్తే 3300 బి.సి. - 700 బి.సి. వరకు ఒక మాసంలో జంటగా వచ్చిన గ్రహణాలు 672 వున్నవి. ఇందులో 2 గ్రహణాల మధ్య 13 రోజులు వచ్చినవి కేవలం 6 మాత్రమే వున్నవి. భీష్మపర్వంలో చెప్పిన విధంగా కురుక్షేత్ర సంగ్రామానికి ముందు 13 రోజుల వ్యవధిలో రెండు గ్రహణాలు వచ్చినట్లు వుంది. కానీ ప్రస్పుటంగా ఇంత కాలం అని ఉదహరించలేదు.

పైన తెల్పిన వివరాలను బట్టి యుద్ధం కార్తీకమాస పూర్ణిమకు ప్రారంభమైనదంటే, రవి వృశ్చికరాశిలో వుంటాడు. 16 వ పాయింట్ ప్రకారం శని వృషభరాశిలోను, కుజుడు వృశ్చికరాశిలోను వుంటారు. మౌసలపర్వంలో చెప్పబడిన గ్రహణ సమయంలో గురుగ్రహము మీన రాశిలో వున్నాడు ఈ గ్రహణానికి 35 సంవత్సరాల ముందు ఏర్పడిన గ్రహణంలో కురుక్షేత్ర సంగ్రామం కీలకమైనది. ఆ సమయానికి గురుగ్రహం ఎక్కడ వున్నాడో వెనక్కి వెళ్ళాలి.

కార్తీక పూర్ణిమ నాడు యుద్ధ ప్రారంభమైనది. కనుక రవి వృశ్చికంలో వుంటే చంద్రుడు వృషభంలో వుంటాడు. 2 వ పాయింట్ ప్రకారం అమావాస్య నాటి నక్షత్రం జ్యేష్ఠ అని తెల్పబడినది. పంచాంగ గణిత రీత్యా ఆ రోజు కార్తీక అమావాస్య అవుతుంది. కనుక యుద్ధం కార్తీకపూర్ణిమ నాడు ప్రారంభమైనదని చెప్పాలి. మహాభారతంలో గ్రహణసమయంలో గురు శుక్ర రవి కుజ శనులు ఏఏ నక్షత్రాలలో సంచారం చేస్తున్నారో ఇవ్వటం జరిగినది. యుద్ధసేనలు యుద్ధభూమిలో మొహరించినది పుష్యమీనక్షత్రం ( 3 వ పాయింట్ ) అయితే అది ఆశ్వీయుజ బహుళ సప్తమి అయితేనే పుష్యమీ నక్షత్రం అవుతుంది.

అనగా యుద్ధానికి 24 రోజుల ముందుగా యుద్ధసేనలు మొహరించాయన్నమాట. కృష్ణుడు రాయబారానికి కార్తీకమాస రేవతి నక్షత్రంలో వెళ్ళాడంటే, ఆ రోజు యుద్ధ ప్రారంభమైన కార్తీక పూర్ణిమకు ముందు 4 రోజులే అవుతుంది. దీనిని బట్టి ఆనాడు ఏర్పడిన గ్రహస్థితిగతులను బేరీజు వేసుకొని మహాభారత యుద్ధం సరిగ్గా ఏనాడు ప్రారంభమైనదనే ఆసక్తికరమైన విశేషాలను ఇంకా ఇంకా పరిశోధించవలసిన వుందని తెలియజేస్తున్నాను ...... మీ శ్రీనివాస గార్గేయ

మకర మాలికా యోగము - నవరత్నాల ధారణపై ప్రభావాలు, పరిహారాలు

2009-06-18T07:21:00.000-07:00

15 జూన్ 2009 నుంచి ప్రారంభమైన మకర మాలికా యోగ దుష్ఫలితాలు, రాహు శనుల షష్టష్టక స్థితి ముగిసేవరకు ద్వాదశ రాశులపై ప్రభావము చూపుతాయి. మకర రాశిలో రాహువు, కుంభ రాశిలో గురువు, మీనంలో చంద్రుడు, మేషంలో కుజ శుక్రులు, వృషభంలో బుధుడు, మిధునంలో రవి, కర్కాటకంలో కేతువు, సింహంలో శనిగ్రహం మాలికా యోగంగా సంచారములున్నవి.

పన్నెండు రాశులలో జన్మించిన జాతకులు ఈ మకర మాలికా యోగ ఫలితాల నుంచి పరిహారం పొందడానికి చాల సుళువుగా పాటించదగిన జాగ్రత్తలున్నవి. ఈ క్రింద తెల్పిన జాగ్రత్తలు తీసుకోనినచో మాలికా యోగ దుష్ఫలితాలు లేకుండా కొంత శుభకర ఫలితాలను అనుభవించెదరు.

మేష వృశ్చిక రాశులు : ఈ రాశుల జాతకులు రాహు శనుల షష్టష్టకము. ముగిసేవరకు అనగా ఇప్పటి నుంచి 09.09.2009 వరకు వచ్చే అన్ని మంగళ వారాలలో అనగా జూన్ 23 - 30, జూలై 7 - 14 - 21 - 28, ఆగష్ట 4 - 11 - 18 - 25, సెప్టెంబర్ 1 - 8 తేదీలలో ఎరుపురంగు గానీ, తెలుపు రంగు గానీ దుస్తులను ధరించవద్దు. అలాగే ఆయా మంగళవారాలలో కుజ శుక్ర రత్నాలైన పగడము గానీ, వజ్రము గానీ ధరించకుండా వుండండి. నవరత్న ఉంగరాన్ని ఈ రాశి జాతకులు పైన తెల్పిన తేదీలలో ధరించవద్దు.

వృషభ తులా రాశులు : ఈ రాశుల జాతకులు 9 సెప్టెంబర్ వరకు వచ్చే అన్ని శుక్రవారాలలో అనగా జూన్ 26, జూలై 3 - 10 - 17 - 24 - 31, ఆగష్టు 7 - 14 - 21 - 28, సెప్టెంబర్ 4 తేదీలలో ఆకుపచ్చరంగు దుస్తులను ధరించవద్దు. అలాగే బుధ రత్నమైన మరకతమును, నవరత్న ఉంగరాన్ని పై రాశులవారు శుక్రవారాలలో ధరించవద్దు.

మిధున కన్య రాశులు : ఈ రాశుల జాతకులు 9 సెప్టెంబర్ వరకు వచ్చే అన్ని బుధవారాలలో అనగా జూన్ 24, జూలై 8 - 15 - 22 - 29, ఆగష్టు 5 - 12 - 19 - 26, సెప్టెంబర్ 2 - 9, తేదీలలో ఎరుపురంగు దుస్తులను ధరించవద్దు. అలాగే సూర్య రత్నమైన కెంపును, నవరత్న ముద్రికను కూడా పై రాశులవారు బుధవారాలలో ధరించవద్దు.

కర్కాటక రాశి : ఈ రాశి జాతకులు 2009 సెప్టెంబర్ 9 వరకు వచ్చే అన్నీసోమవారాల్లో చిత్రాతి చిత్రమైన రంగులు కల ( కలగూరగంప ) దుస్తులను ధరించవద్దు. కేతు రత్నమైన వైడూర్యమును గానీ, నవరత్న ముద్రికను కూడా సోమవారాల్లో అనగా జూన్ 22 - 29, జూలై 6 - 13 - 20 - 27,ఆగష్టు 3 - 10 - 17 - 24 - 31, సెప్టెంబర్ 7 తేదీలలో ధరించకండి.

సింహ రాశి : ఈ రాశి జాతకులు సెప్టెంబర్ 9 వరకు వచ్చే అన్నీ ఆదివారాలలో నీలం రంగు దుస్తులను గానీ, శని రత్నమైన నీలమును గానీ, నవరత్న ముద్రికను కూడా దరించవద్దు. జూన్ 21 - 28, జూలై 5 - 12 - 19 - 26, ఆగష్టు 2 - 9 - 16 - 23 - 30, సెప్టెంబర్ 6 సింహ రాశి వారు ధరించకూడని తేదీలు.

మకర రాశి : మకర మాలికా యోగం జరుగుచున్న తరుణంలో మకర రాశిలో రాహువున్న కారణంగా రాహు శనుల షష్టష్టకము ముగియు వరకు అన్నీ శనివారాలలో అనగా జూన్ 20 - 27 , జూలై 4 - 11 - 18 - 25, ఆగష్టు 1 - 8 - 15 - 22 - 29 , సెప్టెంబర్ 5 తేదీలలో మకర రాశి జాతకులు బూడిదరంగు వస్త్రాలు గానీ, గోమేధిక రత్నాన్ని గానీ ధరించవద్దు. అలాగే నవరత్న ముద్రికను మకరం వారు శనివారం ధారణ చేయకండి.

కుంభ రాశి : మకర మాలికా యోగంలో కుంభ గురువున్న కారణంగా, 9 సెప్టెంబర్ వచ్చే అన్నీ శనివారాలలో బంగారు రంగు దుస్తులకు దూరంగా వుండండి. గురు రత్నమైన కనకపుష్యరాగాన్ని గానీ, నవరత్న ముద్రికను గానీ కుంభ రాశి వారు శనివారాలలో అనగా జూన్ 20 - 27 , జూలై 4 - 11 - 18 - 25, ఆగష్టు 1 - 8 - 15 - 22 - 29, సెప్టెంబర్ 5 తేదీలలో ధరించవద్దు.

ధనూ మీనా రాశులు : ఈ రాశుల జాతకులు 09.09.2009 వరకు వచ్చే అన్నీ గురువారాలలో తెలుపురంగు దుస్తులను గానీ చంద్ర రత్నమైన ముత్యమును గానీ, నవరత్న ముద్రికను గానీ ధరించవద్దు. జూన్ 18 - 25, జూలై 2 - 9 - 16 - 23 - 30, ఆగష్టు 6 - 13 - 20 - 27,సెప్టెంబర్ 3 తేదీలలో ధరించవద్దు.

పైన తెల్పిన ప్రకారంగా పన్నెండు రాశుల వారు జాగ్రత్తలు తీసుకోన్నచో నవగ్రహముల ప్రభావము మాలికా యోగ కారణంగా జాతకులపై వుండదు. ఈ పోస్టింగ్ ని మీ ప్రియ మిత్రుడికి ఈ-మెయిల్ పంపి మకర మాలికా యోగ దుష్ఫలితాలను అరికట్టడానికి ప్రయత్నించండి ......... శ్రీనివాస గార్గేయ

మకర మాలికా యోగ దుష్ఫలితాలకు మొదటి పరిహారం

2009-06-17T07:14:00.002-07:00

2009 జూన్ 15 రాత్రి నుంచి 18 ఉదయం వరకు 55 గంటల పాటు జరిగే అరుదైన మకర మాలికా యోగ కారణంగా పన్నెండు రాశులపై దాని ప్రభావము వుంటుంది. అంతేగాకుండా ఈ యోగ ప్రారంభమైన ముప్పై ఎనిమిది రోజులకే సంపూర్ణ సూర్యగ్రహణము 22 జూలై 2009 న, పదిహేను రోజుల ముందు వెనకాలలో ప్రచ్ఛాయ చంద్ర గ్రహణాలు (మరో పోస్టింగ్ లో ప్రచ్ఛాయ చంద్ర గ్రహణాలు అంటే ఏమిటో తెలుసుకొందాము ) జరుగుతున్నాయి. గనుక ఈ దుష్ఫలితాలు లేకుండా వుండాలంటే దేవీఖడ్గమాల స్తోత్రాన్ని పారాయణం చేయండి. ఈ దుష్ఫలితాల ప్రభావము రాహు శని గ్రహాల షష్టాష్టకము వెళ్ళునంతవరకు అనగా 9 సెప్టెంబర్ 2009 వరకుండును. అంతవరకు పన్నెండు రాశుల వారు ఖడ్గమాల స్తోత్రాన్ని నిత్యం పారాయణం చేసినచో ఉపశాంతి కలుగును.

నవరంధ్రాలతో కూడిన ఈ దేహము నవచక్రములతో విరాజిల్లే శ్రీచక్రముతో సమన్వయము చేయబడినది భావనోపనిషత్ లో. శ్రీ చక్రములోని మొదటి చక్రమైన త్రైలోక్యమోహన చక్రము భూ తత్వముతో కూడినది. ఈ చక్రములోని రెండవ రేఖలో నాల్గు భుజములు కల్గి పద్మము శూలము ను ధరించి చిత్ర విచిత్రములైన ఆభరణములతో అష్టమాతృకలు వుంటారు. బ్రహ్మ యొక్క శక్తితో బ్రాహ్మీ, ఈశ్వరుని శక్తితో మహేశ్వరి, కుమారస్వామి శక్తితో కౌమారి, విష్ణుమూర్తి శక్తితో వైష్ణవి, వరాహరూపుని శక్తితో వారాహి, ఇంద్రుని శక్తితో మహేంద్రి, చందమున్డులను వధించిన శక్తి చాముండా, లక్ష్మీ సంపన్నంతో మహాలక్ష్మీ అనే అష్టమాతృకలు త్రైలోక్యమోహన చక్రంలో వుంటారు. వీరి ఆభయంతో అష్టరాశులలో ఏర్పడిన ఈ అవయోగ దుష్ఫలితాలు తప్పక తొలగగలవు. గనుక భక్తిప్రపత్తులతో 9 సెప్టెంబర్ 2009 వరకు నిత్యం స్తోత్రించినచో సకల శుభములు కలుగ గలవు.

ఇదిగాక సుందరాకాండ పారాయణం చేసినచో కూడా శుభములు కలుగగలవు. సుందరాకాండలో ఏ ఏ శ్లోకములు పారాయణము చేయవలయనో తదుపరి పోస్టింగ్ లో తెలుసుకుందాం.

మాలికా యోగ దుష్ఫలితాలకు మరో పరిహారం

2009-06-17T07:14:00.001-07:00

మకర మాలికా యోగ దుష్ఫలితాల నుంచి ఉపశాంతి పొందుటకై ఖడ్గమాల స్తోత్రాన్ని పారాయణం చేయవచ్చును. అవకాశంలేని వారు సుందరకాండలోని ముఖ్యమైన ఈ దుగువ తొమ్మిది శ్లోకాలను నిత్యం పారాయణం చేసేది. మన పవిత్ర భారతదేశంలో వెలసిన ప్రాచీన సాహిత్యంలో వాల్మీకి రామాయణమొక మహారత్నం.

తరతరాలుగా యావత్తు మానవాళి హృదయాలను చూరగొన్న అజరామర ఆది కావ్యం రామాయణం. ఈ క్రింది తొమ్మిది శ్లోకాలను పారాయణ చేసిన వారికి బుద్ధిబలం, యశస్శు, ధైర్యం, నిర్భయత్వం, రోగవిముక్తి, నవగ్రహ ఉపశాంతి, వాక్పటుత్వం మొదలగునవి అనుగ్రహమవుతాయి.

సర్వలోక సౌఖ్యం, సంక్షేమం, పురోగతి కోసం సామూహికంగా కూడా పారాయణం చేయవచ్చును. ప్రతిదినం తొమ్మిదిసార్లు లేక ఏడుసార్లు ఏకాగ్రత చిత్తంతో, అచంచల భక్తితో, పరిపూర్ణ విశ్వాసంతో పారాయణ చేయండి.

తతో రావణ నీతాయాః సీతాయాః శత్రు కర్శన
ఇయేష పడమన్వేష్టుం చారణ చరితేపథి (1.1) ---- సూర్య గ్రహ సంబంధిత శ్లోకం

యస్యత్వేతాని చత్వారి వానరేంద్ర యథాతవ
ధృతిర్దృష్టిర్మతిర్దాక్ష్యం స్వకర్మసు న సీదతి (1.189) ---- చంద్ర గ్రహ సంబంధిత శ్లోకం

అనిర్వేదః శ్రియోమూలం పరం సుఖం
అనిర్వేదోహి సతతం సర్వార్ధేషు ప్రవర్తకః (12.10)----కుజ గ్రహ సంబంధిత శ్లోకం

నమోస్తు రామాయ సలక్ష్మణాయ దేవ్యైచ తస్యై జనకాత్మజాయై
నమోస్తు రుద్రేంద్ర యమానిలేభ్యో నమోస్తు చంద్రార్కమరుద్గణేభ్యః (13.59) ---బుధ గ్రహ సంబంధితం

ప్రియాన్నసంభవేత్ దుఃఖమ్ అప్రియాదధికం భయం
తాభ్యాంహియేవియుజ్యంతే నమస్తేషాం మహాత్మనాం (26.50)----గురు గ్రహ సంబంధిత శ్లోకం

రామః కమల పత్రాక్ష సర్వసత్వ మనోహరః
రూపదాక్షిణ్య సంపన్నః ప్రసూతో జనకాత్మజే (35.8)----శుక్ర గ్రహ సంబంధిత శ్లోకం

జయత్యతి బలోరామో లక్ష్మణశ్చ మహాబలః
దాసోహంకోసలేంద్రస్య రామస్యాక్లిష్టకర్మణః (42.33/34)---శని గ్రహ సంబంధిత శ్లోకం

యద్యస్తి పతిశుశ్రూషా యద్యస్తి చరితం తపః
యది చాస్త్యేక పత్నిత్వం శీతో భావ హనుమతః (53.28/28)---రాహు సంబంధిత శ్లోకం

నివృతవనవాసం చ త్వయా సార్ధమరిందమం
అభిషిక్త మయోధ్యాయాం క్షిప్రం ద్రక్ష్యసి రాఘవం (68.28)---కేతు సంబంధిత శ్లోకం

పైన తెల్పిన సుందరకాండ పారాయణం చేయలేని వారు ఈ మకర మాలికా యోగ దుష్ఫలితాలు నుండి చిన్న చిట్కాలతో ఉపశాంతి పొందుటకు తదుపరి పోస్టింగ్ లో వివరాలకై చూడండి.

నేటినుంచే మకర మాలికా యోగం

2009-06-15T05:18:00.000-07:00

ఏమిటా యోగం అనుకుంటున్నారా ! అవును మరి... మకర రాశి నుంచి ఎనిమిది రాశులలో వరుసగా తొమ్మిది గ్రహాల సంచారం ఉండటంతో మకరం నుంచి గ్రహ మాలికా యోగం ప్రారంభం అవుతున్నది. మకరరాశిలో రాహువు, సింహరాశిలో శని షష్టాష్టకములుగా వుంటున్న సమయంలో, మిగిలిన కుంభ, మీన, మేష, వృషభ, మిధున, కర్కాటక రాశులలో వరుసగా ఏడు గ్రహాల గ్రహసంచారం వుండి, 40 రోజులలోపలే ఈ యోగ అష్టమాధిపతికి సంపూర్ణంగా గ్రహణం వాటిల్లటం దాదాపు నాలుగు వందల సంవత్సరాలకు పైబడి మాత్రమే వస్తున్న గ్రహస్థితి. ఇలాంటి మకర మాలికా యోగం 2009 జూన్ 15 అర్దరాత్రి దాటిన పిదప 01.57 నిమిషాలకు ప్రారంభమై, 18 వ తేదీ ఉదయం 09.15 నిమిషములకు మకర మాలికా యోగం ముగుస్తుంది.

గ్రహమాలికా యోగాలు తరచుగా వస్తుంటాయి. కానీ మకర సింహ రాశుల మధ్యను, రాహుశనుల మధ్యను రావటము అనేది చాలా అరుదు. అష్టమాధిపతికి గ్రహణం రావాలంటే, ఆ యోగం ధనుస్సురాశి నుంచి కానీ లేక మకరరాశి నుంచి కానీ వుండాలి. ఈ మాలికా యోగం కన్యారాశి నుంచి ప్రారంభమైనది అనుకుంటే, ఆది సోమ వారాల అధిపతులైన సూర్య చంద్రుల సింహ కర్కాటక రాశుల ఆచ్చాదన ఉండదు. మాలికా యోగం తులారాశి నుంచి ప్రారంభమైతే సూర్య, చంద్ర, బుధుల రాశులలో యోగ సంబంధిత గ్రహ ఆచ్చాదన ఉండదు. అలాగే యోగం మేషం నుంచి ప్రారంభమైతే గురు శని రాశులలో గ్రహ ఆచ్చాదన వుండదు. కానీ ఈ మకర మాలికా యోగములో ఆది, సోమ, మంగళ, బుధ, గురు, శుక్ర, శని వారాల అధిపతుల రాశులలో గ్రహ ఆచ్చాదన ఉండటమే విశేషం. మకర రాశికి అధిపతి శని అష్టమరాశైన సింహంలో ఉండటము, సింహ రాశ్యాధిపతి రవికి 38రోజులలోనే సంపూర్ణ గ్రహణం ఏర్పడటం, ఆ గ్రహణానికి పదిహేను రోజుల ముందుగా ఒక ప్రచ్ఛాయ చంద్ర గ్రహణం, పదిహేను రోజుల తరువాత ఒక ప్రచ్ఛాయ చంద్ర గ్రహణం సంభవిస్తున్నాయి. ఇలాంటి గ్రహ స్థితులు 400సంవత్సరాల తదుపరి ఇప్పుడు వస్తున్నాయి.

ఈ మాలికా యోగం యాబై అయిదు గంటల పద్దెనిమిది నిమిషాలు ఉన్నప్పటికీ, దాని ప్రభావం మాత్రం రాహు శనుల షష్టాష్టకం ముగిసే వరకు వుంటుంది. అంటే 09.09.2009 వరకు ఈ మకర మాలికా యోగ అరిష్ట ప్రభావం వుంటుంది. దీనివల్లన కలిగే దుష్ఫలితాలు పన్నెండు రాశులపై లేకుండా వుండాలంటే మనం ఏం చేయాలి?

పరిహార పద్ధతులకై తదుపరి పోస్టింగ్ లో తెలుసుకుందాం.

వివిధ ప్రాంతాలలో సూర్యగ్రహణ సమయములు

2009-06-14T04:05:00.000-07:00

భారతదేశములోని ముఖ్య పట్టణాలకు సూర్యగ్రహణ సమయాలు భారత కాలమానం ప్రకారం ఈ క్రింది విధముగా వుండును. పువ్వు గుర్తు (*) వున్న ప్రాంతాలలో గ్రహణము సంపూర్ణముగా కనపడును.
అక్షరములు పెద్దవిగా కనబడుటకు ఇమేజ్ పై క్లిక్ చేయండి

సంపూర్ణ సూర్యగ్రహణము

2009-06-13T09:34:00.001-07:00

శ్రీ విరోధి నామ సంవత్సర ఆషాఢ అమావాస్య బుధవారం 22 జూలై 2009 కర్కాటక రాశిలో పుష్యమి నక్షత్ర కర్కాటక లగ్నంలో కేతు గ్రస్తంగా కృష్ణవర్ణంలో సంపూర్ణ సూర్యగ్రహణము సంభవించును. ఈ గ్రహణం 258 కిలోమీటర్ల నిడివి గల ఛాయతో తూర్పు ఆసియా ప్రాంతంలో కనపడును. భారతదేశము, నేపాల్, చైనా, మధ్య ఫసిఫిక్ ప్రాంతాలలో సంపూర్ణం గోచరించును. భారతదేశంలో బీహార్, ఉత్తరప్రదేశ్, మధ్యప్రదేశ్ రాష్ట్రాలలో వున్న కొన్ని పట్టణాలలో మాత్రమే గ్రహణము సంపూర్ణము కాగా, మిగిలిన అన్ని రాష్ట్రాలలో పాక్షికముగానే కనపడును. పాట్నా, వారణాసి(యు.పి), గయా, ఔరంగాబాద్, బాగల్పూర్, ముజఫర్పూర్ పట్టణాలలో గ్రహణము సూర్యోదయం తదుపరి ప్రారంభమై సంపూర్ణంగా కనపడును. జబల్పూర్, సూరత్, భోపాల్, ఇండోర్, ఉజ్జయినీ ప్రాంతాలలో గ్రహణంతోనే సూర్యోదయమై, సంపూర్ణ గ్రహణము గోచరించును. భారత్ మిగిలిన రాష్ట్రాలలో గ్రహణంతోనే సూర్యోదయమై, పాక్షిక గ్రహణం కనబడును. ఖగోళంలో అత్యధిక కాలం సంపూర్ణ గ్రహణ స్థిరబింబము 6 నిమిషాల 39 సెకన్లు వుండి, మధ్య ఫసిఫిక్ లో కనబడును. కానీ భారతదేశములో ముఖ్యముగా పాతలీపుత్రములో (బీహార్ రాష్ట్రములోని పాట్నాలో)మాత్రమే సంపూర్ణ సూర్యగ్రహణ స్థిరబింబము 3 నిమిషాల 43 సెకనుల పాటు గరిష్టముగా, సంపూర్ణగ్రహణ స్థిరబింబము గోచరించును.

భారత కాలమానం ప్రకారం
సూర్యగ్రహణస్పర్శకాలము : ఉ 5గం. 23ని. 24సె
సూర్యగ్రహణస్థిరబింబప్రారంభం: ఉ 6గం. 24ని. 35సె
సంపూర్ణసూర్యగ్రహణమధ్యకాలము: ఉ 6గం. 26ని. 26సె
సంపూర్ణగ్రహణ విడుపు ప్రారంభం: ఉ 6గం. 28ని. 18సె
శుద్ధమోక్షకాలము : ఉ 7గం. 29ని. 28సె
ఆద్యంతంపుణ్యకాలము : 2గం. 6ని. 04సె
సంపూర్ణ స్థిరబింబ గోచర కాలము : 3ని. 43సె

పై సమయాలు పాట్నా పట్టణానికే వర్తించును.

భారతదేశములోని వివిధ పట్టణముల సూర్యగ్రహణముల సమయములను రేపు తెలుసుకుందాం.

దేశారిష్ట యోగములు

2009-06-11T03:19:00.000-07:00

2009జూన్ 15 సోమవారం రాత్రి ఏడు గంటల ఇరవై ఎనిమిది నిమిషముల నుంచి 18 వ తేది గురువారం ఉదయం తొమ్మిది గంటల పదిహేను నిమిషముల వరకు ఎనిమిది రాశులలో తొమ్మిది గ్రహములు గ్రహమాలికగా ఏర్పడుతున్నవి. మకర రాశిలో రాహువు, కుంభ రాశిలో గురువు, మీన రాశిలో చంద్రుడు, మేష రాశిలో కుజ శుక్రులు, వృషభ రాశిలో బుధుడు, మిధున రాశిలో రవి, కర్కాటక రాశిలో కేతువు, సింహ రాశిలో శని గ్రహము వరుసగా గ్రహములన్నియు సుమారు 62 గంటల పాటు ఒక మాలికగా ఏర్పడనున్నవి. తదుపరి జూలై 3 వ తేది రాత్రి తొమ్మిది గంటల నలబై ఒక్క నిమిషము నుంచి ఆగష్టు 16 మద్యాహ్నం మూడు గంటల యాబై ఎనిమిది నిమిషముల వరకు వృషభ రాశిలో వున్న కుజుడికి, సింహ రాశిలో వున్న శనికి పరస్పరము వీక్షణలు వుండటం కూడా ఒక దేశారిష్టమే. తదుపరి జూలై 22 వ తేదిన కర్కాటక రాశిలో కేతుగ్రస్తంగా 258 కిలోమీటర్ల నిడివి గల ఛాయతో సంపూర్ణ సూర్య గ్రహణము ఏర్పడనుంది. గనుక 2009 జూన్, జూలై, ఆగష్టు నెలలు దేశారిష్ట మాసములుగా పరిగణించాలి. ఇలాంటి గ్రహస్థితులు సంభవిస్తే 12 రాశులపై ఫలితాలు ఎలా వుంటాయి? పరిష్కారాలు ఏమిటి? అనే ఆసక్తికర అంశాలను రేపు తెలుసుకుందాం.

ముందుమాట

2009-06-06T04:18:00.001-07:00

అసంఖ్యాకమైన మేధావులకు భరతభూమి పుట్టినిల్లు. మన హైందవ ప్రాచీన మేధావుల గురించి చెప్పుకోవడం మొదలు పెడితే, అది తరిగే విషయం కాదు. మహా ఋషులే ప్రాచీనకాలం లోని శాస్త్రవేత్తలు. జగమెరిగిన పురాణ ప్రసిద్ధులు అనేకమంది వున్నారు. ప్రాచీన మహర్షులు ఏకాగ్రతతో తపస్సులు చేస్తూ, మనోనిశ్చలత, వాక్సుద్ధి, దివ్యదృష్టి వంటి అద్భుత శక్తులను సంపాదించేవారు. తాము సాధించిన శక్తితో సృష్టి, ప్రకృతిల గురించి తెలియజేస్తూ, ఎంతో శాస్త్రీయ పరిజ్ఞానం వున్న వేదాలను వ్రాసుకొచ్చారు. యజ్ఞ యాగాలనే ప్రయోగాలతో ప్రకృతి శక్తులను కైవసం చేసుకోవడం తెలుసుకున్నారు. దుష్టులను సంహరించటానికి అస్త్రాలను కూడా రూపొందించారు. లోక కళ్యాణానికి ఎన్నో - ఎన్నెన్నో మార్గాలను చూపించారు.విశ్వం స్వరూప స్వభావాలను గురించి, ప్రకృతి శక్తుల గురించి వేద ఋషులు స్పష్టాతి స్పష్టమైన సిద్ధాంతాలను మనకు అందించారు. గ్రహగతులకు మానవుని భవిష్యత్తుకు అవినాభావ సంభంధం ఉన్నదని మూడువంతుల ఖగోళ విజ్ఞానమును ఋగ్వేదంలో వుంచారు.

దీన్ని బట్టి వేద ఋషుల యొక్క ఖగోళశాస్త్ర పరిజ్ఞానం ఎంత అపారమైనదో తెలుస్తుంది. నక్షత్ర సమూహాలైన గెలాక్సీ గురించి, రాశిచక్రాన్ని గురించి, విషువత్తుల గురించి, ధ్రువతార మార్పులను గురించి, సౌరశక్తిని గురించి, గ్రహాల గురించి, భూమి వర్ణన...దాని చలానాలను గురించి, ఉత్తరద్రువం, ఋతువుల గూర్చి... ఇలా... ఎన్నో... ఎన్నెన్నో అంతరిక్ష ఖగోళ విజ్ఞానాంశాలు నిండిన గ్రంధమే ఋగ్వేదం. పైన తెల్పిన విశేషాలపై ఆధారపడే జ్యోతిష్యశాస్త్రం పుట్టింది. జ్యోతిషం కోసం గ్రహగతులను లెక్కించాలి. కనుక జ్యోతిషంతో పాటు గణితం కూడా చెట్టాపట్టాలు వేసుకొని పెరిగింది. అటు జ్యోతిషంలోను ఇటు గణితం లోను ఆరితేరిన మేదావులైన పరాశరుడు, ఆర్యభట్ట, వరాహమిహిరుడు, బ్రహ్మగుప్తుడు లాంటివారు అతి ప్రాచీన కాలంలోనే తమ శాస్త్రీయ పరిజ్ఞానంతో మన హిందూ జాతిని ముందుకు నడిపించిన మేధావులు. ఇట్టివారిని మనం మననం చేసుకుంటూ, నిత్యం నమస్కరించుకోవాలి.

ఇందుచే వేద పురుషుని చక్షువుగా జ్యోతిశ్శాస్త్రం గుర్తింపబడినది. ఆకాశంలో కనపడే సూర్యచంద్రులు, నక్షత్రములు, గ్రహములు మొదలైన వాటిని మానవుడు పరికిస్తూ, కాలగమనంలో క్రమం తప్పకుండా వస్తున్న మార్పులను జ్యోతిష శాస్త్రం ద్వారా గమనించటం జరుగుతుంది.గనుక ప్రకృతిలోని సమస్తవస్తు జాలముల సృష్టి స్థితి లయములకు కాలమే హేతువవుతోంది. ఈ కాలమును అతిక్రమించుట ఎవ్వరికీ సాధ్యము కాదు. దేవతలు, రాక్షసులు, రాజులు, ప్రజలు, జంతువులు, సర్వప్రాణులు కాలవశముననే జనించుట, నశించుట జరుగుతుంది. ప్రాచీన మహర్షులు కాలమునకు రూపం కల్పించి కాలపురుషునిగా గ్రహించారు. ఇందులో కొన్ని సమయములు కొన్ని సంఘటనలకు కారణములుగా చెప్పబడతాయి. ఈ సంఘటనలు గ్రహప్రభావములచే అకస్మాత్తుగా కొత్త మార్గం లో ప్రయాణిస్తాయి. నిర్ణయాత్మకమైన మార్పులచే మానవుని సాంఘిక జీవితలో వివిధ రకాలుగా ప్రయోజనాన్ని కల్గించే శాస్త్రాలలో అత్యంత ప్రాధాన్యత కల్గిన శాస్త్రముగా జ్యోతిష్యశాస్త్రం నిలబడిపోయింది.

మానవుని అవసరాలకు, కోరికలకు జ్యోతిష్యపరమైన విచారణకు, పరిశీలనకు ఎల్లప్పుడూ ప్రేరేపణ శక్తులుగా వుంటున్నాయి. ఈ కారణములే మానవుని జీవితంలో విభిన్న సందర్భాలలో ఏర్పడే ఘటనలకు జ్యోతిష ఫల శాస్త్రమునకు గల అవినాభావ సంబంధాన్ని తెలియజేస్తున్నాయి. ఈ శాస్త్రముననుసరించే జీవితంలోని సంఘటలను వీలైనంత ఖచ్చితంగానే చెప్పవచ్చును. 19 వ శతాబ్ది ఉత్తరభాగము నాటికి మానవుని జనన కాలమును ఖచ్చితంగా నమోదు చేయుటకు ప్రామాణిక గడియారాలు లేకపోవడం, అత్యల్ప సంఖ్యలోనే విధ్యావంతులున్డటం, సక్రమమైన గణితాలతో పంచాంగాలు అందుబాటులో లేకపోవడమనే ముఖ్య లోపాలు వుండేవి. 20 వ శతాబ్ది మధ్యభాగం నాటికి ఇవన్నీ పూర్తిగా సమకూరడంతో జ్యోతిషరంగం ప్రపంచ ప్రజల సమస్యలకు ధీటుగా జవాబు చెప్పగల స్థాయిలో ఉందనుటలో సందేహంలేదు.

మహాపుణ్య ప్రదంగా, ప్రత్యక్ష నిదర్శనంచే రహస్యమైనదిగా సూర్యచంద్రుల సాక్షులు కల్గినదిగా, వేదములచే ప్రభోదించ బడినదిగా, శ్రౌత స్మార్తాదిగా అన్ని కార్యములకు ఉపయుక్తమైనదిగా, కాలాన్ని సూచించునది, మానవునికి జన్మకర్మల ప్రకారము ప్రాప్తించే శుభాశుభ ఫల నిర్ణయం చేయునదైన ఈ జ్యోతిష్య శాస్త్రం ద్వారా భవిష్య ఫలితాలను, అనేక పురాణ ఇతిహాస సారాంశాలను, ధర్మ సందేహాలకు సమాధానాలను, రాబోయే గ్రహ సంచార స్థితి గతులను సకాలంలో సకుటుంబ సపరివార సమేతంగా సందర్శించటానికై సనాతన సంప్రదాయ సమాచార సంగ్రహాన్ని సగర్వంగా మీకు అందించనుంది మా " గ్రహభూమి ". క్రమం తప్పక సందర్శకులు ఆసక్తితో చదవగలరని ఆశిస్తూ

- దైవజ్ఞ పొన్నలూరి శ్రీనివాస గార్గేయ